WUWÖT 12:15 - PIPÏLIA

¹⁵ Kïlö ECHOTYON, “Omekwa makatin cho puryö mumar ompö osis mut nko odeny, onoteghokwa asisto tagh mumar ompö korikwa, ompöwölo ato am chi makatyan nyo kakitö mumar kïngata asisto tagh ntökwit nyo pö mut nko odeny, kepesyot chichoni ompö pipö Israel.

WUWÖT 12:15 Referans Kwoze

KINONO KIRURUT 16:3

Akwotini omenyi omisyononi, meam nko makatin cho kakitö mumar, omenyi osis mut nko odeny makatinechoni, choni kï makatina kichopat, ompöwölo kirïpuneninyi koro Misri. Atenana ompö osisweku löwïr asisoni kiwuwunenyi koro kichopat.

TOWUNÖT 17:14

Kipesyot chi anka tïkwïl nko pikachi nyo le ngetat nyo tomönye kemut, ompöwölo kapeny mumenyan.”

KIYITUT 9:13

Wölo chi nyo melö sïmnyon amelö kö mi rutogh, wölo kïtagh kïrip Pasaka, keyonoy kwenu pipö Israel, ompöwölo melö ketötö ropöwonto ECHOTYON ompö asis nyo kïlate, mi parakunyi ngokichi.

WUWÖT 34:18

“Irip Ichon pö Makatin cho puryö Mumar. Iyomenyi makatin cho puryö mumar, le ato kyomwowunyi ompö asis nyo kikekïl ompö arawa Apip, ompöwölo kyapkanekwa arawanoni koro Misri.

WUWÖT 23:15

Omekwa Ichon pö Makatin cho puryö Mumar ompö osis mut nko odeny, lenyini komwowokwa. Oghekwa lenyoni ompö asis nyo kïlate nyo pö arawa Apip, ompöwölo kyapkanekwa arawanoni koro Misri. Möminye chi nyo ngwïnöy tawunyan nko mori kwïle.

KINONO KIRURUT 16:8

Omenyi makatin cho puryö mumar ompö osis mut nko akonga. Kïkany asisto mut nko odeny kïtuyechï pich wölo mi ECHOTYON Tororötïngu ompö saghat amegh ighisyö anka tïkwïl asisoni.

KIYITUT 28:17

Ompö asispa taman nko mut nyo pö arawanï, kï Ichon nyo kyomöy makatin cho puryö mumar ompö osis mut nko odeny.

WUWÖT 34:25

“Motötö ropöwo kisön nko makatyan nyo mi mumar amepïstö amöros nyo pö Ichon pö Pasaka* ntökïyech.

WUWÖT 12:8

omöy chane pentö aghononi nyo kakïpel nko makatin cho puryö mumar nko onkïy cho ngwonöch.

KALATIA 5:12

Wechï kötomökan lö, tölat kegh pïchoni luklukokwa.

IGHISYEWUT 12:3

Kikany kisïwa lö kiköromchï pipö Yaudi ngölyontononi, kulet tagh kïnam Petro tïkwïl. Kighisyö ngalechoni ompö osiswo Ichon pö Makatin cho puryö Mumar.

LUKA 12:1

Ataye kokay, kighömïtyï kegh pich cho makïrar kipka wölo mi Yeso ntökïtïk kegh chane. Atolapay kïngalan Yeso ngalechï kutang kinetankachi lö, “Orip kegh mumara Parisaytin.* Nyoni kï chepölkösnönengwa.

MATAYO 16:12

Atolapay kunkïtï kinetankachi lö melö kirirchini nyinte chane lö orip kegh mumar cho kïpöghisyegho ompö makatin, wölo kimököy chane kïripo kegh kinetut pö Parisaytin nko Sadukaytin.

MALAKI 2:12

Nya kunategha ECHOTYON pich cho ighöy lenyoni ompö kwenu pipö Israel. Mömïchininye pich cho lata choni kepïsï kutötö söwintön akwipchï ECHOTYON Kimuktoghin amöros anka tïkwïl.

KINONO KIRURUT 16:5

Ameyenchï omisyo Pasaka kareran anka tïkwïl nyo pö korononi koninyi ECHOTYON Tororötïngu,

LAWIN 17:14

Mi söpon pö ighan anka tïkwïl kisön, kïlenyona nka nyoni kimwochï ECHOTYON pipö Israel lö, motöp ntam peny nyo mi kisön. Ato am chi kepesyöt nko pikachi.

LAWIN 17:10

“Ato ghegh chi nyo pö Israel kisön anta ton nyo möngöy nko chane, otöghan nyinte akïmïchini kepesyö chichoni nko pikachi.

WUWÖT 31:14

Orip Sapato, ompöwölo tïlil ompö akwa, chi anka tïkwïl nyo sïmnyonöy anta pöghisyö asisoni ketïghöy kïma.

LUKA 2:43

Kikany kuwonyö osiswo omisyö, kïmïlonchö kutöngwï katangwa, wölo kudong Yeso Yerusalem, akimenkïtcha yïyichi.

WUWÖT 30:33

Ato nyornyoryö chi mwagh anka nyo karkegh nko nyoni anta yila chi anka tïkwïl, kepesyegho piköchan.’ ”

2 OTÖPTINO OSIS 30:21

Kwam nyu pipö Israel cho kimi Yerusalem Ichon pö Makatin cho puryö Mumar osis mut nko odeny ompö ngörekyö nyo wow, kïpechï pipö Lawi nko tïsï kïsal ompö asis anka tïkwïl akïtumchini ECHOTYON ompö owesyengwa löwïr.

ESRA 6:22

Atolapay kwam Ichon pö Makatin cho puryö Mumar osis mut nko odeny ompö ngörekyö, ompöwölo kegh ECHOTYON chane kïngörekyö akwigh mïkulöwu pöytoghinto Asirya kïcham kungarak chane ompö teksyo Kö pö Tororöt pö Israel.

WUWÖT 13:3

Kïlenchï Musa pich, “Anan asisï kyapkanekwa Misri, ompö kö pö sekeynön, ompöwölo kyapkanekwa korononi ompö owesyo ECHOTYON. Möminye makatyanta nyo kyomöy nyo kakitö mumar.

WUWÖT 30:38

Chi anka tïkwïl nyo ighöy tïkwïn cho ngutoy cho le choni, kepesyegho piköchan.”