TOWUNÖT 26:7 - PIPÏLIA

⁷ Nyini kitep piko wöloni ngaleko korkenyi, kïsöwintönchï nyinte lö ki cheptöngwa, ompöwölo kiwagh lö ato amwagh lö, ki korkenyi kitöptoy kipöröy pich nyinte tökwip Repeka, ompöwölo ki pïchigh Repeka.

TOWUNÖT 26:7 Referans Kwoze

NGÖTÏNYÖ 29:25

Ipu ngöghöp kiwaghata nyo kiwöghöy chi wölo mi ato tïghume chi nyo twoytoy kegh ECHOTYON.

TOWUNÖT 20:2

Akwotini kimi wölini, kïmwochï pich Apraam lö ki cheptöngwa Sara nyini kile korkenyi. Kïlenyona, kwip Apimelek nyo kile pöytoghinto Kerar.

TOWUNÖT 12:13

Kïlenyona imwochï chane lö, ichinyi cheptöncha tökïpïstanïn akwighwanïn nyo karam ompö nyi.”

TOWUNÖT 24:16

Ki työ nyo pïchigh nyoman, nyo kile chepkïltït. Kïröytö kö pö pögh, kunyïghit kösïmenyi akïpusï.

KOLOSAY 3:9

Momwochï kegh ngala putintön, ompöwölo kyangwïstekwa otöp nyo kipö köny nko ighisyewutkachi,

EPESO 5:25

Achama mïrön korukwo, le wölo kichamta Kristo kanisa, akutötö söpontanyi kutö kanisa.

MATAYO 10:28

Amawagh chane cho pöröy por akïmemuköcha ntökïtïgh söpontö, wölo awagha Tororöt nyo muköy kuwuröy por nko söpontö ompö mapa kokay.

TOWUNÖT 20:5

Melö Apraam so nyo kimwa lö cheptöngwa nyinte? Akïmwa korkenyi tïkwïl ngat lö werïngwa nyinte? Kaghan ngölyontonete ompö mïkulögh nyo puryö sïmnyontön, puryö kïgh nyo kalelan.”

TOWUNÖT 12:11

Otini kirich kïlït koro Misri, kïlenchï korkenyi Saray, “Anyï ichinyi korka nyo pïchigh.

TOWUNÖT 20:11

Kuyokyï Apraam lö, “Kaghan lenyoni ompöwölo kolentan puryö chi nyo woghöy Tororöt ompö wölete, akolentan ngat töptoy opöranïkwa atachenga korkenyan.

TOWUNÖT 26:6

Kïlenyona kïmang Isak wölnö le Kerar.

TOWUNÖT 26:8

Kikany kïtöpö wölini osis cho chang, kïtopönteghö tïrisya Apimelek nyo kile pöytoghinto pipö Pilisti, kïsïwa lö pirönöy Isak nko korkenyi Repeka.

TOWUNÖT 29:17

Kimelö kikaramach konyi Lea, wölo ki karam por pö Rael aki pïchigh tokochunyi.

TOWUNÖT 12:15

Nyini kisïwa opisatina Parao Saray wölini kipïchigh kïlïkwï, kïpa kïmwochï Parao, kemït kamanay wölini le kö pö Parao.