WUWÖT 27:3 - PIPÏLIA

³ Ighenyi tören cho toköy aren nko kichikeni ngayam nko tïwanay nko sartï nko nököghon. Ighonyi karichoni löwïr taghoy.

WUWÖT 27:3 Referans Kwoze

2 OTÖPTINO OSIS 4:11

Kigh Uram tören nko kölöpöchtin cho echön cho pö karïn, akwigh otupöy. Kïlenyona kuwany Uram ighisyenyi nyo kighchini pöytoghin Solomon ompö Kö pö Tororöt. Choni kï: pchörin odeny otupöy odeny cho le mötöwo pchörinechoni kari walaka odeny cho pö netin cho kiyen otupöyichay kari taghoy 400 cho lata makomanka cho kikïchagh kïnyïl odeny akemina netinechay, aketö paraku otupöyi kwodeny nkarin taman nko pakulinekwa tanki nko eghina taghoy taman nko odeny cho tighöy tanki tören nko kichikeni ngayam nko umen Kigh Uram tören nko akölöpöchtino karïn nko sartin cho pö karïn cho kïrïtuno pany nko tïkwïn cho kigh kwighchï pöytoghin Solomon kïpöyit Kö pö Tororöt, kigh kari tapok cho kikïsit.

1 OTÖPTINO OSIS 28:17

Kimwochï nyinte lö koltin cho karamach cho tya cho kigho umen nko pakulin nko alepïtis nko silpa nko koltin cho tya cho kikigho söpïryen,

2 PÖYTOGHÏ 25:15

Kip wowïn pö lïk kïgh anka tïkwïl nyo kikigha koltin anta silpa, tïwan nko kapempoy cho kikipo ma.

1 PÖYTOGHÏ 7:40

Kigh Uram ngat otupöy nko kichikeni ngayam nko otupöy cho mïnkech. Kiwany nyu Uram ighisyonay kighchï pöytoghin Solomon ompö Kö pö Tororöt. Achï tïkwïn cho kigh nyinte: pchörin odeny otupöy odeny cho le mötöwo pchörinechoni kari walaka odeny cho pö netin cho kiyen otupöyichay kari taghoy 400 cho lata makomanka cho kikïchagh kïnyïl odeny akemina netinechay, aketö paraku otupöyi kwodeny nkarin taman nko pakulinekwa tanki nko eghina taghoy taman nko odeny cho tighöy tanki tören nko kichikeni ngayam nko otupöy Kighchï Uram pöytoghin Solomon tïkuchoni löwïr töketeka Kö pö Tororöt. Kikigha tïkuchoni löwïr kari taghoy.

KIYITUT 4:14

akutö ori karïn lapay cho kikïpöghisyegho ompö ato kïpelo amöros: Tören nko umen nko kichiken nko otupöy. Yeno chane sïra aran akulut ketichay kïsïto.

LAWIN 16:12

Atolapay kïchengwï kerony nyo kinyïghï ngeset ompö ato kïpelo amöros akïcheng tïkuchay ngutoy cho onyïn römut akonga cho kikïtïgh kïmïnkechitu atolapay kwip kïlït Wölo Tïlil Tya

WUWÖT 38:3

Kwigh karïn löwïr cho pö ato kïpelo amöros: tören cho toköy aren nko kichikeni ngayam nko tïwanay nko sartin nko nököghon, kigha karichoni löwïr taghoy.

WUWÖT 24:6

Kïcheng Musa kisönkö kareran akutö otupöy akïcheng chinö walaka akwisö ato kïpelo amöros.

WUWÖT 27:2

Itö kuy angwan luchtine kwangwan, cho nömöy kegh tïkwïl aimala taghoy.

WUWÖT 27:4

Ighchï wölo lïtöy arenï nyo pö kari taghoy. Aitö kaymoris angwan cho pö karïn, kuye kï angwan.

1 PÖYTOGHÏ 7:50

nko kikompen nko makasin nko otupöy cho mïnkech nko mïkong nko kïsakeni koltin cho pïchighöch nko pateni koltin cho pïchighöch nko kukoti kö nyo pö ori, nyoni kï Wölo Tïlil Tya* nko kukotiko kot nyo pö ori nyoni kï Kö pö Tororöt.

2 PÖYTOGHÏ 25:14

Akwip tören nko kichiken nko tïkwïn cho kikipukuno ato kïpelo amöros nko karïn löwïr cho pö taghoy cho kikïpöghisyegho ompö Kö pö Tororöt.

WUWÖT 27:19

Kigho taghoy karïn löwïr nko nömöwe cho kiwit kasaru Emanoni.