WUWÖT 28:2 - PIPÏLIA

² Inöpchinenyi werïnkwa Aron sïro cho tïlilöch cho pö konyït nko pïchighyö.

WUWÖT 28:2 Referans Kwoze

LAWIN 8:30

Atolapay kïcheng Musa mwaghay kiyiltoy kite nko kisön tïkwïte ompö ato kïpelo amöros akwisö Aron nko werkachi nko sïrokökwa. Kïlenyona kengot chane nko sïrokökwa.

WUWÖT 31:10

nko sïro cho kakïnap nyo karam cho tïlilöch cho pö Aron nyo le tïsin nko sïroko werkachi, ompö ighisyengwa nyo pö tïsintön

NGONGUT 19:8

Kikïchömchï Tororöt mïraranoni kulach sïra katani nyo pïchigh nyo kwerkweröy.” (Sïranoni pö katani pïchigh kuporu ighisyewut cho karamach cho kighöy pö pipö Tororöt.)

EPRANIA 7:26

Yeso nyu onkït nyo le Tïsin nyo Wow* nyo mïchinecha. Tïlil nyinte akïmötïngnye lelut anta ngokï ompö orinyi. Kikepesyö nyinte nko mwokïyis aketotegha kïwö yïm parak.

AYUPU 40:10

“Ywalena kegh wowïn nko töroryö! Minena kegh ororyö nko pïchighyö.

WUWÖT 28:40

“Inöpchinenyi werpö Aron sïro nko angwo pö sïro nko kopiyen cho pö konyït nko pïchighyö.

NGONGUT 5:10

Keghanyi chane kilïkwï pipö pöyunöt nko tïsï cho pöghisyechini Tororötïncha, akïpayta ngwïny.”

1 YOANA 3:2

Chamankachu, kïchicha ye monïngo Tororöt, wölo tömönye kengongwï lasiny lö kïnenöchitucha. Wölo kinkïtöcha lö ato kïngongwï Kristo,* kekörecha kegh nko nyinte, ompöwölo kïsïwïyecha nyinte le wölo lata.

2 PETRO 1:17

Kikïmitecha wölini otini kitö Papo Tororöt nyinte konyït nko ororyö, ato kingwïnchï kut nyo kingwïno nyinte nyo Oror Tya kilö, “Anyï Werïnyan nyo le chamanenyan, nyinte nyoman ongörökinan!”

EPRANIA 2:9

Wölo kïsïwïyecha Yeso nyo kikigh kwapta kite osis cho ngörï kïtïl malayken kelokyini ororyö nko konyït ompöwölo kiwongunö meghat atökumï ompö pöropcho Tororöt kïmegha chi anka tïkwïl.

KALATIA 3:27

Ompöwölo kikipötisönchokwa löwïr Kristo alakakwa nyu nyinte.

RUMI 13:14

Wölo nya kïlïkwï Echotyon Yeso Kristo* longa nyo ripekwa, amotö porwöyikwa pöroyïn kwigh lenyini köpïrchï kwigh.

RUMI 3:22

Yityini Tororöt pich ma ompö ara kighanat nyo ghönöy Yeso Kristo. Akuyityini lenyoni pich löwïr cho ghönöy Kristo, kïrkegh kechï ngo,

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

ISAYA 64:6

Kïchicha löwïr mwokïyis, kïrkegh keghacha tïkwïn cho kakïsïwïyi lö karamach, ki ghach tïkwïl! Kïlatecha sökö cho silonchot akïkutïta yomat akwompö ngokicha.

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

ISAYA 4:2

Itu asis ato ighöy ECHOTYON kösïghyon anka tïkwïl nko ket anka tïkwïl nyo mi ngwïny kusïl akïpit kïyetï akïpïchighit. Ngörökyini pipö Israel cho le ngötunön akwa cho pitu cho pkono korononi.

TUMWÖY 149:4

Yömöy ECHOTYON pikachi, töni rïntagh pich cho tölose.

TUMWÖY 132:16

Olokyinan tïsichi sörunöt, tumöy pikachi akuteghyö ompö ngörekyö.

TUMWÖY 132:9

Nya kelokyï tïsiku man, akuteghyö piköku ompö ngörekyö!

TUMWÖY 96:6

Kiwitwit ororyö nko konyït wölo mi nyinte, kinyïghï owesyö nko pïchighyö Konyi.

WUWÖT 40:13

ailokyï Aron sïrochay pö tïsintön aiyil atökïpöghisyeghwanïn le tïsin.

ISAYA 52:1

Ngeta! Ngeta! Awesituna we Sayon!* Laka sïroköku cho pïchighöch, we Yerusalem kanasyan nyo tïlil! Ompöwölo melö tökïlïtu ortïneku ngat chi nyo le somchon nko nyo le sïmnyon.

WUWÖT 29:28

Lïku nyete kareran nyo töni pipö Israel Aron nko werkachi kïnomnyö, ompöwölo kareran nyo töni pipö Israel tïsï ompö ropöwontengwa nyo pö pöghisyo ompö ECHOTYON.