WUWÖT 15:11 - PIPÏLIA

¹¹ “ECHOTYON, ngo nyo lata nyi ompö kwenu tororötin? Ngo nyo lata nyi nyo ichï wow ompö tïlilyö? Ngo nyo kiwöghöy ompö ighisyeghut cho echön nko cho pö töngönchin le nyi?

WUWÖT 15:11 Referans Kwoze

1 PÖYTOGHÏ 8:23

akïsagh lö, “We ECHOTYON Tororöt pö Israel, melö mito tororöt anka nyo karkegh nko nyi ompö yïm parak anta ompö wöl ngwïnyi ngwïny! Iripenyi muma* nyo kyamanyi nko piköku aiporchï chane chomnyogh otini karïp chane kirurutköku ompö mïkulöwekwa kïmïkul.

1 SAMWEL 2:2

“Möminye anka nyo tïlil le ECHOTYON, möminye nyo körökegh nko nyinte, awes Tororötïncha le ghat.

2 SAMWEL 7:22

Kïlenyona, ichinyi wow tya, we Echotyon TORORÖT, ompöwölo möminye anka nyo lata nyi amöminye Tororöt anka kïpoto nyi ompö tïkwïn löwïr cho kikelïmacha.

NGONGUT 4:8

Kitïng anka tïkwïl ompö tyonchoni sötote le angwan köpepoy mut nko akonga, akighömï konyïn chane le chankonyïn chane kitumöy chane kïpuryö kimïny pöghet nko nangat kïlentöy. “Tïlil, tïlil, tïlil Echotyon Tororöt nyo le Kimuktoghin, nyo kimi akïtökïmi akï nyo tökungwïnöy.”

ISAYA 6:3

Kimi kïkuröy kegh kïlentöy! “Tïlil, tïlil, tïlil! Tïlil ECHOTYON Kimuktoghin! Nyïghiti ororyenyi ngwïny.”

KINONO KIRURUT 3:24

‘Echotyon TORORÖT, ketorönyi ye iporwanïn wowïntöngu nko owesyengu. Möminye tororöt anka yïm anta ngwïny nyo muköy kwighöy tïkwïn cho pö töngönchin cho keghanyi.

TUMWÖY 86:8

Möminye tororöt anka nyo karkegh nko nyi, we Echotyon, amelö mi nyo muköy kwighöy cho ighenyi.

TUMWÖY 77:14

Ichinyi Tororöt nyo ighöy töngönchintin. Iporchinenyi pipö punton owesyengu.

NGONGUT 15:4

Ekï ngo nyo mewöghinyinye köny? Akï ngo nyinte nyo töghöy lö taparta owesyengu? Nyi onkït nyo ichï tïlil. Pkonöy puntonï lapay kïsoghinyi, ompöwölo rumteghote ighisyewutköku cho tenote ompö chane löwïr.”

ISAYA 40:25

Ngo nyo kimuköy kekongityö nko ani? Ekïmi akonga nyo karkegh nko ani? Mwoghöy Nyinte nyo Tïlil.

KINONO KIRURUT 33:26

Kuwanta Musa lö, “Akwa pipö Israel, Möminye tororöt nyo karkegh nko Tororötïnkwa, nyo weru poltoy atökungarakekwa, ngwïno mïröt ompö ororyenyi.

TUMWÖY 77:19

Kiwer arengu nanam kwen amelö kirumï kelyeku ompö pögh.

ISAYA 40:18

Kikongityot Tororöt nko ngo? Anta okörkeyitekwa nyinte nko ngo?

TUMWÖY 35:10

Omwochinan ECHOTYON ompö mïkulöwunyan lö, “Möminye chi nyo karkegh nko nyi, nyo ighetöy chi nyo nyarkalal ompö nyo awes, akï nyi nyo isöruno meywon mosin.”

WUWÖT 8:10

Kuyokyï Parao lö, “Soghwanïn asïyech.” Kïlö Musa, “Nya kïlenyoni kemwaghanyi, atenkïtunö lö möminye chi nyo karkegh nko ECHOTYON Tororötïncha.

TUMWÖY 66:5

Apkana, arosa tïkwïn cho kigh Tororöt, tïpö töngönchin cho kighchï ptangengmöt.

YEREMIA 49:19

Le ngötïny nyo lepuno kegh wuw pö lalwa Yordan akuchumchï kechir cho oketïyi, ochumchinan lenyoni pipö Edom atulan korengwa kïtoyö. Atolapay otönön ante kintöghoghin nyo kachaman kïpayta korononi. Ompöwölo, ngo nyo lentöy okongityo kegh nko ani nya? Akï ngo nyo lentöy orwokyinanïn? Pöytoghin ngo nyo muköy kughyong akïtagh ngalechan nya?

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

TUMWÖY 145:17

Pö man ECHOTYON ompö ortïnechi, akï talase ompö ighisyewutkachi.

