3 Weröy osiswechan le ighöt akïnöghöy portönyan le lyopöt.
Omwoghekwa lenyoni amonkïtökwanye wölo lïku söpontönkwa asïyech. Alatekwa kapuret pat nyo kïsïwïyi nyo tangogh akwotini lawel kupot.
“Kityorunö nyinte ma parak nyo kipelanïn olïmchan kegh ko, kïrat ngöghöp nyo kinamanïn kel awiran to Akïpïstanïn nyo kyaryalta, amïgh, awongwï ompö kichïr kwimön.
Meghsot mwokïyis, silonchot pung pö ECHOTYON le tapïkoy, weröy chane le kapuret.
Korïsit portönyan akupokö, kiloyö koyechan ompö kichïr.
Kaghach söpontönyan ompö nyarïl, kosönönön könyiswechan löwïr. Kapotanan akuwonyeghenanïn owesyö ompö kichoputköchan köyositu koyechan tïkwïl.
Kechïrkan portanyan akuriyanïn ko
Kyaran le takol nyo mi kompa ma, wölo melö kyowutyeghan kikirutköku.
Otïngetan ngwonïn nyo wow ompö nörekyengu. Kasate portönyan kïmïkul akwompö ngokichan.
Mewïnga kegh wölo omitan!” Meyoda mötworintengu ompö nörekyö, nyi nyo ichï kingörokintenyan. Mepïstante anta itaghanïn, we Tororöt pö sörunötenyan.
Ichinyi köpönenyan nko wölo tïghume, ntöghoghwante airipante ompö töroryeto kaynatengu.
