TOWUNÖT 50:10 - PIPÏLIA

¹⁰ Nyini kitïta ghatya pagh ompö Atad nyo mito Yordan antakwagh kïtïpï wöloni akïriryö ompö kwanta osis mut nko odeny.

TOWUNÖT 50:10 Referans Kwoze

IGHISYEWUT 8:2

Kïtïp nyu pich cho kighönöy Tororöt Stepano, akïlokyï nyinte nyoman.

AYUPU 2:13

Atolapay kïtïpï ngwïny nko nyinte osis mut nko odeny, pöghet nko nangat, amelö kimi chi nyo kimwochï nyinte ngölyon, ompöwölo kisïwa lö, kitïng nyinte nyarïl nyo wow.

2 SAMWEL 1:17

Kïrirchï Daudi Saulö nko werïnyi Yonatan ompö tumï.

1 SAMWEL 31:13

Atolapay kïcheng koye akïpa kïtïpchï ngwïny ket pö sankak nyo mi Yapes, akïkïrur ompö osis mut nko odeny.

KINONO KIRURUT 34:8

Kïrirchï pipö Israel Musa osis tömönut sömök ompö tömko Moap.

KINONO KIRURUT 1:1

Achï ngal cho kimwochï Musa pipö Israel löwïr ompö surkwen Yordan antakwagh, atoni kï Arapa, nyo kïtopöno Sup, kwenu Paran nko Topel nko Lapan nko Aserot nko Disaapu.

KIYITUT 19:11

“Chi nyo kanam mïntïrïch, kïlïku sïmnyon ompö osis mut nko odeny.

TOWUNÖT 50:11

Nyini kisïwa pipö Kanan rirat nko lok ompö ghatya Atad nyo kilïwo pagh kïlö, “Kigha nyu kïgh nyo gha ompö pipö Misri.” Kekurö nyu atoni Apel Misriam (Loko pipö Misri) nyo mito Yordan antakwagh.

TOWUNÖT 50:4

Kïkany nyini kiwonyö osiswo lok kïngölonchï Yosep pipö kö pö Parao kïlenchï, “Kaykay ato konyorwan chömchin ompö akwa, omwochinewante Parao lö,

TOWUNÖT 27:41

Kïwöch Esau Yakopo ompöwölo kisoyön paponyi nyinte, kïlö Esau ompö mïkulöwunyi, “Karich osiswö cho kïriröy ompö megha paponyan, ataparan nyu werïnyo Yakopo.”

TOWUNÖT 50:3

akïcheng osis tömönut angwan, ompöwölo tenö choni cho kömökoy kïngata otini kakïnyïra sakït. Akïlokyï nyite pipö Misri ompö osis 70.

TOWUNÖT 50:9

Kipa nko nyinte nkarinö nko angoletin, ki söpïch nyo wow nyoman.

KIYITUT 20:29

Nyini kïsöwï pipö Israel löwïr lö kikïma Aron, kïlokyö chane löwïr ompö osis tömönut sömök akwompö nyinte.

2 SAMWEL 11:26

Otini kilïm koko Uriya lö kikïpar pontenyi, kïrir akwompö nyinte.

OMTOGHIN 12:5

Iwöghenyi nyu wölo kïpusöy akïlïkwï tapan kepesïta. Relitu mötïngu la ka, akupölinyi ompö nyini le kughotogh, akupoteninyi machata kïgh kïgh anka tïkwïl. Ompöwölo wetöy ptangengmöt kutöngöy katanyi nyo pö kokay, atolapay kelïma rira ortïna kanasyan.

1 OTÖPTINO OSIS 10:12

kïpa pich cho le nyökon kïchengwï porwöyi Saulö nko werkachi akïsït ntökwit Yapes. Akïtïpchï atoni pöghyotwö ghït, atolapay kïkïrur ompö osis mut nko odeny.