4 Kipa nyu nyo matyanye kïngata kanasyan, kïlenchï Yosep chichay ghyongtochini konyi, “Ngeta airïp pïchay nyini kenyorï chane ilenchï ompö ne takerenakwa ghöyityö köromnyö? Ompö ne tachorakwa mpalawunyan?
Kïlenchï Yeso, “Koporwokwa ighisyewut cho chang cho karamach cho kikonanïn Paponyu agha tawunkwa. Chono nyu ompö choni cho keghakwa awirenanïn koghïn?”
Köghokwanïn chane ghöyityö ompö köromnyö, otöpan onkït.
Ato yoda chi ghöyityö ompö köromnyö, kïmöweghonye ghöyityö konyi.
Kekera ghöyin köromnyö nyo kyoporchan chane akutaka kireyat chomnyenyan.
Achï ye ketökisyö, kipka kutulenecha koronï kikonechanyi kïlïkwï nyincha.
Akïlenchï Daudi, “Iponyi man kïtïlanïn, ompöwölo keghwaninyi nyo karam, aghunyi nyo gha.
“Otini Kikuwonyö pïchay pö lïk löwïr,
Nyini kimach kïyech, kepïstö pïchay kïpa nko sïkïröyikwa.
kïpachpach pïchay sïrokökwa kuporï nyarïtangwa akïrat sïkïröyikwa akïmïlisyö kanasyantanay.