WUWÖT 12:16 - PIPÏLIA

¹⁶ Oghekwa tuyot nyo pö saghat ompö asispa tagh nko asispa mut nko odeny. Möminye ighisyö nyo kighöy osiswechoni, wölo oghekwa omisyö nyo omekwa.

WUWÖT 12:16 Referans Kwoze

KIYITUT 28:18

Ompö asisto tagh nyo pö ichontönï, otuyokwa ompö tuyogh nyo tïlil, möminye ighisyö nyonikïny nyo kighöy.

KIYITUT 28:25

Otuyokwa ompö asispa mut nko odeny ompö tuyot nyo tïlil amagh ighisyo anka tïkwïl.

WUWÖT 16:23

kïlenchï Musa chane, “Kamwa ECHOTYON lö, ‘Asïyech kï asispa kimïny, asispa Sapato,* asis nyo tïlil nyo pö ECHOTYON. Pela nyo kepelöy, ighogh nyo keghoghöy, löwïr cho köngötï otö kamas ntökwit tökwoghö.’ ”

KIYITUT 29:12

Otuyokwa ompö tuyogh nyo tïlil ompö asispa taman nko mut nyo pö arawa mut nko odeny, oghekwa ichontönï pö ECHOTYON ompö osis mut nko odeny amagh ighisyö anka tïkwïl.

KIYITUT 29:1

Otuyokwa ompö tuyogh nyo tïlil ompö asispa tagh nyo pö arawa mut nko odeny amagh ighisyö anka tïkwïl. Asistankwa nyoni nyo akutekwa kontin.

LAWIN 23:35

Otuyonekwa kegh asisini tagh ompö tuyot nyo kïkonyïto ECHOTYON, magh ighisyö anka tïkwïl.

LAWIN 23:27

“Lïku asispa linyot asis nyo pö taman ompö arawa mut nko odeny akï asispa tuyot nyo kïkonyïto ECHOTYON ompö akwa nyo omïnïngitekwa kegh atötö ropöwo omisyö ompö ECHOTYON.

LAWIN 23:21

Okïrurekwa kegh asisoni, ompö tuyot nyo kïkonyïto ECHOTYON, magh ighisyö anka tïkwïl. Nyete kï kirurut nyo pö kokay ompö pïnwöy löwïr ompö wop anka tïkwïl nyo omöngekwa.

WUWÖT 20:10

wölo lïku asispa mut nko odeny Sapato pö ECHOTYON Tororötïngu. Kïlenyona megh ighisyö anka tïkwïl asisoni: nyi anta werïngu anta cheptöngu anta mötworintengu anta kyakiku anta ton nyo mi katangu.

WUWÖT 16:29

Kökonokwa ECHOTYON asispa Sapato, akökonokwa ompö asispa mut nko akonga omisyö nyo pö osis odeny, nya kïtöpö chi anka tïkwïl otini kömi, mömïchininye kïweghö chi anka tïkwïl otini kömi asisoni.”

WUWÖT 16:5

Kwöghöy chane ompö asispa mut nko akonga, kïnyïl odeny ompö chay kö kwöghöy su.”

YOANA 19:31

Ki asispa Chuma asisoni nyo kile asispa Ighata kegh, kïpa pipö Yaudi kïsom Pilato kïchömchï chane kumïregh kelyeko pïchoni kikïwudochï kimurtöwon atökerekunö porwöyikwa kimurtöwon tömöruyö mïntïruch kimurtöwon asispa Sapato,* ompöwölo ki wow asisto Sapato nyo kirïptoy asisoni.

WUWÖT 34:18

“Irip Ichon pö Makatin cho puryö Mumar. Iyomenyi makatin cho puryö mumar, le ato kyomwowunyi ompö asis nyo kikekïl ompö arawa Apip, ompöwölo kyapkanekwa arawanoni koro Misri.

KINONO KIRURUT 16:8

Omenyi makatin cho puryö mumar ompö osis mut nko akonga. Kïkany asisto mut nko odeny kïtuyechï pich wölo mi ECHOTYON Tororötïngu ompö saghat amegh ighisyö anka tïkwïl asisoni.

ISAYA 1:13

Kopukwa kwïle tïsöwekwo. Kikïghöchachïn ngutogh pö tïkuchoni opelekwa. Melö tomukan omïkukönchini Ichontinekwa cho pö Relïn pö Arawa nko Sapatotinekwa* nko tuyotïnekwa cho oryomokwa ompö sowut. Kewur ngokikwa choni lömïs.

KIYITUT 28:26

Ompö asispa tagh pö Ichon pö Ilö, otötokwa ropöwo pagh. Atuyokwa asagh ECHOTYON, amagh ighisyo anka tïkwïl.