WUWÖT 1:14 - PIPÏLIA

¹⁴ Akwigh otöptöngwa kïngwanit ompö ighisyö nyo awes nyo pö teksyö nko ighisyö anka tïkwïl nyo kimi paren. Melö kisyonchï chi chane.

WUWÖT 1:14 Referans Kwoze

IGHISYEWUT 7:19

Kwighchï piköcho nyo gha akuchop kong chane akuchikï kïlasta monekwa, kïmeghö.

KIYITUT 20:15

ainkïtönyi wölo kipetïta papotïnecha Misri akemangacha Misri nyo kogh, kuchopecha kong pipö Misri nko papotïnecha,

WUWÖT 6:9

Kïngölonchï Musa pipö Israel, wölo kimöterchïcha Musa, ompöwölo kitïng ngwonïn ompö mïkuliskökwa nyo pö sekeynönengwa.

WUWÖT 2:23

Nyini kiwer osiswö cho chang kïma pöytoghintonay pö Misri. Kïsïch ngwonïn pipö Israel ompö mötwornönengwa akïlokyö kïmach kingörokut, kïlïm Tororöt lokekwa

IGHISYEWUT 7:34

Kasïwan nyoman nyarïlpa piköchan cho mi Misri. Kyalïman riratengwa, nka nyï korökwan atosörï chane. Nyone nyu ayontinyi wïyö Misri.’

ISAYA 58:6

“Anyï kïrurat nyo omökan. Atyaka sïrïmtino kireyat nko mïchokino wököt, atyak pich cho kikïpïr kïpechï kegh.

TUMWÖY 81:6

“Kangwïsan pötoghkökwa nïkisïn, achengan morikwa mataparin cho nïkisöch.

NAUM 3:14

Akwa pipö Ninawi, oghekwa ne? Arama pögh, atöpï kïpsach ompöwölo kikerikakwa! Okilö nïyet pö kanasyantengwo! Atyakatyaka norayonto mönö nyo kigho mataparen, anagh mat nyo kïpelo matapareni!

MIKA 3:3

Omekwa piköchan kïsopchot achïr önto chi kïsatate arïngarïng koye kïlïkwï mïtïkan atolapay otörotör le pempö tör.

ISAYA 52:5

Anyï ye nyu kegha kïgh nyo lata nyoni ompö koro Papilon. Ochikwa rötote akï möminye kïgh nyo kikyalenakwa. Kwolöy kegh pïchoni pöytonokwa akunisonchö akïsasanïn.

ISAYA 51:23

Otöninan kölöwononi pich cho kipïrokwa, pïchoni lenchinokwa, ‘Oköpïghchinö kegh ngwïny töketïkatecha akwa,’ akïtïkata kïrutayikwa le ngwïny, le or nyo werotoy pich.”

ISAYA 14:6

cho kimungo pich kïnomnyö ompö sïnyoryö, cho kipöytoy koros walaka ompö mïmïryö nko kichopata kong nyo möwïsönye.

TUMWÖY 68:13

cho pö köpepoyi chepïrïmpen cho kikiluma silpa, keluma karorye koltin cho pïchighöch cho kiyeno kari taghoy, Ngo nyo tökïmököy kumpuröy akalu kechir?

RUS 1:20

Kïlenchï chane, “Mokurenanïn Naomi okurenanïn Mara, ompöwölo kegh Kimuktoghin söpontönyan kïngwanit.

KINONO KIRURUT 26:6

Kureyecha pipö Misri akuchopecha kong akwighecha kelïkuna sekeykökwa cho kighchini chane ighisyewut cho nïkisöch.

KINONO KIRURUT 4:20

Wölo kisörunenokwa ECHOTYON mapa karïn ompö koro Misri atalïkuna pikachi kegh otï le ye.

LAWIN 25:53

le ato köle mötworin nyo nömöy ropïyen. Amekany kïpayta nyinte ompö ghapghapat.

LAWIN 25:46

Mïlöy monekwa sekeyikwa, tökïpöghisyechï chane kokay. Wölo maghapghap werkökwo pipö Israel.

LAWIN 25:43

Meghapghap chane, wölo ikonyït Tororötïngu

WUWÖT 20:2

“Ochan ECHOTYON Tororötïnkwa, nyo kyamïtunekwa koro Misri wölo kyochikwa sekey.”

WUWÖT 1:13

Kutö pipö Misri pipö Israel kwigh ighisyö le sekey.

TOWUNÖT 15:13

Kilenchï ECHOTYON Apram, “Inkïtï nyo pö nyoman lö lïku moneku to ompö koro pich walaka, pöghisyechini chane ompö nyarïl piko korononi akïlïku sekey ompö wöloni könyis 400.

WUWÖT 1:11

Kïlenyona kutö chane kighyongteghï parakungwa kuchop kong ompö ighisyeghut cho nïkisöch akïtekyï Parao töpoton ompö kanastina Pitom nko Rameses.

WUWÖT 1:15

Kïlenyona kïngalan pöytoghinto Misri nko kamatïna echeni pipö Eprania, kikïkuro anka Syipra kekurö anka Pua.

1 PÖYTOGHÏ 12:14

kïrïp ngal cho kimwochï chumwak nyinte. Kïlenchï pïchay, “Kikonokwa paponyan nïkisïntin cho nïkisöch, wölo okonokwa cho nïkisöch tya. Kimungonekwa syaritin wölo omungenokwa syaritine cho ngwonöch tya.”

NGÖTÏNYÖ 28:15

Karkegh pöytoghintö nyo le mwokïyon nyo pöytoy mey nko ngötïny anta chepökerï nyo yonöy pich.

TUMWÖY 129:1

“Kichopanïn pungköchan kong kïnyïl cho chang kïngata otini kitochan chumwak,” nya kïmwowï Israel.

ISAYA 10:24

Mwochini Echotyon, ECHOTYON Kimuktoghin pikachi cho möngöy Sayon lö, “Mawagh pipö Asirya, kïrkegh kechopekwa kong chane le wölo kidakwa pipö Misri.