4 Olowitan kegh nko wökï amotïnganye kïgh ngokï.
Lilöy kïgh ECHOTYON pich cho kimostoy mötöwöy, wölo ngörökyini nyinte pich cho melö mi kigheghchin ortïnekwa.
Wölo metimtimonye kokay kitorötö nyo kitek nyinte Tororöt, akï nyo kikikirchï ngalechï lentöy, “Nkït Echotyon cho le chechi,” akïlö ngat, “Ato mi chi nyo lentöy ochï chi pö Echotyon, kuroko kïpïstö ighisyewut cho ghach.”
Wölo olenchinan chane, ‘Kimonkïtokwanye. Angetena tawunyan mwokïyischï!’
Menam kongot nko pich cho nörekyot anta inomnyotö nko chi nyo nyölo,
Opïstenö sölwontön atosöpchenö, airip ara pköchin.”
Kewagh ECHOTYON kï ketagh ngokï. Otöghan kwolöto kegh nko menetön, atöghan otöp nyo gha nko ngal cho ghach.
Apeghena wölo omitan, akwa mwokïyis, atamukan arïp kirurutko Tororötïnyu.
Wököy ECHOTYON chï nyo le penyin, wölo chomnyegho nyinte pipö man.
Apeghena wölo omitan pïchï ghach! Ompöwölo kikïlïm ECHOTYON riratenyan.
Wölo kereytanïn ompö köröp akelutanïn sany ompö pïntö nyo kimi nayat achïwïtan nyu morichi.
Melö otöponan nko chelölos amotïnganye kïgh lïsï.
Mochömanye ghömïchö nko mwokïyis amompuranye nko ptakalis.
Ghöchini chi nyo melö pö man chi pö man, wölo ghöchini mwokïyis chi nyo tenate orenyi.
