WUWÖT 3:14 - PIPÏLIA

¹⁴ Kuyokyï Tororöt lö, “Ochan nyo Ochan. Mwochinö pipö Israel lö, ‘OCHAN nyo keyokwanïn wölo omitekwa.’

WUWÖT 3:14 Referans Kwoze

EPRANIA 13:8

Karkegh Yeso Kristo* omötu nko ye nko kokay.

YOANA 8:58

Kuyokyï Yeso chane lö, “Omwowokwa nyoman lö, kïtomö keyï Apraam, ‘Omitan.’ ”

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

TUMWÖY 90:2

Ichinyi Tororöt kokay nko kokay nyo kimito kïtomö kïpitï kutïngkotï akitomö ighanyi ngwïny.

ISAYA 44:6

Mwoghöy ECHOTYON Kimuktoghin, nyo pöytoy akïghetöy Israel lö, “Ochan nyo pö tagh, achan nyo pö löt, Tororöt nyo le nyinte onkït, möminye anka kïpoto ani.

NGONGUT 1:4

Ani Yoana nyo kokirchï palalyantanï kanisen mut nko odeny cho mi koro Esya. Nya kïtöpö pöropchö nko akwa nko kalya nyo ngwïno Tororöt nyo mi akï nyo kimi akï nyo tökungwïnöy nko cho pkono wölo mi mïkulis cho le mut nko odeny cho mi tawu ngacharunyi pö paytagh,

NGONGUT 1:17

Otini kyasïwan nyinte, opïtyan kelyechi le chi nyo kima. Kukanaghanïn ewunyi nyo pö tagh akïlö, “Mewöghisïyi! Ochan nyo pö tagh achï nyo pö löt.

WUWÖT 6:3

Kyongwïnchan Apraam nko Isak nko Yakopo le Tororöt Kimuktoghin, wölo moporchanye kegh chane ompö kaynenyan, ECHOTYON.

NGONGUT 4:8

Kitïng anka tïkwïl ompö tyonchoni sötote le angwan köpepoy mut nko akonga, akighömï konyïn chane le chankonyïn chane kitumöy chane kïpuryö kimïny pöghet nko nangat kïlentöy. “Tïlil, tïlil, tïlil Echotyon Tororöt nyo le Kimuktoghin, nyo kimi akïtökïmi akï nyo tökungwïnöy.”

2 KORINTO 1:20

Ompöwölo nyinte nyo le, “Owöy” pö kiyomisut pö Tororöt kïmïkul. Nka nyoni kïmwoghecha lö, “Owöy,” kuwerï ara Kristo ompö salata Tororöt.

YOANA 8:28

Kïlenyona, kïlenchï Yeso chane, “Otini kawanyakwa apar Wero Chi, onkïtukwa nyu lö, ‘Ochan nyinte nyo Kochï,’ ankïtukwa nyu lö, moghanye kïgh nyonikïny ante wölo ongölonan ngalechini kinetanïn Paponyu.

MATAYO 28:20

anet chane kïrïp ngal tïkwïl cho kochikwokwa, ankïtï lö omitan nko akwa osis löwïr ntökuwonyö ngwïnya.”

TUMWÖY 68:4

Otumchinö Tororöt, asal kaynatenyi asagha nyinte nyo wegho poltoy. Kïkuro kaynatenyi ECHOTYON, ongörökyinö nyinte!

MATAYO 18:20

Ompöwölo ato tuyö pich odeny anta sömök ompö otö akonga ompö kaynatenyan omitan kwenungwa.”

AYUPU 11:7

“Imukenyi ntenkïtï tïpö Tororöt cho pö wïngotï? Imukenyi ntenkïtï sörömu Kimuktoghin?

YOANA 8:24

Nka nyay komwowokwa lö omeghsokwa ompö ngokikwo ato maghanakwanye lö, ‘Ochan nyinte,’ omeghsokwa ompö ngokikwo.”

WUWÖT 3:13

Wölo kïlenchï Musa Tororöt, “Ato owan wölo mi pipö Israel alenchan chane, ‘Keyokwanïn Tororöt pö papotïnekwa wölo omitekwa,’ akïtepanïn lö, ‘Ngo kaynenyi?’ Omwochan ne chane?”

WUWÖT 6:2

Kïlenchï Tororöt Musa, “Ochan ECHOTYON.

WUWÖT 23:21

Orip kegh ompö tawunyi ater cho mwoghöy. Mapeny ngalechi, ompöwölo mölöstewekwanye lelutkökwo, ompöwölo mi kaynenyan orinyi.

WUWÖT 15:3

“Chi pö poryot, ECHOTYON nyo awes, kaynenyi kï ECHOTYON.

ISAYA 42:8

“Ochan ECHOTYON, kaynenyan nyoni, motöninanye chitö anka ororyenyu. Amelö kitöni salatenyan körkeyïntin cho kipötöy.