WUWÖT 20:23 - PIPÏLIA

²³ Moghchï kegh tororötin walaka cho pö silpa anta koltin atastanïn.

WUWÖT 20:23 Referans Kwoze

ESEKEL 20:39

Kïlenyona lentöy Echotyon TORORÖT, “Ape nyu, we pipö Israel asaghatena körkeyïntinekwo kokay ato moterwanïkwanye. Wölo itïtoy ato melö tosïmnyonekwa kaynenyan ompö ropöwekwa nko körkeyïntin.

SEPANIA 1:5

Onyoran chi anka tïkwïl nyo pusöy pörkö akïsagh asis nko arawa nko kokel. Onyoran tïkwïl pich cho soghanïn akuwolwolsyö ompö kaynenyan, atolapay kuwolwolsyö ngat ompö kayna Molek.

2 PÖYTOGHÏ 17:33

Kïlenyona, kïkonyït chane ECHOTYON, wölo kisagh tororötinekwa tïkwïl kïrïp kegh nko otöptino pipö koroswechini kipkana chane.

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.

WUWÖT 32:31

Kïmïla Musa wölo mi ECHOTYON akïlö, “We ECHOTYON kegh pïchï ngokï cho echön, keghchï kegh tororöt pö koltin.

DANIEL 5:23

Kisïtönyi kegh yïm kïtïl ECHOTYON nyo pö yïm otini kakipunyi kari Kö pö Tororöt. Igheghsyeghenyi nko chönökopïrtineku nko koruku nko chemïnïngweniku, okwolökwa tororötin cho kikigha silpa nko koltin nko taghoy nko karïn nko ket nko koghi tororötin cho melö rosïtoy anta lïm kïgh anta nkït kïgh. Wölo kimekonyïtönyinye Tororöt nyo mi söpontöngu morichi nko ighisyewutköku löwïr.

DANIEL 5:4

Kïgha dipaychay atolapay kïkwol tororötin cho kikigha koltin nko silpa nko taghoy nko karïn nko ket nko koghïn.

ESEKEL 43:8

Kanget chane kïtekyï ghato pö pagh nko pölöwo kukoti korikwa otini lekïto ghatya pagh nko pölöwo kukoti Konyan nyo kemuryeghecha nayat. Kisïmnyon nyu kaynenyan ompö otöptinekwa choni ghach. Kïlenyona kyawangan chane ompö nörekyenyan.

2 PÖYTOGHÏ 17:41

Kikonyït nyu pïchoni ECHOTYON akïsagh körkeyïntin cho kipötöy, akïtökïmi monekwa kïsoghöy lenyoni nko ye.

WUWÖT 34:17

“Moghchï kegh tororötin cho kitongöy.

LAWIN 19:4

“Mowöghökisyö atang wölo mi körkeyïntinö anta oghchï kegh tororötin cho kipötöy. Ochan ECHOTYON Tororötïnkwa.

KINONO KIRURUT 27:15

“ ‘Chïpote chi anka tïkwïl nyo ighöy körkeyïn nyo kipötöy anta nyo kitongöy, akïsagh ompö wïnyat. Ghöchini ECHOTYON saghata körkeyïntin.’ Kuyokwï pich löwïr lö, ‘Amen!’*

KINONO KIRURUT 29:17

Kyasïwekwa tïkukwa cho lilu cho kisoghöy chane cho le körkeyïntin cho kikigha ket nko koghïn nko ropïyen nko koltin.

KIRWOKÏ 17:3

Otini kiyokyï nyinte kame ropïyenichay le 1,100. Kïlenchï kame werïnyi, “Kyotïlilchan ECHOTYON ropïyenichoni tökegha körkeyïn nyo kipötöy atö marïpïn chïpö. Kïlenyona oyokunyi ye nyu ropïyenichoni.”