18 Soyönöy kegh asïyech pipö punton cho pö ngwïny kïmïkul, ompöwölo keteranyi kutinyan.”
Ochikwa monïngo werkoy apoyekwa muma* nyo kyam Tororöt nko papotïnekwa. Le ato kimwochï Apraam lö, ‘Osoyönan pipö ngwïny kïmïkul kuwerï yiyengu.’
Osoyönan pich cho soyöninyi, wölo ochïpan chi nyo chïpinyi akesoyönöy pipö ngwïny kïmïkul ompö nyi.”
Kimwochï nyu Tororöt kiyomisutkachi Apraam nko yiyenyi. Melö mwoghöy Kikirut “yiyutkachi,” le ato kösïgh cho chang, wölo lentöy “yiyenyi,” nyo poru chi akonga, nyoni kï Kristo.
Wölo kyomwochan chane lö, ‘Atera kutinyan talïkwan Tororötïnkwa, alïkukwa piköchan, arïp ngalechï löwïr omwowokwa atonyorunö pöghisyö nyo karam.’
Akwanyï lïku nyinte pipö punton akonga nyo wow nyo awes akeperuröy pipö punton cho pö ngwïny kïmïkul ompö nyinte.
Nya kïsala Tororöt Papoto Echotyontenyo Yeso Kristo! Nyo kisoyönech kenyorunö kisoyönöt anka tïkwïl nyo pö mïkulögh ompö möngot nyo mi yïm kuweri.
Nya kenan kaynata pöytoghin kokay nko ororyenyi le asis. Nya kusoyönisyö puntonï löwïr ompö nyinte. Nya kekurö nyo soyönote.
Ngölono Loköyechï Wero Tororöt akï Echotyontenyo Yeso Kristo nyo kikïyï ompö ara Daudi.
Ompöwölo ntökitwoytoy kegh ropöwonto Tororöt kirurut, kitömelö kitötökutwoytoy kegh ngat kiyomisötenyi. Wölo ki ompö kiyomisötenyi nyo kigh Tororöt kutö Apraam ropöwontononi.
Lentöy ECHOTYON Tororöt pö Israel, ‘Nyoman oyomisön lö pöghisyeghwanïn kongu nko koto papongu kokay.’ Wölo ye nyu kölö ECHOTYON, ‘Mökumukonye lenyoni, ompöwölo okonyïtan chona konyïtanïn, kïkany chane cho sösanïn, osösan chane.
Kughïtö Apraam ewunyi kïnam rotwö kïmach kïpar werïnyi.
Kïnget Apraam nyini le kiwasan, akukorkorchï menyon sïkïryenyi patagh tökïlany akumït karachïna odeny kïpa nko nyinte, kumït werïnyi Isak kïwö tïkwïl nko chane, kwilotö kwen cho kimököy kïpelo amöros atolapay kutor kïpa kutang wölo kikuporchï Tororöt.
Nyï kï kitapu tötut pö ara yiyo Yeso Kristo nyo kipö ara Daudi nyo pö ara Apraam.
Ompöwölo onkïtön lö sötöy nyinte monechi nko piko konyi cho rïpu nyinte kïrïp arenyan, akwigh man, atamukan otö Apraam kiyomisutköchan.”
Chongitu asïyech piko yiyengu le terïtyo ngwïny, aighömunyi woptin löwïr, wölnö le ta nko kongasis nko wölnö ketang okumpö löt nko wölnö ketang okumpö tagh, akeperuröy pipö ngwïny kïmïkul ompö nyi nko ompö piko yiyengu.
akwato awalwalakwa ompö man olentöy, ‘Le ato söpöy ECHOTYON,’ kïnyoru nyu pipö koros, kisoyönöt nko ororyö ompö ani.”
Oghinyi lïkune pipö kor akonga cho chang tya. Osoyöninyi aghinyi rumtenö lasiny atelïkuna kisoyönöt.
Kwigh Musa nko Aron kïgh nyo kimwochï ECHOTYON.