25 Kuros Tororöt pipö Israel akïsïwa kömpölelyengwa.
Kughan pïchay akwotini kilïm lö kengwïnchï ECHOTYON pipö Israel akisïwa nyörilwokökwa, kungïrukisyö akïsagh.
Pïsyinö ECHOTYON nïkisïntöngu, atökïghetïn. Möpïstonye nyinte kerïntoy pipö man.
Ompöwölo nkït ECHOTYON wölo riptoy pipö man, wölo rïpöy mwokïyis arengwa ntökwitïta wölini wonyegho chane.
“Kesyonchanïn ye Echotyon ompö wölini kalatan akïmalteghenanïn arasï ompö tawu pich.”
Wölo olenchinan chane, ‘Kimonkïtokwanye. Angetena tawunyan mwokïyischï!’
Töptoy sïwïyi ECHOTYON kichoputköchan asete akïkonanïn köromnyö ompö chïpötonï pö asete.”
tumoy tawu pich akïlö, ‘Kyaghan ngokï aghan kïgh nyo tenate kïmasta, wölo melö kyonyorwan sitöt ompö kïyoni.
Kuwalwal lö, “ECHOTYON Kimuktoghin, ato isïwïyenyi nyarïltanyan, inanante amewutyeghante. Ato ikonaninyi monïng nyo le weri, okoninyi nyinte ompö osiswechi löwïr amörwokönye chi mötïnyi.”
Kïpusï pöytoghintö anka ompö koro Misri nyo kimenkïtnye Yosep.
Kasïwan nyoman nyarïlpa piköchan cho mi Misri. Kyalïman riratengwa, nka nyï korökwan atosörï chane. Nyone nyu ayontinyi wïyö Misri.’
Kikwitï rira pipö Israel wölo omitan akasïwan wölo kechopta kong pipö Misri chane.
Kïmwochï Musa kapikoyenyi ngal löwïr cho kighchï ECHOTYON Parao nko pipö Misri akwompö pipö Israel akïmwochï kömpölelut löwïr cho kinyorï ompö rutogh nko wölo kisörï chane ECHOTYON.
Kerirchicha ECHOTYON Tororöt pö papotïnecha, kïter nyinte lokecha akïsïwa wölini kiwongunötencha nko kichopatencha nko nyarïltancha.
Wölo isïwïyenyi, we ECHOTYON, kömpölelyö nko nyarïl aipöghisyeghenyi ewungu tengaraka. Twoytoninyi kegh chi nyo nyarkalal. Ichinyi kingörokinto panan.
Melö ketönaninyi mori pungköchan, wölo kekonaninyi kitakat.
