23 Ato achopakwa kong akïlokyanïn, oteran lokekwa lawel.
Aki yeo, olontekwa möporyechininye Tororöt kïlankachi cho rirchini nyinte pöghet nko nangat kïnyorï man? Alentekwa meghönye lawel?
Okurön ECHOTYON ompö nyarïltanyan, orirchan Tororötïnyan kungarakanïn. Kïlïm nyinte kutinyan ompö Konyi, kit lokechan yitichi.
akwigh loko mey kurelchï Tororöt, kïlïm nyinte lokeko pïchoni mi nyarïl.
Orip kegh tömanan lö ompöwölo kikïlekïtit könyinay kïpïstoy pösönut arosekwa kong nyo gha pikökwa cho le mey amopösönchï kïgh chane. Atorirchï chane ECHOTYON ompö akwa kïlïkwï nyu ngokï ompö akwa.
Tomönye oghokyinökwa pich ropïyenikwa cho ngorwokwa paren ropïyenikwa chanya kyataghekwa ompö lïs. Atere köny lokekwa! Kikwit rirata pïchoni kikas paghekwa yiti Echotyon Tororöt kimuytoghin.
“Riryot pich ato kïghapghap tya yöroy kong chane kingörokut, ompöwölo kecho kong pich cho owesöch.
Töni pich cho rïpöy ngalechi möchutkökwa kïmïchï, lïmchini lokekwa akïsörï chane.
Onkïtön, we ECHOTYON lö, isöröpunenyi cho kïpïröy aigh man ompö chopot.
Oghokyï asisoni chi nyo keghwokwa ighisyö kïgh nyo kochomnyechikwa lö pö asis akonga. Ompöwölo meywon nyinte akömi kïtigho kegh ropïyenichi, atömötöp ntökïrirchï ECHOTYON kïlïkwï nyu ngokï ompö akwa.
ompöwölo sïranoni onkït nyo rïwegho, yeno ne kegh nyu? Ato lokyanïn nyinte, oteran ompöwölo otïngetan kisyonöt.
Nyinte nyo ngöroköy nyo le panan nko mïsïk akïchömöy ton akutöni omisyö nko sïro.
Wölo isïwïyenyi, we ECHOTYON, kömpölelyö nko nyarïl aipöghisyeghenyi ewungu tengaraka. Twoytoninyi kegh chi nyo nyarkalal. Ichinyi kingörokinto panan.
Tororöt nyo möngöy konyi nyo tïlil. Kï papoto pönon akï ripinto mïsïktin.
Kapar pung papotïnecha kelïkunacha pönon kïlïkwï yotïnecha mïsïktin.
