WUWÖT 19:3 - PIPÏLIA

³ Kïwö Musa kïpus kutïng wölo mi Tororöt. Kïkur ECHOTYON nyinte ompö kutïng akïlenchï, “Mwochinö kö pö Yakopo, pipö Israel lö,

WUWÖT 19:3 Referans Kwoze

WUWÖT 3:4

Otini kisïwa ECHOTYON lö kölekïtit Musa, kïkursyö ompö sïkwïrunay lö, “Musa, Musa!” Kïlö nyinte, “Ooy!”

IGHISYEWUT 7:38

Ki nyinte nyoni kimi nko pipö Israel ompö sïrkwen. Kimito nko kukötinecho nko malaykayan nyo kingölonchï nyinte ompö kutïng pö Sinay. Kïtacha wöloni ngölyonto Tororöt nyo satate akïkonecha.

WUWÖT 20:21

Kïtïpïyö pich wölo low, kïwö Musa kïrich poltonay kimi Tororöt.

WUWÖT 34:2

Töpenö kïpsach asïyech atenyonö tökwoghö kutïng pö Sinay parak atenyoryenö nko ani.

WUWÖT 3:12

Kuyokyï Tororöt lö, “Owetan nko nyi. Lïku nyï kiporunöt ompö nyi lö koyokinyi. Otini kemïtunyi pich kïwuwunö Misri, opöghisyechinekwa Tororöt ompö kutïngï.”

LAWIN 1:1

Kïkur ECHOTYON Musa, ompö Ema nyo mi ECHOTYON* akïlenchï,

WUWÖT 19:20

Kïrökyï ECHOTYON kutïng pö Sinay parak akïkur Musa kïwö wölini. Kïpusta Musa parak.

WUWÖT 24:12

Kïlenchï ECHOTYON Musa, “Nyonö mpurö kutïng parak wölï omitan, ato konïn koghïn cho töpölöl cho mi kirurut nko kinetut cho kyakiran.”

WUWÖT 24:13

Kïwö Musa nko Yoswö kingörokintenyi. Kïpusta Musa kutïng pö Tororöt.

WUWÖT 34:4

Kupat Musa koghïn odeny cho töpölöl le chay pö tagh akïwö tökwoghö kutïng pö Sinay, lenyini kimwochï ECHOTYON nyinte akwip koghichay.