WUWÖT 33:4 - PIPÏLIA

⁴ Otini kilïm pïchay ngalechoni ghach, kilochö akimöminye chi nyo kilach karïn cho pïchighöch.

WUWÖT 33:4 Referans Kwoze

KIYITUT 14:39

Kïmwochï Musa pipö Israel ngalechay kamwa ECHOTYON, kïlokyö chane nyoman.

ESEKEL 26:16

Rökuno pöytoghi punton ngöcherwekwa pö paytagh, akïngwïs sampunekwa nko sïrokökwa cho mirmiryot nko karïn atolapay kïtïpï ngwïny kïpotonchot.

ESEKEL 24:23

Töpïyot kopïyen mötöwekwa alokekwa kweghkökwo. Mosönöniö anta oriryö. Ochororyotenekwa, alokyï kegh akwane akwompö ngokikwa.

ESEKEL 24:17

Mekany kelïm sönönötengu, amesönön ompö meghenyi. Ratanyi kopiyengu ailach kweghköku, mekarta kutingu anta iyam makatyanta sönönöt.”

KIYITUT 14:1

Kuteghyö nyu pich akïriryö löwïr aghononi.

SAKARIA 7:5

“Lentöy ECHOTYON Kimuktoghin, mwochinö pich löwïr cho mi kor nko tïsï lö, ‘Kyosönönekwa, akïrur ompö arawa mut nko arawa mut nko odeny ompö könyiswechaye kewer le 70 wölo melö kyaghakwa lenyoni ompöwölo kyokonyïtanïkwa.

SAKARIA 7:3

akï tep tïsï nko werkoy ompö Kö pö Tororöt Kimuktoghin lö, “Mïchinecha ketasa tagh kesönönö akekïrur le wölo kikighecha ompö könyis cho chang otini ketomtö arawa mut nya?”

YONA 3:6

Nyini kilïm pöytoghinto Ninawi ngalechï, kïnget ompö ngacharunyi pö paytagh, akïngwïs sïrokachi cho koghöch, atolapay kulach sarankwachtin akïtöpö aryon.

OSEA 7:14

Rirchinanïn chane wölo melö ompö man, wirchini kegh ngwïny akïsölölyö akïlentöy tatakan sowutkökwa cho pagh nko dipay,* wölo tökïtaghanïn chane.

ISAYA 32:11

Komitekwa otïpisot nyo karam akï puryö kïgh nyo kesusokwa, wölo opotonchenö ye ompö mïghöt! Akarera sïrokökwo akörmön sarankwachtin.

AYUPU 2:12

Otini kitökïmi chane ato low, kïsïwa Ayupu, wölo melö kipköchï chane lö ki nyinte, wölo otini kipköchï, kutor kïriryö akukik akïkarer sïrokökwa ompö nkwonïn akwistö terït kutang yïm akupispisyï walaka mötöwekwa.

AYUPU 1:20

Kïnget nyu Ayupu akïkarer sïrokachi ompö nkwonïn akïrwach mötïnyi, atolapay kupïtyï ngwïny

ESRA 9:3

Nyini kyalïman lenyoni apalpalan sïrokachu kuporï nyarïltanyan angaghan puto möt nko tamughye arönchan kegh.

2 PÖYTOGHÏ 19:1

Otini kilïm pöytoghintö Esekia ngalechay, kïkarer sïrokachi ompö nyarïl akulach sarankwachtin akïwö kïlït Kö pö ECHOTYON Tororöt.

1 PÖYTOGHÏ 21:27

Otini kiwany Eliya kïngalan, kïkarer Aap sïrokachi akïngwïs akulach sarankwachtin. Melö kitökwomisyö atoni wölo kisïch nyarïl nyo wow.

2 SAMWEL 19:24

Kungwïn Mepiposyet nyo pö ka Saulö kïtarok pöytoghin amelö kiwun kelyechi anta mut tamughyenyi anta mwat sïrokachi, kïngata otini kingeta pöytoghintö Yerusalem ntökïmïla nyo karam.

LAWIN 10:6

Atolapay kïlenchï Musa Aron nko werkachi Eleasar nko Itamar, “Mopïstö putekwo kïtirirön amakarer sïrokökwo, kuporï lö omikwa lok atömomeghö atömönörekyï ECHOTYON pich löwïr. Wölo muköy kïriryö pipö Israel walaka löwïr ompö chane cho kewanya ECHOTYON ma.

WUWÖT 33:6

Kïlenyona kïngwïs pipö Israel karikwa kïngata kutïng pö Sinay kutang tagh.

1 SAMWEL 6:19

Kipar ECHOTYON pipö Pet Syemes cho le 70, ompöwölo kirumtö Santuku Muma ECHOTYON. Kïlokyö pich ompöwölo kapar ECHOTYON pich cho chang tya.