TOWUNÖT 31:41 - PIPÏLIA

⁴¹ Rose köny könyiswechete le tömönut odeny kyotöpan kongu, lö kyopöghisyewunyi könyis taman nko angwan ompö tipiku chï le odeny, ayakwïyunyi kechir ompö könyiswe walaka cho le mut nko akonga, akwanyï kiwechinyi iwaghak ropïyenichan cho pö arawa kïnyïl taman.

TOWUNÖT 31:41 Referans Kwoze

TOWUNÖT 31:7

akwanyï kalïsanïn paponkwa akïwaghach ropïyenichan cho pö arawa kïnyïl taman, wölo kimöchömchïnye Tororöt kwighwanïn nyo gha.

2 KORINTO 11:26

Kyomitan tapan kïnomnyö nyo pö puser pö lalwatïn nko tapanpa chelölos nko nyo pö piköchan pipö Yaudi nko nyo pö pipö punton. Kyosïkan tapan kanastin nko wölo le surkwen nko wölo le nanam, anyorunö tapan kongot cho le putï!

1 KORINTO 15:10

Wölo kalïkwan le wölo alatan ompö pöropcho Tororöt, amelö kikonanïn nyinte poropchenyi kwïle, wölo kyopöghisyan tya kïtïl chi anka tïkwïl ompö chane löwïr wölo melö ani, wölo pöropcho Tororöt nyo pöghisïyi nko ani.

TOWUNÖT 31:38

Kyotöpan nko nyi könyis tömönut odeny akïtomöcha kïtorï kechiryeku nko neköku akïtomönye aman mökolko kyakiku.

TOWUNÖT 27:44

Aiwö itöpö wöloni nko nyinte osis cho ngörï ntökïtenö kuwonyö ngwonïnto werïnkwa.

TOWUNÖT 29:15

Atolapay kïlenchï Lapan Yakopo, “Mömïchininye pöghisyewaninyi kwïle ompöwölo kïchicha tïlyay. Mwowante köny lö ne machatengu?”

TOWUNÖT 30:28

Mwowante ghosyengu nyo otïngön tokonïn.”

TOWUNÖT 31:40

Kyotöpan lenyoni, kyowongunan asis pöghet awongunö kaghïtan oghö, ntökimamukanye ompö ntorï nyonikïny.

TOWUNÖT 32:4

akuyomis pïchay lö, “Opetekwa olenchini echotyontenyan Esau. Kölö mötworintengu Yakopo, ‘Kotöpan ompö tontön ompö ka Lapan ntökïtenö otï le ye.

TOWUNÖT 31:6

Ankïtökwa lö, kyopöghisyechan paponkwa ompö owesyenyu tïkwïl