TUMWÖY 10:3 - PIPÏLIA

³ Kwolo kegh mwokïyon pïrchinoghto mïkulöwunyi, chïpöy chi pö mu ECHOTYON akïtöghöy nyinte.

TUMWÖY 10:3 Referans Kwoze

TUMWÖY 94:4

Kwolöy kegh rïmï nko oyï? Akuwulo kegh pörchengwa nko oyï?

LUKA 12:19

Atoni nyu olenchan kegh, pöyösinö kegh aiyomisyö aigheghsyö le wölo kechamta, ompöwölo itïngetenyi tïkwïn cho chang cho karamach cho ghöminyi ompö könyis cho chang.’

ISAYA 37:23

Ngo nyï imwoghenyi airoröchini? Ngo nyï isyolchinenyi kut akï ngo nyinte nyini ingwïryelenyi lenyoni? Ani Tororöt pö Israel nyo Tïlil!

NGÖTÏNYÖ 28:4

Sölöy mwokïyis pich cho melö yongöy kirurut, wölo poryegho pich cho ripöy kirurut mwokïyischoni.

TUMWÖY 49:6

cho ghach cho tigho möt sïkönöt akïmenö tïkwïn cho chang cho tïng.

TUMWÖY 35:21

Keteghchanïn chane akïlö, “Ayaya, kikïsïwecha kini kighanyi!”

TUMWÖY 5:6

Inyorenyi cho mwoghöy putintön. Reyöy ECHOTYON pich cho mïltoy kisön nko cho tïsöy pich.

AYUPU 31:24

“Kyamantan kegh so koltin kïlïkwï kikönötenyan, anta kyaghan koltin cho pïchighöch kïlïkwï longenyan?

KINONO KIRURUT 29:19

Atömötöp chichoni otini kalïm ngalechï pö muma, kunonchï kegh lö, mönyorunye nyinte chïpötononi otini karïp machateto mïkulöwunyi kipeny ngalechï. Wonyokwa lömïs penyatanoni ato kochï karamach anta kochï ghach.

WUWÖT 15:9

Kïlö punyon, ‘Orïpan, odolöy chane, achaghachaghan pöröwe, kïpïghyö nyu muyenyan. Ongwïsunan chokenyan aparan chane.’

1 YOANA 2:15

Macham otöp pö ngwïny anta kïgh anka tïkwïl nyo pö ngwïny. Ato cham chi otöp pö ngwïny, kïmelö mi chomnyo Papo orinyi.

YAKOPO 4:13

Oterwante chona omwoghöy lö, “Kïrutocha asisete anta asïyech kepetöy kanasyan nyo syom aketïpï wöloni akegh pasyara ompö köny kïmïkul, atökesïkö ropïyen cho chang.”

KOLOSAY 3:5

Kïlenyona, otïghö otöptino ngwïnyinï cho ghach cho mi orinkwa cho lata: cheporesnan nko sïmnyontön kinonut cho ghach nko pïrchin nyo gha nyo karkegh nko saghata körkeyïntin.

EPESO 5:5

Onkïtï nyoman lö, möminye chi nyo le cheporesyan anta nyo le sïmnyon anta nyo pïrchini tïpö pich (ompöwölo pïrchin kï saghata körkeyïntin), nyo nyoru kïgh ompö Pöyunöto Kristo nko nyo pö Tororöt.

1 KORINTO 6:10

anta mosï anta sïköyö anta ptamasis anta kiswomï anta chorï.

RUMI 1:32

Nkït chane lö lentö Kirurut pö Tororöt pich cho möngisïyi lenyoni kïmïchini kïmeghö. Wölo letöy chane tagh ompö ngalechoni akï, mwochini piko walaka cho ighöy ngalechoni lö, “Kaghakwa kuten.”

RUMI 1:29

Kinyïghï oringwa ghöyityö anka tïkwïl cho lata, nyonyintön nko kiswomöt nko pïrchin nyo gha nko nyïtat nko tïghö nko lïsa nko sastagh.

LUKA 12:15

Atolapay kïlenchï pïchay löwïr, “Wechara! Oripö kegh pïrchinogh pö tïkwïn. Ompöwölo molenchï kegh lö köromitu tya söpon pö chi ato tïng tïkwïn cho chang.”

APAKUK 2:9

Ochech pich cho sïkönonöy piko korikwa ompö tïkwïn cho kamasa chane pich kïtek korïn cho tïghume atökïkartegha tapan piko korikwa.

YEREMIA 22:17

Wölo nyete le nyi, sururchini konyiku nko mïkulöwungu tïpö mïrwos. Imïltonenyi kisön pö chi nyo puryö lelut. Ichengonyi kat tïpö pich aikarenyi pkuku.

ISAYA 57:17

Kyonörekyan chane ompö ngokikwa nko pïrchintöngwa, nka nyoni nyu kyachopan kong, achal chane. Wölo kighechön mötöwöy akïtas tagh kïrïp orengwa kegh.

TUMWÖY 52:1

Nkekwolö kegh ghöyityö, nya we nyakananï, nyo keghchï nyo gha pipö Tororöt?

TUMWÖY 49:18

Kïrkegh kölentöy chi okwolo kegh söpon pö ngwïnyinï akekwol nyinte ompö tïkwïn cho chang cho kegh,

1 SAMWEL 23:21

Kïlö Saulö, “Nya kuperurokwa Tororöt, ompöwölo kosyonchanïkwa.

KINONO KIRURUT 32:19

“Nyini kisïwa ECHOTYON lenyoni, kïnarek akïtagh monechi.

LAWIN 26:30

Onyornyoran ato osoghokwa körkeyïntin atörotörön ato opelokwa tïkwïn cho ngutoy cho onyïn, awirchan mïntïruchkökwa wölo köchïnchï körkeyïntinekwa akïwöchokwa mïkulöwunyan.

YAKOPO 4:16

Wölo ye konisonchekwa amen akï menöt nyo lata nyoni kï gha.

KIRWOKÏ 17:2

Kïlenchï chichoni kame, “Ani nyay kyacheng ropïyeni silpa cho le 1,100, chanya kilentenyi kikïchor, akyalïman ato kichïpenyi chichini kicheng. Otïngetan ropïyenichoni.” Kuyokyï kame lö, “Nya kusoyönïn ECHOTYON, werïnyu!”

1 PÖYTOGHÏ 20:25

Atolapay ikir pipö lïk walaka cho karkegh nko chay kapegheninyi aikonecha angoletine nko nkarine nko pich cho karkegh nko chanye kitïngetenyi atökeporyenöcha nko pipö Israel ompö wölo le tömkö. Kïrïntocha chane nyo mötïny.” Kïterchï pöytoghintö Pen Adad chane akïrïp kirurötengwa.

OMTOGHIN 7:15

Kyasïwan kïgh anka tïkwïl ompö söpontönyan nyo le kwïle lö mi chi pö man nyo meghöy ompö mantanyi akïmi mwokïyon nyo letöy tagh kïsöpöy akwighöy ngokichi.