8 Macham asoya, ompöwölo ighöy cho sïwïyi kïköryö akïwïny man.
Makany kïmas chane ngala man amakany kïrïwochï wop akonga anta cheng asoya, ompöwölo konyi pich cho ngöghomöch, akuryal ngala man.
cho tyoköy rïmï ompö roput, akïmasa man pich cho pö man!
Chömöy mwokïyon kingwïsuno asoya mïlenyi, atökuryal ortïna man.
Ipchini chi katanyi nyarïl nyo nyoru sïkönöt ompö ara lïs, wölo söpöy chi nyo ghöchini kiyenöto egh.
Kimarïpcha werkachi körkeyïntanyi, wölo kipïrchï ropïyen akïcheng asoya amökurwokcha ompö man.
Ighöy pïrötö chi nyo ngöghom kïlïkwï sölwö nyo mötïny, akuwurinyi ropata ato ichenganyi.
Molulöy asoya möt chichini tötoy, lenchini kegh onyorchini tïkwïn löwïr.
pich chane cho ighöy ngokï kïnomnyö akïchömöy pich cho yenonu egh.
Mwagha ye nyu chi ompö ECHOTYON nko ompö pöytoghin nyo kakïl nyinte. Ngo nyo kyachengan edanyi anta sïkïryenyi? Anta ngo nyo kyalïsan anta opïrön? Anta ngo nyo kikonanïn asoya atökïkarta konyichan? Mwowunö ye atoyokun.”
Ompöwölo ECHOTYON Tororötïnkwa, kï Tororöt pö tororötin akï Echotyonto echot. Tororöt nyinte nyo awes nyo kiwöghöy akekonyïtöy nyo melö chomöy pich walaka kïtïl walaka anta cham asoya.
Nkït chane kwigh nyï le ghöyityö nyoman tepöy asoya pöytoghin nko kirwokin. Mwoghöy chi nyo wow pïrchin nyo gha ompö mïkulöwunyi.
Onkïtön lö tya lelutkökwa nko wölo tenö ngokikwa, akwa cho onyörilöy kong pipö man, achengoy chane asoya, atïtïpöy ngala ptankeryan ompö kokwö.
Chengöy pich ompö nyi asoya tökïmïlta kisön, ghoköy walaka yiyöwo ropïyen cho kemangta lö tökesïkönonö, akyowutyeghanïkwa. Mwoghöy Echotyon TORORÖT.
Ipu mökosyö kongot cho relach cho chang, wölo pökodoy meywon kongenyi.
Otini kigha kumïn akïtömesyö, kwighata cheporesnan akïchama kegh arasï kïtïl konyït.
Kopukwa kwïle tïsöwekwo. Kikïghöchachïn ngutogh pö tïkuchoni opelekwa. Melö tomukan omïkukönchini Ichontinekwa cho pö Relïn pö Arawa nko Sapatotinekwa* nko tuyotïnekwa cho oryomokwa ompö sowut. Kewur ngokikwa choni lömïs.
nyo pösöntoy ropïyenichi amelö ghoköy tösunön amöchömönye keropöy ato söwintönchini chi nyo puryö lelut. Chi anka tïkwïl nyo ighöy choni, kïmi ato tïghume kokay. Tum pö Daudi.
Kalïkwï pöytoghiku pich cho kichumpön akïlïkwï kongoti chorï. Toköy chane tïpö pich akïcham kerop chane. Melö syonchini pönon ompö ka kirwok anta chömchï mïsïktin kwipchï chane lokekwa.
Heywey! Ochech pich cho köromöch kïgha dipay* cho le nyökon, mïrön cho owesöch cho kulkulyot kumïn cho ngwonöch,
Ingötunenyi ato imwaghanyi ngaleku, aigh cho pö man. Mepöghisyeghö owesyengu ipïr pich cho le mey, amekany keropïn. Megh ghömïchö nko pich cho tötöy rïmö anta cho ighöy tïkwïn walaka cho ghach.
