TOWUNÖT 42:21 - PIPÏLIA

²¹ Atolapay kïmwochinö lö, “Kanamecha kirwokö nyoman ompöwölo, kikïlelchicha werïnyo, kikïsïwecha wölini kiwongwï nyinte kïlïkwï ompö mïkulöwunyi akïwechï kïsaghsaghecha, wölo melö kikïterchicha nyinte. Nka nyï ye nyu ketwecha nyarïl nyo teno nyï.”

TOWUNÖT 42:21 Referans Kwoze

OSEA 5:15

“Opökochtonan chane ntökïtenö kïpköchï chane ngokikwa akïmïlonchö nyu kïyaranïn. Kilöy kegh nyu nyoman kïyöranïn ompö otinö kewongu.”

1 YOANA 1:9

Wölo ato kïngangacha akelasta ngokicho, ghanate Tororöt akwighöy man. Löstewecha nyinte ngokicho akïmwatecha ompö ghöyityenyo anka tïkwïl.

YAKOPO 2:13

Ompöwölo ato rwokyini Tororöt pich mesyonchininye chi nyo mötïngnye kisyonöt. Wölo rïntoy kisyonötö kirwok.

IGHISYEWUT 19:18

Kïpka pich cho chang cho kighan akïnganyta ompö tawu pich pöghisyewutkökwa cho ghach.

LUKA 16:28

kanya kïwö kïrirchï werköcha cho le mut, tömapka asïyech wölï omitan, asïyech wölo mi nyarïl nyo wow.’

MARKO 9:48

Wölo mewonyotcha nkutyechi amemisonye mat.

MATAYO 7:2

ompöwölo kïle wolini orwokyintokwa pikö walaka, kïlenyoni wölo kirwokyintonokwa akepöghisyegho kipimöwontonini opöghisyeghokwa ompö pikö walaka.

YEREMIA 34:17

Kïlenyona omwoghan ante ECHOTYON lö, ompöwölo mokonyïtökwanye ngölyontenyan nyo komökenokwa atyaka pikökwo cho le sekey. Kanya nyu atyakekwa tïkwïl, owonyenö nyu ompö ngot nko sömew nko kömöy. Oghokwa pich cho ato sïwa pipö koros löwïr kwotyö.

YEREMIA 2:19

Ichömchömenyi ompö ngokiku kegh akurwokyininyi penyatengu. Mïchini nkïtunö lö gha nyoman ato ipïstaninyi nyo ochï ECHOTYON Tororötïngu amökïminye oringu kiwaghata ECHOTYON. Mwoghöy Echotyon TORORÖT Kimuktoghin.

YEREMIA 2:17

Melö so keyörchinyi kegh ngalechoni löwïr? Kipïstaninyi nyo ochï ECHOTYON Tororötïngu, nyo ntöghoghchininyi ompö or!

NGÖTÏNYÖ 28:17

Ato sus kegh chi ompöwölo kamïlta kisönko chitö anka, akany kïlïkwï pïnotyon ntökïma, mengarak chi nyinte.

NGÖTÏNYÖ 21:13

Melö kïlïmchini chi lokechi nyo köröy yitichi, ompö loko meywon.

1 PÖYTOGHÏ 17:18

Kïlenchï kokonay Eliya, “Ompö ne teghwaninyi le nyï akwanyï ichinyi chi pö Tororöt? Kichö ingwïnanyi wölï so atenonchinö Tororöt ngokichan nka nyï kötïgh werïnyan?”

2 SAMWEL 12:13

Kïlenchï Daudi Natan, “Koghchan ngokï ECHOTYON.” Kïlenchï Natan Daudi, “Kikïlasta ECHOTYON ngokiku melö imeghenyi.

KIRWOKÏ 1:7

Kïlö Adonipesek, “Köghokwanïn ye nyu Tororöt kïgh nyo kyoghchan pöytoghï 70 cho kikïdïng morikwa cho echön cho pö ewun nko cho pö kelyön cho kikwöghöy rarakan cho kichïntegho mesenyan.” Atolapay kemït nyinte kutang Yerusalem, kïmeghchï wöloni.

KIYITUT 32:23

Wölo ato maghakwanye lenyoni, kïkaghakwa ngokï ompö tawu ECHOTYON, onkïtï nyu lö, ngongtenekwa ngokikwo nyo motïny.

TOWUNÖT 41:9

Atolapay kïlenchï chichay wowö tïkwïn cho kïgheghöy Parao, “Kananan asisete lelutkachu!

YEREMIA 4:18

“Kechumchinyi choni löwïr, we Yuda, kïrïp kegh nko otöptöngu nko ighisyewutköku. Nka nyoni nyarïl nyo ngwan nyo itunyi, ngwan nyo ilïmchinenyi mïkulögh ori.”

TOWUNÖT 45:3

Kïlenchï Yosep werkökwa, “Ochan Yosep, tökïsöpöy papo nya?” Wölo kimemïnye werkökwa tökuyokyï ngölyon ompöwölo kiwöghisyö ompö tawunyi.

TOWUNÖT 50:15

Nyini kisïwa werko ompö Yosep lö kima papongwa kïlö, “Muköy Yosep ntökureyecha akutökwecha ghöyityonay kikighchï nyinte.”

TOWUNÖT 44:16

Kïlö Yuda, “Kïmwowucha ne nyi nya echotyontenyu? Akengölonecha kelentöy ne? Anta kïtisocha lö ne? Kikuporï Tororöt ngoki mötworiku. Rosa nyu mökakelïkuchanye sekeyköku, acha nko nyinte nyini kanyorchï mpalaw mïlenyi.”