WUWÖT 10:26 - PIPÏLIA

²⁶ Petöy tukacha nko acha tïkwïl. Möminye ompö akong nyo ngötu, mïchinecha keranga kyakicho töketönö ECHOTYON Tororöt, ompöwölo melö kinkïtöcha ye lö ne nyo kitöni ECHOTYON ntökïtenö ketacha wölini.”

WUWÖT 10:26 Referans Kwoze

EPRANIA 11:8

Kigh kighanata Apraam kïterchï Tororöt otini kikur kïwö kor nyo kiyomisyï Tororöt lö, töni nyinte. Kïwuwö nyinte korenyi akimenkïtnye wölini kiwetöy kutöngöy.

2 KORINTO 8:5

amelö kikikönecha lö ighöy chane kïgh nyo lata nyoni wölo kinya chane kutö kegh Echotyon akïkonecha kegh tïkwïl, kïrïp kegh nko machata Tororöt.

SAKARIA 14:20

Kikirchini osiswechoni pemwoy cho kïrotini angoletin lö, “Kiketïlilchï ECHOTYON.” Tïlilöchitu karïn ompö Kö pö Tororöt* lata otupöy cho mi ato kïpelo amöros.

OSEA 5:6

Petöy chane nko okwotkökwa cho pö ngaror nko tïch kïyöröy ECHOTYON, wölo mönyorucha nyinte. Ompöwölo kikusïrar kegh nyinte nko chane.

ISAYA 23:18

Kïpöghisyegho ropïyenichoni löwïr könyorunö mïnchïrïsnön saghata ECHOTYON. Melö kituyot nko kaplawachtin, wölo pöghisyegho pich cho pöghisyechini ECHOTYON ropïyenichoni kwolo omisyewut cho chang nko sïro cho pïchighöch.

NGÖTÏNYÖ 3:9

Konyïtö ECHOTYON ompö tïkuku nko ompö poretayi tïkuku löwïr,

WUWÖT 12:32

Aranga nekökwo nko tukökwo, lenyini kamwaghakwa apechï kegh. Asoghwanïn tïkwïl osïch kisoyönöt.”

WUWÖT 10:9

Kïlö Musa, “Kïpetecha nko monecho nko poyicho. Kïpetecha nko monecho cho le wor nko tipïn nko kyakicho, ompöwölo rokenecha keghchinö ECHOTYON ichon.”

WUWÖT 10:25

Wölo kïlö Musa, “Mïchini ketïngetecha amörostin cho kïpelöy nko amörostin walaka atöketönö ECHOTYON Tororötïnyo.

WUWÖT 8:27

Mïchinecha kepe rutogh nyo pö osis sömök wölnö le surkwen atöketönö ECHOTYON Tororötïncha amöros lenyini kimwoghwecha.”