TUMWÖY 81:9 - PIPÏLIA

⁹ Mopöghisyechï tororötin walaka amokïlchï tororötino putintön.

TUMWÖY 81:9 Referans Kwoze

ISAYA 43:12

Kyangoran kïgh nyo igho, atolapay angwïnan angarakekwa. Möminye tororöt anka nyo kikwigh lenyoni, achikwa söwichan.

KINONO KIRURUT 32:12

ECHOTYON onkït nyo kintöghoghchï pikachi melö kimi tororöt anka nyo le ton.

KINONO KIRURUT 6:14

Marïp tororötine walaka cho pö pipö punton cho möngöy kuwitwitokwa.

MALAKI 2:11

Melö tökï pich cho ghönote pipö Yuda ompö tawu Tororöt. Kegh chane tïkwïn cho ghach nyoman ompö kanasyanta Yerusalem nko koro Israel kïmïkul. Kesïmnyon Kö pö Tororöt* nyo pö saghat nyo chömo kegh nyinte, atolapay kwipchï kegh kor cho soghöy tororötino pipö punton.

TUMWÖY 44:20

Ntökikïpïstecha kesagha Tororötïnyo akesagh tororötin walaka,

WUWÖT 15:26

Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

1 PÖYTOGHÏ 22:19

Kïlö Mikaya, “Tera ngölyonto ECHOTYON ngat! Kyasïwan ECHOTYON kïtöpo ngacharunyi ompö yïm nko malaykenichi löwïr cho kighyongöy kuwit nyinte.

TUMWÖY 50:7

“Atera pikachu ato ongölonan. Omwoghan lelutköku Israel, ochan Tororöt, Tororötïngu!

ISAYA 28:23

Atera ngölyon nyo omwoghan. Atera, akany kïlïtok yitïn ngalechï omwowokwa.

OSEA 4:1

Atera ngölyonto ECHOTYON, pïchï pö Israel, ompöwölo tïng ECHOTYON kigheghchin ompö pïchï möngöy koronï. Ompöwölo mökïminye man anta kisyonöt anta sïkunöto Tororöt ompö koronï.