TOWUNÖT 6:9 - PIPÏLIA

⁹ Achï monïngo Noa. Kipö man Noa, chi nyo kitenate ompö piko pïntanyi. Kilïmchinö Noa nko Tororöt.

TOWUNÖT 6:9 Referans Kwoze

LUKA 1:6

Kitïpïyot chane kwodeny otöp pö tïlilïn ompö tawu Tororöt, kiteröy akïrïpöy Kirurut pö Echotyon löwïr.

EPRANIA 11:7

Kigh kighanata Noa kïlïm rirunata Tororöt ompö ngal cho kitökïpkonöy cho kitomöcha kesïwa. Kïter Noa kuti Tororöt akïtek meli nyo kikuro Sapina tökïsörï kegh nko katanyi. Akwompö ngalechoni kerwokyï ngwïny akïlïkwï nyo kinyorï Noa tïlilyö kungwïna kighanatenyi.

2 PETRO 2:5

Kimesyonchïnye Tororöt ngwïny könyisyok, wölo kiyotyï puseryon nyo wow pich cho kimewöghönye Tororöt. Wölo kisörï Tororöt. Noa, nyo kyomtoy lö mïchini kïmöngisyö pich ompö ara man nko pikö walaka cho le mut nko odeny.

TOWUNÖT 7:1

Kïlenchï ECHOTYON Noa, “Lïtö meli nko pikökwo löwïr, ompöwölo kasïwan lö nyi onkït ompö ngwïny kïmïkul nyo ighöy nyo tenate.

TOWUNÖT 5:24

Kïlïmchinö Enok nko Tororöt, atolapay kïmökïrumïnye ompöwölo kicheng Tororöt nyinte.

KALATIA 3:11

Rumu ye nyu lö möminye chi nyo tenöy nko Tororöt ompöwölo kikikir lö, “Söpöy chi anka tïkwïl nyo kakegh kuten nko Tororöt ompö ara kighanat.”

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

TOWUNÖT 5:22

Kitöpö nyu Enok nko Tororöt könyis 300 akisïch monïnge walaka cho le wor nko tipïn.

ESEKEL 14:14

Nyo kïrkegh kömöngöy Noa nko Daniel nko Ayupu nko chane kötösöru chane söponwekwa kwïle akwompö mantangwa. Mwoghöy Echotyon TORORÖT.

AYUPU 1:1

Kimi chi nyo kimöngöy kor Us nyo kikïkuro Ayupu. Ki chi nyo tenate akikonyïtöy Tororöt akilowito kegh ghöyityö.

TOWUNÖT 2:4

Lenye nyï wölo kikida yïmwöy nko ngwïny. Otini kigh ECHOTYON Tororöt yïmwöy nko ngwïny,

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

OMTOGHIN 7:20

Möminye chi pö man ngwïny nyo ighöy nyo karam amegh ngokï.

IGHISYEWUT 10:22

Kuyokyï chane lö, “Köyonwecha Kornelio nyay wowö askarin akï chi nyo karam nyo soghöy Tororöt akworor nyinte ompö koro Yaudi löwïr. Keporchï nyinte malaykayanta Echotyon nyo tïlil kïyonï pich kïpka kïkurinyi atewïyö katanyi tökïlïmeninyi lökoy.”

ESEKEL 14:20

Kïrkegh kömi Noa nko Daniel nko Ayupu kïle ato osöpan Echotyon TORORÖT kötö memukönye tökïsorï ompö monekwa, wölo kösöru chane mantangwa.”

AYUPU 1:8

Kïtep ECHOTYON lö, “Akesïwenyi mötworintenyan Ayupu nya? Möminye chitö anka nyo kikongityot nko nyinte ompö ngwïny, chi nyo tenate akï pö man, chi nyo konyïtanïn akïripöy kegh tömegh ngokï.”

RUMI 1:17

Ngongu nyu Lökoy cho Karamach or nyo yityinegho Tororöt pich man ompö tawunyi. Aranoni kï kighanat akï kighanat ntökwit söröm. Kïle wölo mwoghöy Kikirut, “Söpöy chi nyo kikuyityï Tororöt man ompö ara kighanat.”

LUKA 23:50

Kimito chi nyo kikïkuro Yosep nyo kingwïno Arimatea kanasyanta pipö Yaudi. Ki akonga nyinte ompö Kokwo* pipö Yaudi, chi nyo karam akïrïpöy man.

LUKA 2:25

Kimito osiswechoni chi nyo kimönyöy Yerusalem nyo kikïkuro Simion. Kitenate nyinte akuwöghöy Tororöt, kiköngöy chichoni sörunöto Israel. Kimito Mïkulögh nyo Tïlil nko nyinte

APAKUK 2:4

Akwanyï ngölyontononi, melö ngötu mwokïyis, wölo söpchot pich cho ghönöy Tororöt ompö kighanatengwa.

NGÖTÏNYÖ 4:18

Wölo lata ara pipö man löpoyïn pö yekon nyo lïwu kulïwï kwimön.

TUMWÖY 37:37

Iros chi nyo karam nko chi pö man, nyoru chi pö pöghisyö perur,

2 OTÖPTINO OSIS 15:17

Wölo menateghanye Asa wölo kïsogho körkeyïntin ompö Israel. Wölo ompö choni löwïr kï kitö nyinte mïkulöwunyi Tororöt ompö osis löwïr.

TOWUNÖT 48:15

Kusoyön Yosep kïlenchï, “Nya kusoyön Tororöt werchï, Tororöt nyo kipöghisyechï papotïnechan Apraam nko Isak, nyinte nyo kintöghoghwanïn kïngeta otini kyapitan nko ye!

AYUPU 12:4

Roröchinanïn ye ompö chini le kongotichan, kïrkegh kyasaghan Tororöt akïngitönwanïn. Kalïkwan chi pö kelat nyo ochï chi pö man amotïng lelut.

1 PÖYTOGHÏ 3:6

Kuyokyï Solomon lö, “Kiporchinyi chomnyogh nyo pö kokay mötworintengu Daudi, paponyan, ompöwölo kïrïpinyi akutwaytinyi kegh ompö man nko ompö kighanat nko ompö mïkulögh nyo puryö lïsat ompö tawungu. Keporchinyi ye nyinte chomnyengu nyo wow nyo pö kokay, itö worö nyo kapayta otini kömi nyinte.

2 OTÖPTINO OSIS 25:2

Kigh Amasya nyo karam ompö tawu ECHOTYON wölo meghanye mïkulöwunyi kïmïkul.

TOWUNÖT 10:1

Achï monïng cho kiyï werpö Noa: Syem nko Am nko Yapet otini kiwonyö puseryonta.

TOWUNÖT 5:1

Anyï ara tötutyo monïngo Adam. Atakinye kigh Tororöt chi, kigh nyinte chane kïkarkegh nko nyinte.

TOWUNÖT 6:10

Kitïng Noa werkachi sömök, Syem nko Am nko Yapet.

KINONO KIRURUT 18:13

Orip kegh tömonyorï kigheghchin ompö ECHOTYON.

2 SAMWEL 22:24

Motïngetanye kigheghchin ompö nyinte ompöwölo melö kyarikan ngokï.

TUMWÖY 37:39

Söru ECHOTYON chi pö man, ghïpo chane ompö nyinte osiswo nyarïl.