TOWUNÖT 20:3 - PIPÏLIA

³ Wölo kungwïn Tororöt wölo mi Apimelek ompö kirwotïtogh akïlenchï, “Ichinyi mïntïrïch ompöwölo kechenganyi kokonï, akï koko chi nyinte.”

TOWUNÖT 20:3 Referans Kwoze

MATAYO 27:19

Akwotini kitökïtöpo Pilato ngacharu kirwok, kïyonta korkenyi ngölyon nyo kilenchï, “Meda kïgh chichona pö man, ompöwölo komighön nyoman amwa ompö kirwotïtogh ompö nyinte.”

TOWUNÖT 20:7

Kïlenyona ye nyu, yodena nyinte kïwö wölo mi santenyi, werkoyon chichoni nyo muköy kïsoghunyi tömemegh. Wölo ato meyodenyinye, inkïtï lö imeghenyi nyo mötïny nko piköku löwïr.”

TUMWÖY 105:14

Wölo melö kipïsyï Tororöt chane kepïr, kikarta chane akï chil pöytoghichoni lö,

AYUPU 33:15

Ompö kirwotïtogh, ompö sïwïyaghpa oghö otini kenam pich rïwönto chö otini kinukyö chane ompö pöröyuskökwa

MATAYO 1:20

Wölo otini kitökïmi kunonsïyi, kungwïnchï nyinte malaykayanta Echotyon ompö kirwotïtogh akïlenchï, “Yosep, wero Daudi, mewagh ip korkengu Marya, ompöwölo kömirsyö nyinte monïng ompö owesyo Mïkulögh nyo Tïlil.

TOWUNÖT 28:12

Kurwotïtö, kïsïwa ompö kirwotïtoghoni lontöwon nyo kikigh kughyongö ngwïny akwitïta waltanyi yïm akimito malaykeni Tororöt kïlongöy akïrökuno lontöwontonay.

YONA 3:4

Kiwestö nyu Yona ompö kanasyantanay asis akonga kwimön kuta Yona akïmwochï pich lö, “Köngötï osiswö cho le tömönut angwan kenyar Ninawi.”

TOWUNÖT 40:8

Kuyokyï lö, “Ompöwölo kakirwotïtecha amelö mito chi nyo muköy kuporu waghakatenyi.” Kïlenchï Yosep, “Melö Tororöt so nyo wöghöku kirwotïtogh? Omwowune köny ngalechoni korwotïtekwa.”

TOWUNÖT 37:9

Atolapay kurwotïtö ngat kirwotïtoghtö anka nyo kilenchï werkökwa, “Atere kirwotïtoghtö anka nyo korwotïtan. Korwotïtan asïwan asis nko arawa nko kokel cho le taman nko akonga cho kimi kïkïtïngchinanïn.”

TOWUNÖT 37:5

Kïwechï Yosep kurwotïtö oghe anka, kïkany kïlö omwochini werkökwa ngalechoni pö kirwotïtogh, kïtosisyö kïnörekyï nyinte tya.

TOWUNÖT 31:24

Wölo kungwïnchï Tororöt Lapan oghononi ompö kirwotïtogh akïlenchï, “Irip kegh, memwochï Yakopo ngölyon nyo karam anta nyo gha.”

TOWUNÖT 12:17

Wölo kunyaril ECHOTYON Parao nko konyi kïmïkul ompö Saray nyo kile koko Apram.

TOWUNÖT 12:18

Kïkur nyu Parao Apram akïlenchï, “Ne kitö nyï keghwaninyi? Kölö ne tömemwowaninyi lö korkengu Saray?

KIYITUT 22:9

Kungwïn Tororöt wölo mi Palaam akïtep lö, “Ngo pïchï mi nko nyi?”

1 OTÖPTINO OSIS 16:21

Wölo möchömchïnye ECHOTYON chi kïpïr chane kisyölchï pöytoghï atömöswany chane,

TOWUNÖT 40:5

Kurwotïtö pïchay kwodeny oghö akonga, chichanya kiripöy tïkwïn cho kïgheghöy nko nyanya kiripöy omisyewut pö pöytoghinto Misri ompö wölini le chela. Kitïng kirwotïtogh anka tïkwïl waghakatenyi nyo sis.

TOWUNÖT 46:2

Akïngölonchï Tororöt Israel ompö sïwïyagh oghö, akïlenchï, “Yakopo, Yakopo.” Kïngitön lö, “Ooy.”

AYUPU 33:17

atömanyïl kïwaghach chi kïpïstö ighisyenyi nyo gha akulowitö nyinte menotön.