WUWÖT 14:4 - PIPÏLIA

⁴ Oghan möt pö Parao kwaghïghit, tökïrïpekwa tonyorchan ororyö wölo mi Parao nko pikachi löwïr cho pö lïk, atökunkïtï pipö Misri lö ochan ECHOTYON.” Kwigh chane lenyoni.

WUWÖT 14:4 Referans Kwoze

RUMI 9:17

Ompöwölo mwochini Kikirut Parao lö, “Kyaghinyi lïkuna pöytoghin, atopöghisyegheninyi aparta owesyenyan atökunkïtï pich kaynatenyan kïghömï ngwïny kïmïkul.”

WUWÖT 7:5

Atökunkïtï nyu pipö Misri lö ochan ECHOTYON, otini kanyarilan kong pipö Misri amïtwan pipö Israel kïwuwunö korengwa.”

WUWÖT 7:3

Wölo oghan möt pö Parao kwaghïghit, kïrkegh atasan kiporut nko töngönchintin ompö koro Misri,

WUWÖT 9:16

Kopïstinyi söpö, ompöwölo omökan oporunyi owesyenyan, atökïrumtö kaynenyan ompö ngwïny kïmïkul.

WUWÖT 7:17

Kölö ECHOTYON, “Inkïtunenyi lö ochan ECHOTYON. Rosa, olïwan pögh cho mi lalwa Nile ompö lïkïyï mi ewunyan kïwöghökisyö kïlïku kisön.

RUMI 11:8

kïle wölo mwoytoy Kikirut lö, “Kigh Tororöt kinonutkökwa nko mïkulöwekwa kïnïkisöchitu akimökurosïtacha chane, anta lïm kïgh nko ompö nyete le ye.”

ESEKEL 39:13

Tïpöy nyu chane pich löwïr ompö kor, akekonyïtöy chane asisini konyorwan ororyö. Mwoghöy Echotyon TORORÖT.

ESEKEL 28:22

lentöy Echotyon TORORÖT, ‘Koghöchanïkwa we pipö Sidon, ongwïnan oporu ororyenyan ompö kwenunkwa. Nkïtu nyu pich lö ochan ECHOTYON otini korwokyan chane akïsïwa tïlilïntanyan.

ESEKEL 20:9

Wölo olulön kaynenyan kegh, tamalïkwï arasï ompö kwenu puntonichï möngöy nko chane kïsïwïyi opunan pipö Israel kïpkana Misri.

NEEMIA 9:10

Kighchinyi kiporut cho chang nko tïpö töngönchintin Parao nko mötworichi nko piko korenyi löwïr, ompöwölo kisïwenyi wölo kichopta kong papotïnecha. Irïntenyi chane akwororit kaynengu nko ye.

WUWÖT 18:11

Onkïtön ye nyu lö wow ECHOTYON kïtïl tororötin walaka, ompöwölo kisörunö pipö Israel mori pipö Misri ato kichop kong chane.”

WUWÖT 14:8

Kwigh ECHOTYON möt pö Parao kwaghïghit, kïrïp chane pipö Israel cho kipetöy ompö nyakanat.

RUMI 9:18

Kïlenyona, syonchini Tororöt chi anka tïkwïl nyo kömököy, akwigh anka kïlïkwï tighin le wölo kömöktoy nyinte.

WUWÖT 10:27

Wölo kwigh ECHOTYON möt pö Parao kwaghïghit, amelö kitökïpïstö chane kïpa.

WUWÖT 14:3

Ompöwölo nonöy Parao lö, nyoru pipö Israel, kömpölelyö ompö or akupotyechï surkwen.

WUWÖT 14:5

Otini kikïmwochï pöytoghinto Misri lö kikïryagh pïchay, kïwaghach Parao kinonutkachi nko cho pö mötworichi ompö pïchay akïlö, “Ne nyï kakighacha tökepïstenö pipö Israel cho köpöghisyeghwecha?”

WUWÖT 14:23

Kïrïp pipö Misri akïpa ntökwit nanam kwen nko angoletino Parao nko nkaritinechi nko pikachi pö angoletin.

WUWÖT 14:25

Kïnam norayonta kelyo nkarinekwa atökïnïkisyï chane kïpa. Kïlö pipö Misri, “Keryöghenö Israel, ompöwölo mi ECHOTYON kïporyechini chane atökïparecha.”

LAWIN 10:3

Kïlenchï Musa Aron, “Kimwowï ECHOTYON ngalechï otini kilö, ‘Mïchini kïkonyït pich löwïr cho pöghisyeghwanïn tïlilyenyan aporchinan chane ororyenyan.’ ” Kïsï Aron lasay.

ESEKEL 32:15

Otini kaghan koro Misri kïlïkwï kïratyan akegh kuchïrmeta puryö pich cho möngöy ori, apar chane löwïr cho möngörï kunkïtï nyu chane lö ochan ECHOTYON.

WUWÖT 6:7

Oghekwa alïkuna piköchan alïkwan Tororötïnkwa, tonkïtunökwa lö ochan ECHOTYON Tororötïnkwa nyo kyamïtunenekwa sekeynön ompö koro Misri.

WUWÖT 10:2

atemwochinö moneku nko moneko moneku kïgh nyo kyaghan ompö Misri nko kiporut cho kyaghan tonkïtunö lö ochan ECHOTYON.”

WUWÖT 12:28

Atolapay kïpa pipö Israel kwigh lenyini kimwochï ECHOTYON Musa nko Aron.

YOSWÖ 11:20

Ompöwölo ECHOTYON nyini kigh mötöwekwa kwoghïghitu tökïporyö nko pipö Israel atökepar chane kuwonyö lömïs amönyorïcha kisyonchin, lenyini kimwochï ECHOTYON Musa.

KIRWOKÏ 4:7

Omïtunan Sisera nyo ntöghoghchini lïko Yapin kungwïn nko nkarinechi nko pikachi cho chang atö kïporyö nko nyi ompö lalwa Kisyon, wölo otönan nyinte moriku.’ ”

ESEKEL 38:16

Ingwïnanyi ipar piköchan Israel le polta nyo kelum ngwïny. Omïtunyi osiswechoni we Kok nyonö pokyinö korenyan tökunkïtwanïn puntonï otini oporuneninyi tïlilyenyan tökïsïwa chane.”

ESEKEL 38:23

Kïlenyona oporunan owesyenyan nko tïlilyenyan aporchan kegh punton cho möngörï, kunkïtï nyu lö ochan ECHOTYON.”