WUWÖT 20:2 - PIPÏLIA

² “Ochan ECHOTYON Tororötïnkwa, nyo kyamïtunekwa koro Misri wölo kyochikwa sekey.”

WUWÖT 20:2 Referans Kwoze

KINONO KIRURUT 5:6

“ ‘Ochan ECHOTYON Tororötïngu nyo kyamïtuneninyi koro Misri, ngetunenö koro sekeynön.

OSEA 13:4

Wölo ochan ECHOTYON Tororötïngu nyo kyomïtuneninyi koro Misri Amöminye Tororöt anka nyo isoghenyi kïpoto ani, amöminye ghetin anka kïpoto ani.

LAWIN 26:13

Ochan ECHOTYON Tororötïnkwa nyo kyamïtwakwa apkanena koro Misri lö tömö alïkuna sekey arïntan owesyö nyo kipöytonekwa aghekwa otyokisyenö.”

TUMWÖY 81:10

Ochan ECHOTYON Tororötïnkwa nyo kyamïtunenekwa koro Misri. Ayata kutïwekwo atapaghakwa.

WUWÖT 13:3

Kïlenchï Musa pich, “Anan asisï kyapkanekwa Misri, ompö kö pö sekeynön, ompöwölo kyapkanekwa korononi ompö owesyo ECHOTYON. Möminye makatyanta nyo kyomöy nyo kakitö mumar.

LAWIN 19:36

Ipöghisyeghö kipimöw nko kiyitut cho pö man. Ochan ECHOTYON Tororötïnkwa nyo kyamïtunenekwa koro Misri.

KINONO KIRURUT 7:8

Wölo kigh ECHOTYON lenyoni, ompöwölo chömokwa akimököy kupuntoy kiyomisötenyi nyo kimwochï papotïnekwa. Nkanyoni tökumïtwakwa ECHOTYON ompö owesyenyi akïsörunenokwa kö pö sekeynön ompö mori Parao, pöytoghinto Misri.

KINONO KIRURUT 5:15

Inan lö kichinyi sekeyon tïkwïl ompö koro Misri, akï ECHOTYON Tororötïngu nyo kimïtuneninyi korononi ompö owesyenyi nyo wow. Nka nyï mwowunyi ECHOTYON Tororötïngu lö irip asispa Sapato.

LAWIN 23:43

atökunkïtï monekwa lö kyaghan pipö Israel kïmang tunkun otini kyamïtunan chane koro Misri. Ochan ECHOTYON Tororötïnkwa.”

KINONO KIRURUT 15:15

Anan lö kyochikwa sekey ompö koro Misri. Kïsörunenokwa ECHOTYON Tororötïnkwa. Wöloni, nka nyï omwowokwa asisete lö arïpa ngalechan.

KINONO KIRURUT 13:10

Awira nyinte koghïn ntökïma, ompöwölo kimököy kïlïsokwa amastena ompö ECHOTYON Tororötïnkwa nyo kimïtunenokwa Misri, koro sekeynön.

LAWIN 26:1

Kïlö ECHOTYON, “Moghchï kegh körkeyïntin anta körkeyïn nyo kipötöy anta pchörin anta nyo pö kagh ompö korengwo lö tökekïtïngchinö. Ochan ECHOTYON Tororötïnkwa.

YEREMIA 31:33

Muma nyo rel nyo owetan omöy nko pipö Israel kï lata nyï: Otöninan kirurutköchan oringwa, akörchan mïkuliskökwa. Olïkunan Tororötïngwa, kïlïkwï chane piköchan. Mwoghöy ECHOTYON.

TUMWÖY 50:7

“Atera pikachu ato ongölonan. Omwoghan lelutköku Israel, ochan Tororöt, Tororötïngu!

RUMI 10:12

Ngölono Kikirutchoni lapay ompöwölo möminye sisïn nyo mi kwenu pipö Yaudi nko pipö punton. Tororöt kï Echotyonto chane löwïr akï nyinte nyo soyönöy nyoman pich löwïr cho kuröy nyinte,

RUMI 3:29

Anta yeno, Tororöt ataye kï Tororöt pö pipö Yaudi opïn nya? Mö Tororötnye so nyo pö pipö punton tïkwïl? Ay, pö punton tïkwïl.

YEREMIA 31:1

Lentöy ECHOTYON, “Ompö osiswechoni, konyïtanïn kestoni pipö Israel löwïr lö ochan Tororötïngwa akïlïkwï chane piköchan.”

2 OTÖPTINO OSIS 28:5

Kïlenyona kïpïstö ECHOTYON Tororötïnyi Aas kïpïsï pöytoghinto Sirya kunor, akïnam pikachi cho chang akuretö kutang Damaska. Kikïpïsï ngat Aas kunor pöytoghinto Israel, akepara pikachi cho chang nyoman.

WUWÖT 6:6

Kïlenyona mwochinö pipö Israel lö, ‘Ochan ECHOTYON, akï omïtunenokwa sekeynön nyo omitekwa ompö koro Misri, osörunonekwa mötwornönenkwa. Anyörilan kong chane ompö owesyenyan asörwokwa.

WUWÖT 15:13

Kintöghoghchinyi piköku cho kisörunyi lenyini kiyomisönyi, kiripönyi chane ompö owesyengu ntökwit korengu nyo tïlil.

WUWÖT 15:16

Köchïnchï chane nyarïl nko mïghö, kösisyö chane le muntïruch otini kisïwa owesyengu, we ECHOTYON, ntökïtenö kuwer piköku chay kisörunenyi sekeynön.

