WUWÖT 32:18 - PIPÏLIA

¹⁸ Wölo kïlö Musa, “Melö kut nyï olïman nyo pö kiteghat nyo pö rïntagh anta kiteghat nyo pö pich cho kakïrïnta, wölo pölö nyo pö tumöt.”

WUWÖT 32:18 Referans Kwoze

DANIEL 5:23

Kisïtönyi kegh yïm kïtïl ECHOTYON nyo pö yïm otini kakipunyi kari Kö pö Tororöt. Igheghsyeghenyi nko chönökopïrtineku nko koruku nko chemïnïngweniku, okwolökwa tororötin cho kikigha silpa nko koltin nko taghoy nko karïn nko ket nko koghi tororötin cho melö rosïtoy anta lïm kïgh anta nkït kïgh. Wölo kimekonyïtönyinye Tororöt nyo mi söpontöngu morichi nko ighisyewutköku löwïr.

DANIEL 5:4

Kïgha dipaychay atolapay kïkwol tororötin cho kikigha koltin nko silpa nko taghoy nko karïn nko ket nko koghïn.

WUWÖT 32:17

Otini kilïm Yoswö pölö nyo pö pich cho kiteghyö, kïlenchï nyinte Musa, “Mi pölötö nyo pö poryot möngot.”

WUWÖT 32:19

Otini kirich Musa möngot akïsïwa moghay nko tumöt, kïnarek tya akïwirchï ngwïny koghichay töpölöl kömi morichi kïghyösyö ompö kutïng to.