TUMWÖY 99:8 - PIPÏLIA

⁸ Kilïmanyi sowut pö piköku, we ECHOTYON Tororötïnyo, kichinyi Tororöt nyo ilöstoghchini pich lelut, kïrkegh kichopanyi kong chane ompö ngokikwa.

TUMWÖY 99:8 Referans Kwoze

KIYITUT 20:12

Kïlenchï ECHOTYON Musa nko Aron, “Ompöwölo melö kaghananïkwa aparta ororyenyan ompö tawu pipö Israel, momïtekwanye nyu pïchï ntökwit kor nyo kyoyomisön lö otönan chane.”

TUMWÖY 89:33

Wölo mopïstonanye chomnyenyan nyo pö kokay nyo otïngan Daudi, amelö owöghökan otöptönyan nyo ghanate ompö nyinte.

YEREMIA 46:28

Mewöghisyö we Yakopo mötworintenyu, ompöwölo omitan nko nyi. Owuran lömïs koros chona kyotoytoychinyi, wölo mowonginyinye. Amelenchï kegh opïstoninyi momungïn, wölo omunginyi kïrïp kegh nko lelutyengu momungïnyinye tya.” Mwoghöy ECHOTYON.

OMTOGHIN 7:29

Anyï kïgh nyo kanetan kegh kïpoto, lö kigh Tororöt chi kuten, wölo kïyar chane tïkwïn cho chang.

RUMI 1:21

Nyoman kinkït chane lö ngo Tororöt, wölo kimökonyïtnye nyinte le wölo keroko kekonyït Tororöt anta ompö kïyang kuyokyï nyinte sörö. Nyinö kötö ighöy lenyoni, kïwöghökisyö kinonutkökwa kïlïkwï kwïle ntömökunan lenyini keroko.

SEPANIA 3:7

Atolapay ononchan kegh lö, ‘Konyïtanïn ye nyu ana piköchan akïcham kirurötenyan, nonöy ana tïkwïn cho kyanetan chane.’ Wölo kipïrchï tya ighisyewut cho ghach.”

KINONO KIRURUT 3:26

“Wölo kïnörekyanïn ECHOTYON ompö akwa, akimökïternye sowutköchan, wölo kïlenchanïn, ‘Nya kïten. Mengölonwanïn ngat.

KIYITUT 20:24

“Metönye Aron kor nyo kyoyomisön lö otönan pipö Israel, meghöy nyinte ompöwölo kyapenyakwa ngölyontenyan ompö pögho Meripa.

WUWÖT 32:2

Kïlenchï Aron, “Angwïsuna taghoyi koltin cho mi yitiko korukwa nko werkökwa nko tipikwa apï wölo omitan.”

WUWÖT 34:7

Syonchini cho chang akïlöstoghchini ghöyityengwa nko lelutkökwa nko ngokikwa amelö yityini chi nyo gha lö mötïnye ghöyityö, ghokyini monïng ghöyityeto papotïnekwa nko kukötinekwa löwïr, ntökwit pïnta nyo pö sömök nko nyo pö angwan.”

2 SAMWEL 12:14

Keghanyi ECHOTYON kïnarek ompö kïyoni keghanyi, kïlenyona tïghöy monïngoni nyo mötïny.”

TUMWÖY 78:38

Wölo kusyonchï Tororöt chane, nyinö kitöpöröy kïlöstoghchï chane ngokikwa akïwaghach nörekyenyi kïnyïl cho chang. Melö kipïsyï köromnyenyi kingwanit lakat