WUWÖT 24:18 - PIPÏLIA

¹⁸ Kïlït Musa poltonay otini kipustoy kutïng akïtöpö kutïng osis tömönut angwan pöghet nko nangat.

WUWÖT 24:18 Referans Kwoze

KINONO KIRURUT 9:9

Kïkany atanya kyapustan kutïng owö opï koghïn cho töpölöl, cho kikikirchï ngala muma* nyo kyam ECHOTYON nko akwa. Kyotöpan kutïngoni osis tömönut angwan nangat nko pöghet. Melö kyaman omisyö anta aghegh pögh.

KINONO KIRURUT 10:10

“Ompurön wölini le kutïng le nyanye pö tagh ompö osis tömönut angwan nko nöngötuskökwa. Kïterwanïn ngat ECHOTYON sowutkachu. Melö kitökïcham nyinte kuwanyokwa.

WUWÖT 34:28

Kitöpö Musa wölini nko ECHOTYON ompö osis tömönut angwan nko nöngötuskökwa, kimamnye makatyan anta gha pögh. Kukirchï koghichay töpölöl ngalechay pö muma le kirurut taman.

KINONO KIRURUT 9:25

“Kïlenyona orïwan ngwïny tawu ECHOTYON osiswechoni le tömönut angwan nangat nko pöghet, ompöwölo kilenchanïn ECHOTYON owonyokwa.

KINONO KIRURUT 9:18

Kyorïwön ngwïny tawu ECHOTYON osis tömönut angwan nangat nko pöghet, le atanya le tagh. Melö kyomisyan anta aghegh pögh ompöwölo kyoghchikwa ngokï ECHOTYON, otini kyaghakwa kïnarek nyinte.

LUKA 4:2

kïtyama Onyötö nyinte wölini ompö osis tömönut angwan. Akïmamnye kïgh nyonikïny osiswechoni löwïr, kwam kömöy lötuto osiswechoni.

MARKO 1:13

Kïtöpö wölini osis tömönut angwan kïtyömöy Onyötö nyinte. Kimito nko tïpö wudïn, kipka malayken kïpöghisyechï nyinte.

MATAYO 4:2

Kikany kïkïrur Yeso osis tömönut angwan, nangat nko pöghet, kwam kömöy.

1 PÖYTOGHÏ 19:8

Kïnget Eliya akwomisyö akïgheghsyö, kutö omisyonay nyinte owesyö nyo kiruteghö osis tömönut angwan ntökwit Sinay, kutïng pö Tororöt

WUWÖT 24:17

Kirumï ororyo ECHOTYON ompö pipö Israel le ma nyo kinöghöy ompö kutïng.

WUWÖT 19:20

Kïrökyï ECHOTYON kutïng pö Sinay parak akïkur Musa kïwö wölini. Kïpusta Musa parak.

WUWÖT 9:33

Kïweghö Musa tawu Parao kutang sanypa kanasyantanay, akughïtö ewunyi kutang wölo mi ECHOTYON tökuwonyö kighumötonay nko takarïschay, amelö kitökïropan ngat.

WUWÖT 9:29

Kïlenchï Musa nyinte, “Otini katan kanasyantanï oghïtan ewunyan kutang wölo mi ECHOTYON. Wonyot nyu kighumötonï nko takarïschï, atenkïtunö lö pö ECHOTYON ngwïnya.

NGÖTÏNYÖ 28:1

Pertoy mwokïyon kïrkegh melö kayon chi wölo nyökon pipö man le ngötïny.

WUWÖT 25:1

Kïlenchï ECHOTYON Musa,

WUWÖT 32:1

Otini kisöwï pich lö kimpur Musa kutïng nyo kogh, kïnyoryö pïchay akïpa wölo mi Aron akïlenchï, “Ighwecha tororöt nyo ntöghoghwecha, ompöwölo mökinkïtöchanye kïgh nyo kegha ompö Musa, chichay kimïtunenecha koro Misri.”

1 PÖYTOGHÏ 19:11

Kïlenchï ECHOTYON, “Wïyö ghyongenö tawunyan ompö kutïng parak.” Akwotini kitökughyongo Eliya atoni, kuwerï ECHOTYON ompö yomöt nyo wow nyo kikarer kutïngöy akïpasyang ghatoy, wölo melö kimi ECHOTYON yomononi. Kïsï yomonay, atolapay kutor koronay kurïngring. Wölo melö kimi ECHOTYON kirïngringötonay.

KINONO KIRURUT 5:31

Wölo imïla nyo le nyi itöpö nko ani, atomwowunyi kinetutköchan löwïr nko kirurutköchan cho inetenyi chane kïrïp ompö korononi otönan chane.’