TOWUNÖT 17:8 - PIPÏLIA

⁸ Okoninyi tönan moneku koronete kemitenyi imöngöy kïle chi nyo le ton koronete pö Kanan kïmïkul tökïlïkwï nyinkwa kokay atalïkwan Tororötïnkwa.”

TOWUNÖT 17:8 Referans Kwoze

LAWIN 26:12

Owesteghonan kwenunkwa alïkwan Tororötïnkwa alïkukwa piköchan.

TUMWÖY 105:11

Kimwa lö, “Okonokwa koro Kanan kïlïkwï nyinkwa nyo omïlöy.”

WUWÖT 6:7

Oghekwa alïkuna piköchan alïkwan Tororötïnkwa, tonkïtunökwa lö ochan ECHOTYON Tororötïnkwa nyo kyamïtunenekwa sekeynön ompö koro Misri.

TOWUNÖT 12:7

Kuchumchï ECHOTYON Apram akïlenchï, “Otöninan moneku koronete.” Atolapay kïtekyï Apram ECHOTYON ato kïpelo amöros.

KINONO KIRURUT 29:13

atökwighakwa nyinte ye alïkuna pikachi akïlïkwï nyinte Tororötïnkwa kïle wölanye kimwochï papotïnekwa Apraam nko Isak nko Yakopo.

KINONO KIRURUT 26:18

Kachamakwa ECHOTYON asisete alïkuna pikachi kegh, kïle atakinye kiyomisokwa nyinte, akwanyï ye omisokwa nyinte oripö kirurutkachi löwïr.

KINONO KIRURUT 14:2

Ochikwa pich cho tïlilöch ompö ECHOTYON Tororötïngwo cho kikïngotokwa nyinte akakïlakwa ECHOTYON alïkuna pikachi kegh ompö kwenu puntoni walaka löwïr ompö ngwïny.

TOWUNÖT 13:15

Okoninyi nko moneku koronete kïlïkwï nyengu kokay.

TUMWÖY 105:9

Ripöy mumenyi nyo kyam nko Apraam nko kiwalwalatenyi ompö Isak.

KINONO KIRURUT 4:37

Akwompöwölo kicham nyinte papotïnekwa akïkïlakwa atolapay kumïtunenokwa koro Misri ompö owesyö nyo wow.

TOWUNÖT 28:4

Nya kïkoninyi nko moneku perur nyo lata nyay kitö Apraam atemïlanyi koronete imitenyi iwestegho kïle ato ichinyi ton, koronini kitö Tororöt Apraam!”

TOWUNÖT 13:17

Wïyö westeghenö ngwïny kïmïkul, wölini le köghïntö nko töpesïntö, ompöwölo okoninyi.”

2 SAMWEL 23:5

“Soyönöy Tororöt konyan, ompöwölo kyam nyinte muma* nyo pö kokay nko ani, nyo kikïtat amöwöghökonye. Ighöy nyinte sörunötenyan nko machatenyan kïtasa.

KINONO KIRURUT 32:8

Kitö nyo Töror Tya punton koroswekwa, otini kichaghachagh chane, akichöghchï rotyotïnekwa Kïrïp kegh nko werpö Tororöt.

KIYITUT 25:13

nyinte nko monechi cho töpkonöy, lïku chane Tïsï kokay, ompöwölo kitagh pung pö Tororöt akwigh kelöstoghchï pipö Israel lelutkökwa.’ ”

WUWÖT 40:15

aiyil chane le ato kiyilanyi papongwa atökïpöghisyeghwanïn le tïsï. Ighöy chane kiyilatanoni kïlïkwï tïsï cho pö kokay ompö pïnwöyikwa löwïr.”

TOWUNÖT 48:4

akïlenchanïn, ‘Rosa, okoninyi yiyöt akïpöroyit katangu aghinyi lïkuna söpïch pö pich atöninan koronï moneku cho pkonöy lötungu kïlïkwï nyingwa kokay.’

TOWUNÖT 23:4

“Ochan rutoghin nyo owestegho kwenunkwa. Oltewante par kite ompö korenkwa otïpchan korkenyu.”

EPRANIA 9:15

Ompö atoni nyu Kristo nyo le kilinyoghinto muma nyo rel atökumï pich cho kikur Tororöt kïsïch kisoyönöt nyo pö kokay. Nyoru chane kisoyönötononi ompöwölo kima Kristo atökïsörunö pich ngokikwa cho kigh otini kitökïmi chane ngwïnyi mumanay pö köny.

TUMWÖY 103:17

Wölo mi chomnyo ECHOTYON kokay nko pich cho wöghöy nyinte kïnomnyö akïmi köromnyenyi nko pïnwöy löwïr,

LAWIN 16:34

Lïku nyete kirurut nyo pö kokay ompö akwa nyo kitïsokwa kïnyïl akonga ompö köny ompö ngokikwa löwïr.” Kwigh Musa lenyini kimwochï ECHOTYON nyinte.

WUWÖT 21:6

kumïtu nyu echotyontenyi wölo kïsogho akïkany kughyongö kukat anta ket pö kukat akïrït yitïnyi. Lïku nyu mötworintenyi kokay.

