WUWÖT 32:15 - PIPÏLIA

¹⁵ Kïmïla Musa kïrökunö kutïng nko koghichay töpölöl le odeny pö kirurut kimi morichi cho kikikir woptine kwodeny.

WUWÖT 32:15 Referans Kwoze

KINONO KIRURUT 9:15

“Kïlenyona orökunan kutïngay akïmi koghichay töpölöle kwodeny morichan, kikikirchï ngala muma. Akimi ma kïnögho kutïngay.

NGONGUT 5:1

Atolapay asïwan ompö ewu tagh nyo pö nyinte nyini kitöpo ngacharu paytagh kitapï nyo kikikir ori nko sany akekara möchey mut nko odeny.

TUMWÖY 19:7

Tenote kirurut pö ECHOTYON, lölongöy söpon. Ghanate machata ECHOTYON, töni ngöghomnyö sölwö.

KINONO KIRURUT 5:22

“Kimwochï ECHOTYON ngalechoni löwïr tuyenkwa kïmïkul ompö kutïng ompö kut nyo kingölonuno ma nko polta nko tuwïn nyo wow. Amelö kitas kiyomisutkö walaka. Atolapay kukirchï ECHOTYON kirurutchoni koghïn odeny cho töpölöl akïkonanïn.

WUWÖT 40:20

Atolapay kïcheng koghichay pö kirurut akutö Santuku Muma akulut keti kaymorischay mi Santukï akutö köröwonte,

WUWÖT 31:18

Otini kiwany ECHOTYON kïngalan nko Musa ompö kutïng pö Sinay, kutö nyinte koghïn odeny cho töpölöl cho pö söwintön cho kikira Tororöt ewunyi.

WUWÖT 24:18

Kïlït Musa poltonay otini kipustoy kutïng akïtöpö kutïng osis tömönut angwan pöghet nko nangat.

WUWÖT 16:34

Kutö Aron tawu Santuku Muma* atökeror lenyini kimwochï ECHOTYON Musa.

2 KORINTO 3:3

Rumunote nyoni lö ochikwa palalyanta Kristo* nyo kikir nyinte akïkonecha ketötenö. Melö kikikira winö palalyantanoni, wölo kikikira Mïkulöwu Tororöt nyo satate amelö kikikirchï paraku keronytina, wölo kikikirchï paraku mïkulis pö pich.

2 KORINTO 3:7

Kikïkonï kirurut akekir paraku keronytin, wölo ato mi löt kwipï meghat. Ki wow ororyeto kirurutchoni nyoman nyo kimelö kitökumuk pipö Israel ntökïtopön tokochu Musa lötok akwompö kwerkwerïn pö ororyononi kimi kulingotoy pat. Kïkany nyu ato kikonï ighisyo kïyoni kikonï meghat ororyö nyo wow lenyoni,

EPRANIA 9:4

nyo kitïng watwa cho kikigha koltin ompö ato kïpelo köröstin akïlö Santuku Muma* nyo kikïsïlö koltin woptin löwïr. Kimi orinyi törö nyo kikitanga koltin nyo kimi omisyö nyo kikïkuro mana nko lïpö Aron nyo kisanak sökö nko keronytin cho kikikir kiyomisöt.

WUWÖT 24:12

Kïlenchï ECHOTYON Musa, “Nyonö mpurö kutïng parak wölï omitan, ato konïn koghïn cho töpölöl cho mi kirurut nko kinetut cho kyakiran.”

WUWÖT 32:16

Kigh Tororöt koghichoni töpölöl akikikirchï kikirut.

WUWÖT 34:29

Otini kirökunö Musa kutïng pö Sinay, kipu koghichay le odeny töpölöl pö kirurut. Kimenkïtnye nyinte lö kilïwï tokochunyi, ompöwölo kingalan nko Tororöt.