TOWUNÖT 7:11 - PIPÏLIA

¹¹ Otini kitïta Noa könyis 600, asisto 17 nyo pö araweto odeny, kïyotisyö asisoni konyi pöghon cho kimi ngwïny, kutulï pögh ompö owesyö akïyotisyö kukoti pögh cho mi yïm.

TOWUNÖT 7:11 Referans Kwoze

TOWUNÖT 8:2

Kïkörisyö konyichay pö pögh kikosunö ngwïny nko kukotichay kimi yïm. Kupech ropay,

MALAKI 3:10

Opunö töpotenyan ropöwo kareranpa taman löwïr tökïmi Konyan omisyö atyamanïn nyu. Mwoghöy ECHOTYON Kimuktoghin. “Ato aghakwa lenyoni, oyotwokwa tïrisyeni yïm, akonokwa kisoyönut cho möngörï.

YEREMIA 51:16

Nyini kangalan kughumnyö pögh cho mi parak, akwigh poltoy kusupunö kegh söremwok pö ngwïny. Ighöy kiryal kulïwï lö chwat ato ropönöy akïyotï yomat kungwïna töpotinechi.

YEREMIA 5:22

Ompö ne tömowöghanïkwa nya? Mwoghöy ECHOTYON. “Ompö ne tömowöghisyonekwanye ompö tawunyan nya? Ani nyo kyotö ngayam kïlïkwï rotyo nanam nko kor nyo tïyame, miröwon nyo memukönye kïtïlï nanam kokay, nyo, kïrkegh kughumonï mirtino pögh lö ne, mötïlönye miröwontononi kokay.

2 PÖYTOGHÏ 7:19

akiyokyï wowïn lö, “Möminye kïgh nyo lata nyoni nyo igho, kïrkegh kölentöy ECHOTYON oropönuno pögh yïm panete!” Kuyokyï Elisya lö, “Isïwïyenyi wölo melö iyomenyi omisyononi.”

ESEKEL 26:19

Lentöy Echotyon TORORÖT, “Oghekwa le kanastin cho kikewurta kïlïkwï kïratis cho puryö pich cho möngöy otini kopkokwa puseryon kïtïpokwa.

TUMWÖY 33:7

Kitö pögho nanam söt akutö mirtino pögh töpoton.

2 PÖYTOGHÏ 7:2

Kïlenchï wowïnay kitigho kegh pöytoghintö chichay pö Tororöt, “Möminye kïgh nyo lata nyoni nyo igho, kïrkegh kölentöy ECHOTYON oropönuno pögh yïm panete!” Kuyokyï Elisya lö, “Isïwïyenyi, wölo melö iyomenyi omisyononi.”

TOWUNÖT 1:7

Atolapay kwigh Tororöt wölnö le mïröt, akupesyö pögh cho kimi ngwïnyi mïröt nko cho kimi paraku mïrötononi. Kwighisyö lenyoni.

MATAYO 24:38

Otini kitomönye kïnyïghï pögh ngwïny, kï kimi pich kwomisïyi akïgheghsïyi, ki kensïyi pich akuyiltoy monekwa ntökïtenö kwit asisini kilït Noa meli ori,

ISAYA 24:19

Köreroy ngwïnya lö tya, körero akïpasyangana akutimtimö ompö owesyö.

TUMWÖY 74:15

Kighanyi konyi pöghon nko wölo yintegho pögh aigh lalwatïn cho echön kïtenyö.

TOWUNÖT 6:17

Opunan puseryon nyo lumöy kor kïmïkul nyo tïghöy tïkwïn löwïr cho sötote cho mi ngwïny.

AYUPU 28:4

Pölöy pich pïrïmpot wölo le siriron, puryö möngot, wölo low mötïkönye kelyo pich. Rötoy kegh pölï angwoy akureytegho kegh kïwïs.

1 TESALONIKE 5:3

Ato mi pich kïlentöy, “Mi pöghisyö nko kalya,” miröy nyu chane wïrata le ato itini kichïr korka nyo lusïyi amemuköcha pïchoni tökïchïwïtyöt!

2 PETRO 3:6

akï pöghisyegho Tororöt ki tïkwïl pögh, pögho puser nyo wow kuwura ngwïny nyo pö osiswechoni pö tagh.

TOWUNÖT 7:6

Kitïng Noa könyis 600 atoni kilum puseryonta ngwïny.

AYUPU 12:15

Ato kar rop, kwitu pekat, ato yotï, kulum puser kor.

AYUPU 38:16

“Kilïtönyi nanam wölo kosuno pögh kiwesteghenyi tïtïka nanam wölo le siriron?

NGÖTÏNYÖ 3:20

Kigh chïreryenyi lalwatïn kïghya pögh akïropönï poltoy röyön.

ISAYA 24:18

Atolentöy chi omukyini ochïwïtöy anka ochïwïto pïrïm, kenömo ngöghöp. Ompöwölo yotisyot konyi pögh ompö yïm, kïpotonchö nyu pchörino ngwïny.

TOWUNÖT 8:14

Kïpïs ngwïnya asisto 27 nyo pö arawa odeny.

AYUPU 38:37

Ngo nyo tïng ngöghomnyö nyo muköy kuyitoy poltoy anta ngo nyo opïköy soghyöyi yïm kïsururu pögh,