TOWUNÖT 20:17 - PIPÏLIA

¹⁷ Atolapay kïsagh Apraam Tororöt kusop Apimelek nko korkenyi nko tipichi cho pö pöghisyö lapay, kïsïch chane monïng.

TOWUNÖT 20:17 Referans Kwoze

YAKOPO 5:16

Kïlenyona nyu, ongonchinö kegh ngokikwo akwane, asoghchï kegh atökesopok. Tïngeto saghata chi pö man owesyö nyo ighöy tïkwïn cho chang.

PILIPI 4:6

Mosusenö kegh kïgh anka tïkwïl, wölo otönö kïgh anka tïkwïl sowut, opchinö Tororöt lokekwo atö sörö amwochï nyinte möchut kökwa.

1 TESALONIKE 5:25

Osoghwecha, tupchenicho.

MATAYO 21:22

Akwoto oghönekwa, osïkekwa kïgh anka tïkwïl nyo osomekwa ompö saghat.”

MATAYO 7:7

“Osomö tökekonok, ayara tonyorunö, okonykonyö, tökeyotwok kukat.

ISAYA 45:11

Lentöy ECHOTYON, Tororöt pö Israel nyo Tïlil Ighintenyi, nyo sötöy osis cho tökïpkonöy, “Motïngkwanye man atepanïn kïgh paraku monechan, anta omwowanïn kïgh nyo mïchini aghan!

NGÖTÏNYÖ 15:8

Ghöchini ECHOTYON amöros pö mwokïyon wölo ngörökyini saghata pich cho tïlilöch.

ESRA 6:10

Tökutötö amörostin cho chömöy Tororöt pö yïm, akïsoghchï pöytoghin nko werkachi.

TOWUNÖT 29:31

Otini kisïwa ECHOTYON lö kikïwök Lea, kutö nyinte kimukat nyo pö yiyo monïng, wölo kïlïkwï Rael sonö.

TOWUNÖT 20:7

Kïlenyona ye nyu, yodena nyinte kïwö wölo mi santenyi, werkoyon chichoni nyo muköy kïsoghunyi tömemegh. Wölo ato meyodenyinye, inkïtï lö imeghenyi nyo mötïny nko piköku löwïr.”

IGHISYEWUT 3:24

“Kimwowï werkoy tïkwïl ompö kut akonga ngala osiswechete, kïngeta werkoyon Samwel nko werkoy walaka cho kirïpï.

NGÖTÏNYÖ 15:29

Low ECHOTYON ompöwölo mi mwokïyis, wölo lïmöy nyinte sowut pö pipö man.

KIYITUT 12:13

Kïlokyï Musa ECHOTYON lö, “Osoghinyi, we Tororöt lö, sopö nyinte.”

KIYITUT 21:7

Kïpka pich wölo mi Musa akïlenchï, “Kakighacha ngokï otï kakïngalanecha ECHOTYON nyo gha nko nyi, sagha ECHOTYON atökïchengenecha moroyut chï.” Kïsagh nyu Musa ECHOTYON ompö pich.

AYUPU 42:8

Kïlenyona, aranga ye nyu eghin mut nko odeny nko mökol mut nko odeny apa wölo mi mötworintenyan Ayupu aropta ropöw cho kïpelöy lömïs, atökïsoghwokwa mötworintenyan Ayupu, ompöwölo ochömchinan nyinte sowutkachi, tömaghwakwa kïrïp kegh nko sölwontönenkwa, ompöwölo kimamwaghakwanye ngal cho pö man ompö ani, le wölo kimwayta mötworintenyan Ayupu.”

TOWUNÖT 12:17

Wölo kunyaril ECHOTYON Parao nko konyi kïmïkul ompö Saray nyo kile koko Apram.