WUWÖT 27:21 - PIPÏLIA

²¹ Töpo Aron nko werkachi ato kïnyoryegho ompö Ema nyo mi ECHOTYON ompö sanypa sïranay mi tawu Santuku Muma.* Nöghöy kitömöwo ntökïyech ompö tawu ECHOTYON. Lïku nyoni kirurut nyo pö kokay ompö pipö Israel nko monekwa löwïr.

WUWÖT 27:21 Referans Kwoze

KIYITUT 19:21

Lïku nyï kirurut ompö akwa kokay, mïchini kuwun chi sïrokachi nyo istoy pöghechay pö kitïlilöt akï chi nyo nömöy pögho kitïlilöt kïlïku sïmnyon ntökwit mönon.

KIYITUT 18:23

Wölo pipö Lawi cho pöghisïyi ompö Ema nyo mi ECHOTYON akï nömöy chane ngokikwa, lïku nyï kirurut pö kokay ompö monekwa tïkwïl. Amöminye mïlata nyo nyoru pipö Lawi ompö kwenu pipö Israel.

2 OTÖPTINO OSIS 13:11

Töni chane Tororöt ropöw cho kïpelöy nko cho ngutoy cho onyïn tökwoghö nko asïna anka tïkwïl nko ompö mönon anka tïkwïl, tötoy makaten cho pö kiporunöt cho pö kiporunöt ompö mesa nyo tïlil nyo kikigha koltin cho pïchighöch nko wölo nöghyegho motï nöghöy mönon anka tïkwïl ompöwölo kïrïpecha ighisyo ECHOTYON Tororötïnyo, wölo kyopïstekwa nyinte.

1 SAMWEL 3:3

Kïmi Samwel kïrïwöy Kö pö ECHOTYON, ato kimi Santuku Muma* akitomönye kemis kitömöwon.

LAWIN 16:34

Lïku nyete kirurut nyo pö kokay ompö akwa nyo kitïsokwa kïnyïl akonga ompö köny ompö ngokikwa löwïr.” Kwigh Musa lenyini kimwochï ECHOTYON nyinte.

LAWIN 3:17

Lïku nyete kirurut kokay ompö pïnwöy löwïr ompö wölini omöngekwa lö mam sunet anta kisön.”

WUWÖT 30:8

Akïpelöy mönon tïkwïl otini noghöy kitömöw, atökïlïkwï ngutogh nyo karam ompö tawu ECHOTYON ompö pïnwöyikwa kokay.

2 PETRO 1:19

Aketïngetecha man ompö lökoy cho kimwowï werkoy. Nyo oghekwa nyo karam ato arïpakwa ngalechoni, ompöwölo karkegh nko kitömöwon nyo lïwuno wölo tuw ntökïtenö kuwas Asisoni akulïwchï mïkuliskökwa löpoyïn pö Kristo le wölo lïwchini kiwasan tapogh pö ngwïny.

YOANA 5:35

Kikarkegh Yoana nko kitömöwön nyo kinoghöy akulïwu, achamakwa ongörekyeghenö löpoyïntanyi ompö osis cho ngörï.

1 SAMWEL 30:25

Kïngata asisoni kwigh Daudi ngalechoni kïlïkwï kirurut nyo kïrïpöy ompö Israel nko ye.

WUWÖT 28:43

Akuloköy Aron nko werkachi otini petöy Ema nyo mi ECHOTYON* anta otini petöy ato lekïto ato kïpelo amöros atökïpöghisyö ompö Wölay Tïlil, atömepchï kegh ghöyityö akïmeghö. Lïku nyete kirurut nyo pö kokay ompö nyinte nko monechi.

NGONGUT 2:1

“Kirchinö malaykayan nyo pö kanisa Epeso lö, ‘Anyï ngölyon nyo ngwïno nyinte nyo nömöy kokelyechay le mut nko odeny, ompö ewunyi nyo pö tagh akïwestegho kwenu ketï pö koltin le mut nko odeny cho ghyongo tatïna.

2 KORINTO 4:6

Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

LUKA 12:35

“Agha kegh lasiny atöpï kïpsach ompö kïgh anka tïkwïl nyo itu amomis tatïnekwo,

MATAYO 4:16

Sïwïyi pich löpoyïn nyo wow cho kötöpisot tuwïn. Körökyï löpoyïn cho kömöngöy koro tuwïn, pich cho köpestegho rurwo meghat. Kechumchï chane yenyu löpoyïn.”

MALAKI 2:7

Mïchini tïsï kunet pich kunkïtï man pö Tororöt akï mïchini kïpechï pich tïsï atö kenet kirurutköchan, ompöwölo tïsï kï kiyoktoghi ECHOTYON Kimuktoghin.

TUMWÖY 134:1

Apkana oyokyinö sörö ECHOTYON akwa löwïr mötwori ECHOTYON, cho opöghisïyi ompö Konyi ato le nangat.

