WUWÖT 24:12 - PIPÏLIA

¹² Kïlenchï ECHOTYON Musa, “Nyonö mpurö kutïng parak wölï omitan, ato konïn koghïn cho töpölöl cho mi kirurut nko kinetut cho kyakiran.”

WUWÖT 24:12 Referans Kwoze

KINONO KIRURUT 5:22

“Kimwochï ECHOTYON ngalechoni löwïr tuyenkwa kïmïkul ompö kutïng ompö kut nyo kingölonuno ma nko polta nko tuwïn nyo wow. Amelö kitas kiyomisutkö walaka. Atolapay kukirchï ECHOTYON kirurutchoni koghïn odeny cho töpölöl akïkonanïn.

WUWÖT 31:18

Otini kiwany ECHOTYON kïngalan nko Musa ompö kutïng pö Sinay, kutö nyinte koghïn odeny cho töpölöl cho pö söwintön cho kikira Tororöt ewunyi.

EPRANIA 9:4

nyo kitïng watwa cho kikigha koltin ompö ato kïpelo köröstin akïlö Santuku Muma* nyo kikïsïlö koltin woptin löwïr. Kimi orinyi törö nyo kikitanga koltin nyo kimi omisyö nyo kikïkuro mana nko lïpö Aron nyo kisanak sökö nko keronytin cho kikikir kiyomisöt.

2 KORINTO 3:3

Rumunote nyoni lö ochikwa palalyanta Kristo* nyo kikir nyinte akïkonecha ketötenö. Melö kikikira winö palalyantanoni, wölo kikikira Mïkulöwu Tororöt nyo satate amelö kikikirchï paraku keronytina, wölo kikikirchï paraku mïkulis pö pich.

YEREMIA 31:33

Muma nyo rel nyo owetan omöy nko pipö Israel kï lata nyï: Otöninan kirurutköchan oringwa, akörchan mïkuliskökwa. Olïkunan Tororötïngwa, kïlïkwï chane piköchan. Mwoghöy ECHOTYON.

2 KORINTO 3:7

Kikïkonï kirurut akekir paraku keronytin, wölo ato mi löt kwipï meghat. Ki wow ororyeto kirurutchoni nyoman nyo kimelö kitökumuk pipö Israel ntökïtopön tokochu Musa lötok akwompö kwerkwerïn pö ororyononi kimi kulingotoy pat. Kïkany nyu ato kikonï ighisyo kïyoni kikonï meghat ororyö nyo wow lenyoni,

KINONO KIRURUT 4:14

Kimwowanïn ECHOTYON osiswechoni alïkwï konetintenkwa nyo onetokwa kirurut löwïr cho mïchini arïpakwa ompö koronini opetekwa ochengöy.

WUWÖT 24:18

Kïlït Musa poltonay otini kipustoy kutïng akïtöpö kutïng osis tömönut angwan pöghet nko nangat.

WUWÖT 24:15

Otini kiwö Musa kutïng parak, kulum polta kutïngay,

WUWÖT 24:2

wölo ngwïnöy Musa onkït wölo omitan, mörikucha chona walaka. Amöpustocha pich nko nyinte.”

MATAYO 5:19

Kïlenyona, chi anka tïkwïl nyo penyöy ompö kirurut akonga nyo mïnïng tya ompö kirurutchï, akunet pikö walaka kwigh lenyoni, kïmïnïngitu nyinte tya ompö Pöyunöto Yïm. Wölo chi anka tïkwïl rïpöy akunetöy lenyini kekuro nyo wow ompö Pöyunöto Yïm.

NEEMIA 9:13

Kirökunenyi yïm ngwïny kutïng pö Sinay aingölönchinyi chane, atolapay itönyi chane kirurut cho pö man, nko kinetutköku cho karamach.

ESRA 7:10

Kinet kegh Esra kirurut pö ECHOTYON akwigh akïrïp akunet pipö Israel kirurut löwïr cho pö Tororöt.

WUWÖT 34:1

Kïlenchï ECHOTYON Musa, “Pata koghïn odeny cho töpölöl le chay kipö tagh, tokirchan ori ngalechay kimi chay kipö tagh kiwirtenyi kïghyösyö.

KINONO KIRURUT 5:31

Wölo imïla nyo le nyi itöpö nko ani, atomwowunyi kinetutköchan löwïr nko kirurutköchan cho inetenyi chane kïrïp ompö korononi otönan chane.’

1 PÖYTOGHÏ 19:11

Kïlenchï ECHOTYON, “Wïyö ghyongenö tawunyan ompö kutïng parak.” Akwotini kitökughyongo Eliya atoni, kuwerï ECHOTYON ompö yomöt nyo wow nyo kikarer kutïngöy akïpasyang ghatoy, wölo melö kimi ECHOTYON yomononi. Kïsï yomonay, atolapay kutor koronay kurïngring. Wölo melö kimi ECHOTYON kirïngringötonay.

WUWÖT 19:3

Kïwö Musa kïpus kutïng wölo mi Tororöt. Kïkur ECHOTYON nyinte ompö kutïng akïlenchï, “Mwochinö kö pö Yakopo, pipö Israel lö,

WUWÖT 32:1

Otini kisöwï pich lö kimpur Musa kutïng nyo kogh, kïnyoryö pïchay akïpa wölo mi Aron akïlenchï, “Ighwecha tororöt nyo ntöghoghwecha, ompöwölo mökinkïtöchanye kïgh nyo kegha ompö Musa, chichay kimïtunenecha koro Misri.”

NEEMIA 9:14

Kiporchinyi chane Sapatotöngu* nyo tïlil aimwochinyi mwoghwutköku nko kikirutköku nko kirurutköku ompö Musa mötworintengu.

TUMWÖY 19:12

Ngo nyo muköy ntökïsïwa lelutkachi? Sörunenante ngokï cho wïngote, we ECHOTYON!