4 Melö otöponan nko chelölos amotïnganye kïgh lïsï.
Melö kyonomnyotan nko pich cho omisïyi kïsamta amelö kyororotan nko chane. Wölo kyotöpchan kegh onkït ompöwölo kinyïghitaninyi nörekyengu.
Soyönote chi nyo melö westoy nko mwokïyis, nyo mörïpönye ortïna pipö ngokï anta mpur nko pich cho roröchini Tororöt.
Ngöghomitu chi nyo westoy nko pich cho ngöghomöch, wölo wongu cho nomnyotoy nko sölwöy.
Apeghena wölo omitan, akwa mwokïyis, atamukan arïp kirurutko Tororötïnyu.
Nka nyoni mwoghöy ngat Echotyon lö, “Angetena kwenungwa, apesyö nko chane. Maswany kïgh nyo le sïmnyon, atatarokokwa.
Ochan kongot nko pich löwïr cho wöghinyi nko, chane cho rïpöy kinetutköku.
Makany kelïsak! Nyoröy kongotnön nyo gha otöp nyo karam.
Nyoru chi omisyö nyo wow nyo ngoröy parenyi, wölo mötïnye pköchin chi nyo rïpotoy ngala tankasat.
Opïstenö sölwontön atosöpchenö, airip ara pköchin.”
“Kïkany ato kyotöpan ara putinön akukomchï keltönyan wölo mi lïsata,
Olowitan kegh nko wökï amotïnganye kïgh ngokï.