KIYITUT 8:9

Atolapay ituyö pipö Israel löwïr aikany kughyongö pipö Lawi tawu Ema nyo mi ECHOTYON.*

LAWIN 24:9

Pöyitu makatine Aron nko werkachi akyomo wölo tïlil, ompöwölo karerantangwa nyo pö omisyö cho kïropchini ECHOTYON ompö ma.”

LAWIN 24:3

Noghöy Aron kitömöwonte nangat akïkany kïnagh kïyech ompö ananka wölo mi Santuku Muma* okumpö sany ompö tawu ECHOTYON. Nyete kï kirurut ompö pïnwöy löwïr.

LAWIN 3:8

kukönoghöy ewunyi mötïto kech akïpörchï kuka Ema nyo mi ECHOTYON. Atolapay kïcheng tïsï kisönkö akwisö kuwit kïghömï ato kïpelo amöros.

WUWÖT 40:3

Aitö ori Santuku Muma* nyo mi kirurut aikartegha ananka.

WUWÖT 30:36

Itïghotïghenyi walaka kïmïnkechitu aitö walaka Santuku Muma ompö ori Ema nyo mi ECHOTYON, wölo onyoryeghonan nko akwa, lïku nyo tïlil tya ompö akwa.

WUWÖT 29:44

Otïlilan Ema nyo mi ECHOTYON nko ato kïpelo amöros akïlan Aron nko werkachi atökïpöghisyeghwanïn le tïsï.

WUWÖT 29:42

Lïku ropöwon nyo kïpelöy nyo pö kokay ompö kuka Ema nyo mi ECHOTYON, wölo onyoryeghonan angalanan nko akwa.

WUWÖT 29:28

Lïku nyete kareran nyo töni pipö Israel Aron nko werkachi kïnomnyö, ompöwölo kareran nyo töni pipö Israel tïsï ompö ropöwontengwa nyo pö pöghisyo ompö ECHOTYON.

WUWÖT 25:16

Atolapay itö kirurut cho okoninyi santukunoni.

WUWÖT 16:34

Kutö Aron tawu Santuku Muma* atökeror lenyini kimwochï ECHOTYON Musa.

TOWUNÖT 1:8

Kïkurö Tororöt mïrötononi “Yïm.” Kuwer oghö, kwitï pöghetï, asisto odeny.

TOWUNÖT 1:5

akïkurö löpoyïn “Pöghet,” kïkurö tuwïn “Oghö.” Kuwer oghö, kwitï pöghetï, asisto tagh.

LAWIN 24:2

“Mwochinö pipö Israel kwipï mwaghpa orolwö nyo karam tökïpöyit kitömöwon, tökïnagh kïnomnyö ompö Ema nyo mi ECHOTYON.*

KIYITUT 18:5

Ighöy nyi nko werköku ighisyö ompö wölay Tïlil tya nko ato kïpelo amöros atömönörekyï ECHOTYON ngat pipö Israel.

WUWÖT 12:14

Lïku asisï asispa kinanat ompö akwa arip le ichon nyo pö ECHOTYON, ompö pïnwöyikwa löwïr. Oripekwa le kirurut nyo pö kokay.”

WUWÖT 30:21

Wunöy morikwa nko kelyekwa atömömeghö, lïku nyï kirurut nyo pö kokay ompö chane nko monekwa löwïr.”

LAWIN 6:15

Chengöy tïsin pïsya römut akonga nko mwada nko tïkuchay ngutöy cho onyïn, atolapay kïpel le machey nyo pö pïsyechoni löwïr ompö ato kïpelo amöros, ngutogh nyo anyïn nyo mïlöy ECHOTYON.

LAWIN 7:36

Kimwochï ECHOTYON pipö Israel kutötö nyete kïlïkwï nyingwa kokay asisini kikïkïl chane.

LAWIN 10:9

“Meghegh kumïn anta dipay* nyi nko werköku, otini olïtöy Ema nyo mi ECHOTYON tömomeghö. Nyete kï kirurut ompö pïnwöy cho tökïpkonöy.

LAWIN 17:7

Atömökïpörchini chane amörostinekwa oy akwighchï ECHOTYON nyo gha. Lïku nyete kirurut nyo pö kokay ompö pïnwöyikwa.

LAWIN 23:14

Momekwanye makatyan anta pïsya cho kakïkel anta cho lyöghöy ntökwitïta asisoni opunekwa ropöwo Tororötïngwo. Nyete kï kirurut nyo pö kokay ompö pïnwöy löwïr ompö wop anka tïkwïl nyo omöngekwa.

LAWIN 23:21

Okïrurekwa kegh asisoni, ompö tuyot nyo kïkonyïto ECHOTYON, magh ighisyö anka tïkwïl. Nyete kï kirurut nyo pö kokay ompö pïnwöy löwïr ompö wop anka tïkwïl nyo omöngekwa.

KIYITUT 35:29

“Lïku kirurutchï chikwa nko monekwa ompö wölini omöngekwa kokay.