TOWUNÖT 27:38 - PIPÏLIA

³⁸ Kïlenchï Esau kwanta, “Nyo metïngetenönyinye kisoyönöt nyo le ompö akonga so papo? Soyönante tïkwïl, we paponyu!” Atolapay kutegh Esau akïrir.

TOWUNÖT 27:38 Referans Kwoze

EPRANIA 12:17

Ato mi lötï otini kilentöy tonyorï ngat kisoyönötonay kile nyenyi, ketagha, ompöwölo kimökïsïchnye pöroyïn nyo kiköteghö, kïrkegh kimar ntökïtörengu lok.

TOWUNÖT 27:34

Nyini kilïm Esau ngaleko kwanta, kïloch ompö ngwonïn nyo wow akïlenchï kwanta, “Soyönante tïkwïl, we papo!”

ISAYA 65:14

Tumöy chane ompö ngörekyö, wölo orirsokwa ompö nyarïl.

TOWUNÖT 49:28

Chete löwïr kï ortïn taman nko odeny cho pö Israel akï chete cho kimwochï kwanta chane otini kisoyönisïyi. Kisoyön chi kïrïp kegh nko kisoyönut cho kimwochini nyinte.

TOWUNÖT 27:36

Kïlö Esau, “Kikïmïnchï kaynenyi kuten lö Yakopo! Ompöwölo kalïsanïn ye kïnyïl odeny. Kisarenanïn wowïnto yiyenyu, akwanyï ye kasarenanïn kisoyönötenyan.” Atolapay kïlenchï, “Metukwanïnyinye kisoyönote nyo le kite?”

1 SAMWEL 11:4

Nyini kit pïchay Kipea koro Saulö, kïmwatïta ngalechay, kuteghyö pich akïriryö.