YEREMIA 10:16

Wölo melö karkegh tïkuchoni nko Tororöt pö Yakopo, ompöwölo nyinte nyo kigh tïkwïn löwïr, akïkïl pipö Israel kïlïkwï chechi. Kïkuro kaynenyi ECHOTYON Kimuktoghin.

TUMWÖY 119:120

Opotönan ompöwölo owöghinyi, awöghan kirurutköku.

LUKA 12:5

Oporwokwa nyo mïchini awaghakwa. Awagha Tororöt nyo tïng owesyö kïpar chi akïtïng owesyö nyo wirchini nyinte mapa kokay. Nyoman, awagha nyinte.

TUMWÖY 90:11

Ekï ngo nyo nkït ngwonïn pö nörekyengu? Ngo nyo köngöy sïngeryengu nya?

LAWIN 19:2

“Mwochinö pipö Israel lö otïlilitunö, ompöwölo ochan tïlil ECHOTYON Tororötïnkwa.

ISAYA 30:11

Amalteghena kegh arencha, anategha kegh ompö arencha nyo kiweröy. Melö tökemökecha kelïme ngat ngala Tororöt pö Israel nyo Tïlil.”

TUMWÖY 89:18

Ngwïno longencha ECHOTYON akungwïno pöytoghintencha Tororöt pö Israel nyo Tïlil.

NGONGUT 13:4

Kïsagh chane lapay ntaranay ompöwölo kitö owesyenyi tyonyoni. Kisagh pich tïkwïl tyonyoni kilenchini, “Ngo nyo awes le tyonyï nya? Akï ngo nyo muköy kïporyö tïkwïl?”

WUWÖT 3:20

Kïlenyona opöghisyeghonan owesyö olïwö koro Misri tïkwïn cho ghach cho pö otyogh. Otinö kewonyö choni, kïpïstokwa nyu ape.

WUWÖT 9:14

Melö tonyörilonan ye kichoput mötworiku nko piköku opïn, wölo onyörilinyi tïkwïl atenkïtunö lö möminye anka nyo karkegh nko ani ompö ngwïny.

WUWÖT 18:11

Onkïtön ye nyu lö wow ECHOTYON kïtïl tororötin walaka, ompöwölo kisörunö pipö Israel mori pipö Misri ato kichop kong chane.”

WUWÖT 20:3

“Mesagh tororötin walaka kïpoto ani.

2 OTÖPTINO OSIS 2:5

Köyoni otekan kïwow, ompöwölo wow Tororötïncha kïtïl tororötin walak löwïr.

2 OTÖPTINO OSIS 6:14

Akïlö, “We ECHOTYON Tororöt pö Israel, möminye tororöt anka nyo mi yïm anta ngwïny nyo latanyi! Iripenyi muma* nyo kyamanyi nko piköku, aiporchini chomnyogh nyo möngötönye chane cho rïpöy kirurutköku ompö mïkuliskökwa kïmïkul.

TUMWÖY 22:23

Asala nyinte cho okonyïtöy ECHOTYON, okwolö nyinte monïngo Yakopo! Asagha nyinte akwa pipö Israel!

TUMWÖY 113:5

Ngo nyo lata ECHOTYON Tororötïnyo, nyo möngöy parak,

TUMWÖY 136:4

Nyinte onkït nyo ighöy töngönchintin cho echön, töpo chomnyenyi kokay.

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

WUWÖT 8:6

Kughïtö Aron lïkïnyi ompö pögho Misri. Kïpka mnyakaway akulum koro Misri.

KINONO KIRURUT 1:30

Ntöghoghwokwa ECHOTYON Tororötïnkwa akï poryewokwa, kïle wölanye kighwekwa ompö Misri,

KINONO KIRURUT 4:34

Anta mi tororöt anka tïkwïl nyo kakumukyï kïchengchï kegh pipö punton akonga kïngetunö piko puntoni walaka? Akïtyamakwa ECHOTYON Tororötïngwo ompö kiporut nko töngönchin nko poryot nko ompö owesyenyi nyo wow anta ompö ighisyewut cho echön cho karkegh nko chanya kyasïwekwa nyinte ompö koro Misri.

1 OTÖPTINO OSIS 16:25

Wow ECHOTYON nyoman, mïchini kekwol nyinte tya, kïkwolöy kïtïl tororötin walaka.

TUMWÖY 60:2

Ketimtimönyi ngwïny kïkarera, tïpö ye nyu ngötutöyichï, ompöwölo kökörerisyö.

TUMWÖY 77:11

Ononan ighisyewutköku, we ECHOTYON, mi mötïnyan töngönchin cho kighanyi könyisyok.

TUMWÖY 86:10

Ichinyi awes nyoman aighenyi tïpö töngönchin, ichinyi Tororöt onkït.

ISAYA 46:9

Anana kïgh nyo kigha otini le könyisyok, acham lö ochan Tororöt akï möminye anka nyo kikongityot nko ani.