TOWUNÖT 30:27 - PIPÏLIA

²⁷ Wölo kïlenchï Lapan, “Ato isïwenyi lö karam ompö nyi, itöpö. Onkïtön nyo le ani lö kikïchamanïn ECHOTYON akwompö nyi.

TOWUNÖT 30:27 Referans Kwoze

IGHISYEWUT 7:10

Kïgheta Tororöt nyinte kömpölelutkachi löwïr akutö ngöghomnyö nko tokoch nyo karam ompö tawu Parao, pöytoghinto Misri. Kïlenyona kwigh Parao nyinte kïlïkwï yetïn pö Misri nko konyi kïmïkul.

ISAYA 61:9

Ororitu piko arengwa ompö pipö koros, akunkïtu chi anka tïkwïl nyo sïwïyi lö, pich chane cho kakusoyön ECHOTYON.”

RUS 2:13

Atolapay kïlö Rus, “Kechamaninyi we echotyontenyu, ompöwölo kesaghsaghaninyi aingölonchï cheptöngu nyo karam nko melö kochan akonga nyo pö tipichï pöghisyewunyi.”

TOWUNÖT 26:24

Kungwïnchï ECHOTYON oghononi akïlenchï, “Ochan Tororöt pö papongu Apraam. Mewöghisyö ompöwölo omitan nko nyi, operurinyi, tösunyi piko yiyengu kïchangit ompö paraku mötworintenyan Apraam.”

WUWÖT 3:21

“Oghan pipö Misri kïcham pïchï. Akï otinö opetekwa, mapa kwïle.

TOWUNÖT 12:3

Osoyönan pich cho soyöninyi, wölo ochïpan chi nyo chïpinyi akesoyönöy pipö ngwïny kïmïkul ompö nyi.”

TOWUNÖT 47:25

Kïlenchï pich Yosep, “Kesörunyi söponwecha nyoman, chama kelïkunacha mötwori Parao.”

TOWUNÖT 33:15

Kïlenyona kïlö Esau, “Kwoto lenyona, kïne mopïsunyi piköchan walaka cho mi nko ani.” Wölo kuyokyï Yakopo lö, “Ompö ne teghanyi lenyoni? Chömwante echotyontenyu lenyini kosominyi.”

TOWUNÖT 30:30

Kitïngetenyi kyak cho ngörï atanye kitomönye atwan, wölo kïtösisyö kyakiku kïchangit kïngeta atakinye kyatwan akusoyöninyi ECHOTYON ompö wop anka tïkwïl nyo kyowan. Wölo lïku nyu oyï ato owetan opöghisyechini piko konyu?”

TOWUNÖT 18:3

“Echotkachu, kaykay matïl kato mötworintengwo ato kaghan kïgh nyo kachamakwa.

DANIEL 1:9

Kwigh Tororöt Aspenas kïcham kusyonchï Daniel.

1 PÖYTOGHÏ 11:19

Kichomnyeghö Parao Adad ntökuyilchï orötanyi nyo mïnïng ompö Tapenes.

KIYITUT 11:15

Ato ighwaninyi le nyï, iparanïn pat, ompöwölo mochömanye osïwïyi ngal cho lata chï.”

TOWUNÖT 34:11

Atolapay kïlenchï Syekem papoto Dina nko werkökwa, “Kaykay achama kïgh nyo kaghan, tö ato mi kïgh nyo omwowanïkwa, omukan oghöy.

ISAYA 65:8

Mwoghöy ECHOTYON lö, “Möminye chi nyo nyoröy sapipun, wölo ighöy kïlïkwï dipay.* Kïlenyoni tïkwïl ompö ani. Monyoranye pikachu löwïr. Osörunan cho pöghisyewanïn.

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

TUMWÖY 1:3

Lata nyinte ket nyo kapita champilwa nyo mi pögh, nyo yinu akwa ompö osiswechi amelö yomot sökechi, perurote kïgh anka tïkwïl nyo ighöy nyinte.

NEEMIA 2:5

alenchan pöytoghin, “Ato ichömenyi, we pöytoghin akï ato konyorwan chömchin ompö tawungu, ikany owan atang koro Yuda wölo mi kanasyanta nyo mi mötöwöyi papotïnechan, atowan atek ngat.”

NEEMIA 1:11

Echotyon iterwante sowutkachu nko cho pö mötworiku cho chömo kegh kaynengu akïkonyïtinyi. Aingarakante kusyonchanïn pöytoghintö.” Kyochan nyu chi nyo kyopchini pöytoghin dipay.*

1 SAMWEL 16:22

Kuyoktö kut Saulö wölo mi Yese akïlenchï, “Nya kwighwanïn Daudi ighisyö, ompöwölo kegh nyinte kïgh nyo kachaman.”

KIYITUT 11:11

akïlenchï ECHOTYON, “Ompö ne teghwaninyi nyo gha le nyï? Akwompö ne tömonyorwan chömchin ompö wölo iminyi? Ompö ne tetönaninyi nïkisyo pïchï löwïr.

TOWUNÖT 44:5

Melö so mpalawunete nyo gheghsyegho, akïngorsyegho echotyontenyan? Kaghakwa nyo gha tya.”

2 SAMWEL 6:11

Kïtöpö Santuku Muma kö pö Oped Edom chi pö Kit ompö aro sömök, kusoyön ECHOTYON nyinte nko katanyi.