WUWÖT 15:7 - PIPÏLIA

⁷ Irïntonyi punköku ompö owesyeto ororyengu, iyontonyi nörekyengu kïpel chane le sus.

WUWÖT 15:7 Referans Kwoze

ISAYA 5:24

Kïlenyoni ye, kïle wölo peltoy lyopöto ma mopö nko wölo wonyot kïlïkwï suswö cho kikïyomö ompö lyopöto ma, kïlenyoni wölo nïntoy ighïnengwa, akekutïtoy tapïkengwa parak kïkarkegh nko terïtyon, ompöwölo köpïstö chane kiyomisut pö ECHOTYON Kimuktoghin akïsas ngölyonto Tororöt pö Israel nyo Tïlil.

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

ISAYA 47:14

“Lata chane mopö cho kiyomö, pelöy ma chane lömïs! Amemukönye ompö ntökïsörï kegh chane, ompö lyopöt pö mayoni nöghöy. Melö ma nyoni nyo lentöy chi oyïwöy, melö ma pat nyo töni chi lölöngyö!

ISAYA 37:29

Konkïtwan wölini wow sïngiryengu ompö ani nko wölini kekwoltenyi kegh kïlïkwï. Nyo omwowunyi ye nyu otömölinyi sör angasyaminyi kut, ayodinyi mïlena aranini kingwïnenyi.’ ”

ISAYA 5:16

Wölo kikusöy ECHOTYON Kimuktoghin ompö man akuporu tïlilyenyi ompö kirwok nyo rwokyini pikachi.

TUMWÖY 148:13

Nya kïsal chane kayna ECHOTYON, ompöwölo kaynatenyi onkït nyo töror, tïlöy töroryenyi ngwïny nko yïm.

TUMWÖY 83:13

Itoytoyö chane, we Tororöt, le terït, le morïr cho kutïtoy yomat.

KINONO KIRURUT 33:26

Kuwanta Musa lö, “Akwa pipö Israel, Möminye tororöt nyo karkegh nko Tororötïnkwa, nyo weru poltoy atökungarakekwa, ngwïno mïröt ompö ororyenyi.

IGHISYEWUT 9:4

Kupïtyï ngwïny akïlïm kut nyo kilenchini nyinte, “Saulö, Saulö! Ompö ne techopaninyi kong?”

MATAYO 3:12

Tïng seröwontenyi nyo sero paghechi akïghömïtyini paghe töpotenyi, wölo pelo morïre ma nyo memisonye.”

SAKARIA 14:8

Yintegho pögho söpon Yerusalem osiswechoni. Yintoy lö karerana kutang nanampa Paryan, kuyinta chinö kutang nanampa Kwen. Yintoy lenyoni osiwo kömöy nko pengat.

SAKARIA 14:3

Atolapay kïwö ECHOTYON kïporyeghö pipö koroschoni le wölo ighöy su asispa poryot.

SAKARIA 2:8

Kiyoktanïn ECHOTYON Kimuktoghin ompö ororyenyi owö omwochï koros cho kirang pikachi kipa pïnotön lö, “Kor anka tïkwïl nyo swongöy piköchan kïlenye ato körïtanïn kong nyini tuw.

MIKA 4:11

Pkonöy pung kupokyinokwa kïlentöy nyarïl nyu olenchinö asïwena Sayon wölo kikida.

YEREMIA 10:6

Möminye anka nyo karkegh nko nyi we ECHOTYON, ichinyi Kimuktoghin, wow kaynatengu akïtïngetö owesyö nyo wow.

ISAYA 37:38

Kimi asistanka ato kisogho nyinte koto tororötanyi Nisrok, kïpara chokon werkachi odeny, Adramelek nko Syareser akupertoy kutang koro Ararat. Kuker nyinte werïnyi nyo kïkuro Esaradon kïpayta.

ISAYA 37:36

Kïwö oghononi malaykayanta ECHOTYON wölo kimöngöy pipö Asirya akïpar pipö lïk 185,000. Nyini kiyech atole asïyech, kelö kïtopön kimeghö chane löwïr!

ISAYA 37:23

Ngo nyï imwoghenyi airoröchini? Ngo nyï isyolchinenyi kut akï ngo nyinte nyini ingwïryelenyi lenyoni? Ani Tororöt pö Israel nyo Tïlil!

ISAYA 37:17

Lïmwecha ye nyu, we ECHOTYON, aisïwa kïgh nyo kegha ompö acha. Ikany kïlïm yitiku tïkwïn löwïr cho kamwa Senakerip atökïchïpinyi nyo ichï Tororöt nyo satate.

TUMWÖY 68:33

nyinte nyo westegho wölnö le yïmwöy, wölini le yïmwöy könyisyok, nyinte nyini tïlöy kughum.

TUMWÖY 59:13

iwany chane ompö nörekyengu iwany chane lömïs! Atökunkïtï pich löwïr lö pöytoy Tororöt pipö Israel akïghömï paytaghtanyi ngwïny kïmïkul.

WUWÖT 9:16

Kopïstinyi söpö, ompöwölo omökan oporunyi owesyenyan, atökïrumtö kaynenyan ompö ngwïny kïmïkul.

EPRANIA 12:29

ompöwölo ma Tororötïncha nyo pelöy lömïs.

WUWÖT 14:27

Kughïtochï Musa ewunyi nanamnay, otini kile tökwoghö kïmïlisyö pöghechay le atay kömi osis. Kïryagh pipö Misri, wölo kïyumchï ECHOTYON chane nanam kwen.

KINONO KIRURUT 4:24

ompöwölo ECHOTYON Tororötïnkwa kï ma nyo pelöy kïgh anka tïkwïl. Kï Tororöt nyo le söstoghin ompö tororötin walaka.

WUWÖT 5:12

Kïtoyechï pïchay koronay kïmïkul pö Misri, kïyar mopö.

AYUPU 9:4

Ngöghom Tororöt akwawes, ngo chi nyo kikumöl kegh tïkwïl ntökumï?