WUWÖT 16:15 - PIPÏLIA

¹⁵ Otini kisïwa pipö Israel, kïtep kegh lö, “Ne kitö nyï?” Ompöwölo kimenkïtcha lö ki ne. Kïlenchï Musa chane, “Omisyö nyo kökonokwa ECHOTYON atama.

WUWÖT 16:15 Referans Kwoze

WUWÖT 16:4

Kïlenchï ECHOTYON Musa, “Oropönwokwa makatin kïpkana yïm akïkwöghöy pich cho mïchini asis akonga, atö atyaman chane lö, ekïrïpöy chane kirurutköchan nya anta ewo.

YOANA 6:58

Nyete nyu makatyantanoni kirökunö yïm. Melö karkegh nko makatyantananya kyam papotïnekwa akïmeghö. Söpöy kokay nyo omöy makatyantanete.”

WUWÖT 16:31

Kïkurö pipö Israel kaynenyi mana. Ki karkegh nko kösïghyonto mosyon nyo rel, karkegh onyïnienyi nko makatin cho mïnkech cho kakigha kumat.

KINONO KIRURUT 8:3

Kighakwa opö kegh ngwïny akïpïswekwa kömöy. Atolapay kïpaghenokwa mana cho melö kyonkïtökwa anta papotïnekwa. Atonkïtunö lö melö söpo ptangengmöt makatyan onkït, wölo söpo ngölyon anka tïkwïl nyo ngwïno kuti ECHOTYON.

1 KORINTO 10:3

Kwam chane löwïr omisyononi pö mïkulögh,

NEEMIA 9:20

Kitönönyi Mïkulöwungu nyo karam kunet chane, amelö kichïchukenyi chane mana cho kyomöy itönönyi chane pögh cho gheghöy.

NEEMIA 9:15

“Kipaghenyi chane makatina yïm kuwany kömöyungwa aitönönyi pögh cho kipkana ghat kïnuk maralungwa. Atolapay imwochinyi chane kïpa kïnam kor nyo kiwolwolchinyi chane.

YOSWÖ 5:12

Kuwonyö omisyö nyo kïkuro mana asisoni, otini kyam pagha koronini amelö kitökïnyorï pipö Israel mana ngat, wölo kyam akwa cho pö koro Kanan könyinoni.

YOANA 6:49

Kyama papotïnekwa mana wölnö le surkwen, wölo kïrkegh kyam, kïmeghö chane.

KINONO KIRURUT 8:16

Kipaghenokwa nyinte mana nyo melö kinkït papotïnekwa atökïtyamakwa, atökwighwekwa nyo karam ato le löt.

KIYITUT 21:5

Kïngwïrngwïronchï pich ECHOTYON nko Musa akïlö, “Ompö ne tamïtunenechakwa Misri kepkana kemeghyechinö surkwen wölo möminye omisyö anta pögh. Kikulilecha ompö omisyonï, lenye kwïle!”

WUWÖT 16:33

Kïlenchï Musa Aron, “Chenga alepït ainyïghit mana cho pö köröp aitö tawu ECHOTYON, tökeror ompö pïnwöyikwa löwïr.”

NGONGUT 2:17

“ ‘Ato itïng chi yitïn, ilïm ngal cho mwochini Mïkulögh kanisen! Otöninan chi nyo rïntoy kwomöy mana cho wïngote. Otöninan nyinte tïkwïl kogh nyo rel nyo kikikirchï kaynat nyo rel nyo menkïtnye chi anka kïpoto chichini onkït kitöni.’

EPRANIA 9:4

nyo kitïng watwa cho kikigha koltin ompö ato kïpelo köröstin akïlö Santuku Muma* nyo kikïsïlö koltin woptin löwïr. Kimi orinyi törö nyo kikitanga koltin nyo kimi omisyö nyo kikïkuro mana nko lïpö Aron nyo kisanak sökö nko keronytin cho kikikir kiyomisöt.

LUKA 12:30

Ompöwölo yöröy pipö punton tïkuchoni löwïr akunkït Paponkwa nyo mi yïm lö otïngetekwa machat nyo pö tïkuchoni löwïr.

NGÖTÏNYÖ 9:5

“Nyonö ama makatyantenyan, aighegh dipaychï kokulkulyan.

TUMWÖY 78:24

kïropönï mana cho kyam chane akutö chane pagha yïm.

TUMWÖY 105:40

Kisomsyö chane, kutö alurïtin, akupïghyongö chane omisyo yïm.