TOWUNÖT 8:22 - PIPÏLIA

²² Otini tökïmito ngwïnya, kï mewonyocha osiswo katkata nko ilö, kömöy nko pengat, nangat nko pöghet.”

TOWUNÖT 8:22 Referans Kwoze

YAKOPO 5:7

Omïkukönö nyu, tupchenichu ntökïtenö kwitï Echotyon. Arose ya wölo mïkuköntoy ngorin, otini mi kïköngöy paghechi cho kingor ntökuyinï pagh cho pö olyot nyo wow. Kïköngisïyi nyinte lenyoni ompö mïkukönöt ntökïtenö kïropan ila sarngatat nko nyo pö kitokot.

YEREMIA 5:24

Mömwoghöcha ompö mïkuliskökwa lö, ‘Kewagha ECHOTYON Tororötïnyo, nyo konech rop ompö osiswechi, ropa sarngatat nko nyo pö kitokot, akï konecha tïkwïl osiswo ilö.’

YEREMIA 31:35

ECHOTYON nyo tötöy lö lïwu asis pöghet, akulïwï arawa nko kokel oghö. Nyinte nyo ighöy pögho nanam kïwïch akughum mïrtino pöghechï. Kaynenyi kï ECHOTYON Kimuktoghin.

WUWÖT 34:21

“Ighenyi ighisyö osis mut nko akonga, wölo imungenyi asispa mut nko odeny, kö osiswo ngorsyö anta cho pö ilö.

TOWUNÖT 45:6

Ompöwölo kimi pekat kor könyis odeny, akïtökïmi könyiswö cho le mut cho möngorsïyicha pich anta ilsyö.