TOWUNÖT 50:11 - PIPÏLIA

¹¹ Nyini kisïwa pipö Kanan rirat nko lok ompö ghatya Atad nyo kilïwo pagh kïlö, “Kigha nyu kïgh nyo gha ompö pipö Misri.” Kekurö nyu atoni Apel Misriam (Loko pipö Misri) nyo mito Yordan antakwagh.

TOWUNÖT 50:11 Referans Kwoze

TOWUNÖT 24:6

Kïlenchï Apraam, “Irip kegh tömemït werïnyan wöloni.

1 SAMWEL 6:18

Kiyoktö tïkwïl mïr cho pö koltin kïrïp kegh nko kanastina Pilisti, chay pö pöytoghichay le mut: Kanastin cho kikitekyï nïyet nko kanastin cho mïnkech cho mömicha nïyetwö. Tökïmitö le kiporunöt nko ye ghatyanay wow kikitö kamas Santuku Muma ECHOTYON ompö para Yoswö nyo pö Pet Syemes.

KINONO KIRURUT 11:30

Mito kutïngkotichoni lalwa Yordan antakwagh okumpö ta koro pipö Kanan cho möngöy Arapa wölo pörtoy Kilkal, wölo lekïto keti More cho tïlilöch.

KINONO KIRURUT 3:27

Wïyö pustena kutïng pö Piska parak aitopöntö wölino le ta nko okumpö löt nko ewu tagh nko okumpö kongasis atesïweghena, ompöwölo memukenyinye ioghyot lalwanï pö Yordan.

KINONO KIRURUT 3:25

Nyo osoghinyi lö pïswante oghyö asïwan koronini mi lalwa Yordan antakwagh nko koronini pïchigh pö komos nko Lepanon.’

TOWUNÖT 50:10

Nyini kitïta ghatya pagh ompö Atad nyo mito Yordan antakwagh kïtïpï wöloni akïriryö ompö kwanta osis mut nko odeny.

TOWUNÖT 34:30

Atolapay kïlenchï Yakopo Simion nko Lawi, “Kokonanïkwa kömpölelyö ompöwölo ghöchinanïn pipö Kanan nko pipö Peris, pïchini möngöy koronete akwanyï kïchicha ngörï, kïkany atotuyö kegh chane kïporyeghenanïn, kumuköy chane kuwuranïn nko piko konyu.”

TOWUNÖT 13:7

Kwitï syala nyo kingwïna pipö Apram cho kile mösöw nko cho pö Lot. Kimöngöy osiswechoni pipö Kanan nko cho pö Peris.

TOWUNÖT 50:12

Kigh nyu werkachi kïle otini kiyomis nyinte chane.