TOWUNÖT 43:32 - PIPÏLIA

³² Ketö omisyo Yosep woptanyi onkït, ketö nyo pö werkökwa woptöngwa. Kikigh lenyoni tïkwïl nyo kipö pipö Misri cho kyomisïyi nko nyinte, kikitö pipö Misri omisyengwa woptöngwa ompöwölo melö kikïchömchini pipö Misri kwomisïyi nko pipö Eprania.

TOWUNÖT 43:32 Referans Kwoze

WUWÖT 8:26

Wölo kïlö Musa, “Melö karam keghacha lenyoni, ompöwölo kitönicha ECHOTYON Tororötïncha amöros nyo möchömöcha pipö Misri. Ato kitötecha amöros nyo melö chömöy chane, kïwirenecha koghïn.

TOWUNÖT 46:34

Olenchï, “Pipö tïch mötworiku, kïngeta otini kichicha mïnkech nko ye, acha lapay nko papotïnecha, atamuka amanga koro Kosyen.” Ompöwölo kitaghate chi anka tïkwïl nyo yokuyöy kyak ompö Misri.

TOWUNÖT 43:16

Nyini kisïwa Yosep Penchamen kïmi nko chane, kïlenchï chi nyo kighyongchini konyi, “Mïta pïchï kïpa konyan aiyenchï tany chane aigh omisyö ompöwölo omisïyan nko chane omisyo pöghet.”

TOWUNÖT 31:54

Atolapay kwigha Yakopo amöros atoni le kutïng akïkur werkökwa kïpka kwomisyö. Otini kiwang kwomisyö, kïruyö kutïngoni oghononi ntökïyech.