WUWÖT 15:26

Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

WUWÖT 20:1

Kingalan Tororöt ngalechï löwïr lö,

WUWÖT 29:46

Akunkïtu chane lö ochan ECHOTYON Tororötïngwa nyo kyamïtuna chane koro Misri atotöpan kwenungwa. Ochan ECHOTYON Tororötïngwa.

LAWIN 11:45

Ompöwölo ochan ECHOTYON nyo kyamïtwakwa apkanena koro Misri atalïkwan Tororötïnkwa. Kïlenyona otïlilitunö ompöwölo ochan tïlil.”

KIRWOKÏ 2:1

Kiweghö malaykayanta ECHOTYON Kilkal kïpus kutang Pokim, akïlenchï pipö Israel, “Kyamïtwakwa apkanena koro Misri, amïtwakwa ntatï kor nyo kyowolwolchan papotïnekwa lö okonokwa. Kyamwaghan lö, ‘Mowöghökanye mumenyu kokay nko akwa.

ISAYA 43:3

Ompöwölo ochan ECHOTYON Tororötïnkwa, Tororöt pö Israel nyo Tïlil nyo sörwokwa. Otötenan Misri tosïkökwa kityakat, otötenan tïkwïl Etopya nko Sepa ompö sörunötenkwa.

YEREMIA 2:6

Mötepönye kegh chane ompö lö, ‘Mi onö ECHOTYON nyo kisörunenecha koro Misri, akuntöghoghwecha ompö surkwen, ompö koro pekat nko ngötutöy nko tuwïn nyo wow, kor wölo mewerönye pich amöminye chi nyo möngöy?’

YEREMIA 16:14

“Kïlenyona, omwoghan ante ECHOTYON lö, pkonöy osiswö cho melö tökuwolwolöy kegh pich kïlentöy, ‘Kïle ato söpöy ECHOTYON nyo kimïtuna pipö Israel koro Misri,’

YEREMIA 34:13

Tororöt pö Israel lö mwochinö pïchoni lö, “Atanya kyotyokunan papotïnekwa ompö sekeynön ompö koro Misri, kyaman muma* nko chane.

ESEKEL 20:7

Kyolenchan chane opïstenö tïkuchï ghach sïwïyi konyikwa, amesïmnyonö kegh chi körkeyïntino Misri ompöwölo ochan Echotyon TORORÖTïnkwa.

ESEKEL 20:19

Ani ECHOTYON nyo ochï Tororötïnkwa, arïpa kirurutköchan nko kiyomisutköchan.

AMOS 2:10

Kyopunekwa koro Misri, antöghoghwokwa könyis tömönut angwan ompö surkwen tachenga koro Amori kïlïkwï nyingwo.

WUWÖT 13:14

Ato tepinyi montöngu ompö osis cho pkonöy lö, ‘Poru ne nyï?’ Ilenchï nyinte, ‘Kimïtunenecha ECHOTYON Misri koro sekeynön ompö owesyenyi.

LAWIN 25:38

Ompöwölo ochan ECHOTYON Tororötïnkwa nyo kyamïtunenekwa koro Misri ato konokwa koro Kanan talïkwan Tororötïnkwa.

LAWIN 25:42

Ompöwölo mötworichan chane cho kyamïtunan koro Misri. Melö kyoltoy le sekey.

LAWIN 25:55

Ompöwölo mötworichan pipö Israel cho kyamïtunan koro Misri. Ochan ECHOTYON Tororötïnkwa.”

KINONO KIRURUT 20:1

“Ato apekwa oporyö nko pungkökwa asïwa angoletin nko nkaritin nko pipö lïk cho chang kïtïl chikwa, mawagh pïchoni, ompöwölo mi nko akwa ECHOTYON Tororötïnkwa nyo kimïtunenokwa koro Misri.

KIRWOKÏ 6:10

omwowokwa lö, “Ochan ECHOTYON Tororötïnkwa, masagh tororötino pipö Amori cho omöngekwa korengwa.” Wölo kyapenyakwa ngalechan.’ ”

1 PÖYTOGHÏ 18:39

Nyini kisïwa pïchay lenyoni, kïwirchï kegh ngwïny akïlö, “ECHOTYON kï Tororöt! ECHOTYON onkït nyo le Tororöt!”

2 PÖYTOGHÏ 17:7

Kikïnam kanasyanta Samaria ompöwölo kigh pipö Israel ngokï ompö tawu ECHOTYON Tororötïngwa, nyo kisörunö chane Parao, pöytoghinto Misri akumïtuna chane korononi. Kïsagh tororötine walaka

2 PÖYTOGHÏ 17:12

akïpeny kirurut pö ECHOTYON cho kitagha chane lö masagh körkeyïntin.

TUMWÖY 81:7

Kyokuranïkwa ompö nyarïl osörwokwa. Kyongitönwokwa ompö tïlöt ompö wïngat. Kyatyamenokwa kori pöghoni Meripa.

TUMWÖY 81:11

“Wölo melö kiter piköchan ngalechan, melö konyïtanïn pipö Israel.

ESEKEL 20:5

Atolapay ilenchï chane, lentöy Echotyon TORORÖT, otini kyakïlan pipö Israel, kyaman muma lö oporchinan kegh chane ompö Misri. Kyowolwolchan kegh chane lö ochan Echotyon TORORÖTïnkwa.

OSEA 12:10

Ani nyo kyongölonchini werkoy ki ani nyo kyotöni sïwïyatin cho möngörï, amwowan ngötïnyö ompö chane.