TOWUNÖT 18:23 - PIPÏLIA

²³ Atolapay kunayta Apraam wölo mi ECHOTYON akïtep lö, “Inyorenyi nyoman pich cho pö man nko mwokïyis?

TOWUNÖT 18:23 Referans Kwoze

KIYITUT 16:22

Kïkïtïng Musa nko Aron akïlö, “We Tororöt, ichinyi Tororöt nyo pö söpon, ato igh chi akong ngokï, inörekyinyi pich löwïr?”

2 SAMWEL 24:17

Kïsïwa Daudi malaykayan nyo kipöroy pich, kïlenchï ECHOTYON, “Kaghan ngokï akaghan ghöyityö, wölo ne kitö nyo gha nyo kegh pïchï le pörop? Nya kïlïkwï nyinyan site nko katanyan.”

TOWUNÖT 20:4

Wölo melö kökinyorï Apimelek Sara, kïlenyona kïlö Apimelek, “Echotyon, ipörenyi so pich cho puryö lelut?

EPRANIA 10:22

Akanya nyu kerika wölo mi Tororöt ompö mïkulögh nyo pö man nyo tïng kighanat nyo mötïngnye tomtomönöt. Kaketïlilwecha mïkulisköcho kïngetunö sïkunöt nyo gha akemwata porwöyicha pögh cho tïlilöch.

AYUPU 34:17

Muköy chi nyo sösöy man kïpayta? Imukenyi rwokyine nyinte nyo pö man akwawes?

TOWUNÖT 18:25

Megh kïgh nyo lata nyoni! Mepar pich cho karamach nko cho ghach. Kikongityot chi nyo karam nko mwokïyon! Ewo, megh lenyoni! Meghönye so man kirwokinto ngwïny kïmïkul?”

YEREMIA 30:21

Ngwïno pöytoghintengwa kwenungwa akungwïno kintöghoghintengwa kwenungwa. Muköy pöytoghintengwa nyoni kïrikanïn otini kokurön lö nyonö ompöwölo ngo chi nyo lentöy orikanïn ompö owesyenyi kegh?” Mwoghöy ECHOTYON.

TUMWÖY 73:28

Wölo nyo le ani, mïchinanïn olekïtitwan nko Tororöt. Oghïponan ECHOTYON Tororöt. Omwotïtonan ngal löwïr cho kigh nyinte. Tum pö Asap.

AYUPU 8:3

Ilentenyi so kwötöy Tororöt man? Inonenyi lö mi ato meghönye Kimuktoghin man?

YAKOPO 5:17

Ki chi Eliya nyo karkegh nko acha, kukil kegh kisagh Tororöt kïkar rop maropan. Kupech korononi könyis sömök nko aro mut nko akonga.

YAKOPO 5:16

Kïlenyona nyu, ongonchinö kegh ngokikwo akwane, asoghchï kegh atökesopok. Tïngeto saghata chi pö man owesyö nyo ighöy tïkwïn cho chang.

TOWUNÖT 18:24

Töptoy ana mi pich cho karamach cho le tömönut mut kanasyantanoni, inyorenyi kanasyantanoni kïmïkul? Mepïstonyinye kanasyantanoni ompö pïchoni le tömönut mut pö man mi wöloni?

WUWÖT 23:7

Anategha kegh ompö ngala putintön amotïgh chi nyo mötïngnye lelut, ompöwölo moyityinanye man chi nyo gha.