IGHISYEWUT 7:5

Akimetönye Tororöt Apram kïmïl korononi, ompö nyo le kite. Wölo kiyomis lö, otöni astanka nyinte korononi kïlïkwï nyenyi nko monechi, kïrkegh kimötïngnye monïng.

NGONGUT 21:7

Anka tïkwïl nyo rïntoy otöninan tïkuchete löwïr, alïkunan Tororötïnyi, kïlïkwï nyinte montönyan.

TOWUNÖT 26:24

Kungwïnchï ECHOTYON oghononi akïlenchï, “Ochan Tororöt pö papongu Apraam. Mewöghisyö ompöwölo omitan nko nyi, operurinyi, tösunyi piko yiyengu kïchangit ompö paraku mötworintenyan Apraam.”

TOWUNÖT 36:7

Ompöwölo kökichangit tïkukwa tya nyo melö kitö kumuköy chane kïmang wop akonga. Kimelö kitö kumuköy korengwa nyini kimöngöy kutö chane pöroyïn kïmang tïkwïl, ompöwölo ki chang tukakwa.

TOWUNÖT 37:1

Kïtas tagh Yakopo kïmang koronay pö Kanan kimi kwanta kïmöngöy kïle ton.

WUWÖT 13:11

“Otini kemïtekwa ECHOTYON ntat koro Kanan, lenyini kiwolwolwokwa nko papotïnekwa lö, okonokwa,

WUWÖT 29:45

Otöponan kwenu pipö Israel alïkunan Tororötïngwa.

WUWÖT 32:13

Nana mötworiku ompö Apraam nko Isak nko Yakopo cho kiwolwolchinyi chane lö, ‘Otösan yiyenkwa kïchangit le kokelya yïm akï otönan koronini kïmïkul koyomiswokwa yiyenkwa akïmïlöy chane kokay.’ ”

KINONO KIRURUT 9:5

Melö ompö mantankwa anta ompö otöptönkwa nyo karam, nyo ighöy ECHOTYON kïkonokwa korengwa wölo kayon nyinte chane ompö ghöyityengwa. Atö kumï ngat kukïniniö ngölyontenyi nyo kiwolwolchï papotïnekwa ompö Apraam nko Isak nko Yakopo.

YEREMIA 25:5

Kipkonöy werkoychoni kïmwowokwa lö, ‘Pïstenö chi anka tïkwïl orengu nyo gha nko ighisyewut cho ghach. Ato aghakwa lenyoni, omöngekwa koronï kikonokwa ECHOTYON nko papotïnekwa kingeta kösnyisyok.

YEREMIA 31:1

Lentöy ECHOTYON, “Ompö osiswechoni, konyïtanïn kestoni pipö Israel löwïr lö ochan Tororötïngwa akïlïkwï chane piköchan.”

TOWUNÖT 35:27

Kïwö Yakopo Mamre wölo kimi kwanta Isak atolekïtö kanasyanta Kiryatarpa, nyoni kï Epron, kor nyo kimang Apraam nko Isak kïle pich cho le to.

WUWÖT 6:4

Kyaman muma* nko chane lö, otöninan koro Kanan, kor nyo kimöngöy chane le pïnot.

LAWIN 14:34

“Nyini katakwa koro Kanan nyo kyokonokwa amïla atönön rirïm ko ompö korononi,

KIYITUT 10:29

Kïlenchï Musa Opap orötanyi wero Yetro nyaya pö Midyan, “Kïpetecha ye ketöngöy kor nyo kimwa ECHOTYON lö, okonecha. Kiyomis nyinte lö, oghwecha nyo karam, kepe tïkwïl atökechagha köromnyononi.”

KIYITUT 27:12

Kïlenchï ECHOTYON Musa, “Pustena kutïngï pö Aparim tetopönö koroninö otönan pipö Israel.

KINONO KIRURUT 32:49

“Pustena kutïngï pö Aparim mi koro Moap nyï topönöy kegh nko Yeriko aipusta kutïng pö Nepo atetopönö korononi pö Kanan karich otönön pipö Israel.

KINONO KIRURUT 34:4

Atolapay kïlenchï ECHOTYON Musa, “Anyï koronanya kyoyomisyan Apraam nko Isak nko Yakopo lö otöninan monekwa. Kamïtunyi yete atesïwena, wölo melö ochömunyi wete wölini.”

YOSWÖ 1:2

“Kima mötworintenyan Musa, ngeta wïyö ye oghyenö lalwa Yordan, nyi nko pipö Israel atanga kor nyo otöninan chane.

1 OTÖPTINO OSIS 16:18

Kilö, “Okonokwa koro Kanan lïku nyinkwa kokay.”

ESEKEL 11:20

Atökïrïp kirurutköchan akïrïp kiyomisutköchan akïtagh kïlïkwï nyu chane piköchan alïkwan Tororötïngwa.

ESEKEL 33:24

Kïlenchanïn, “Wero chi, lentöy pïchï möngöy kïratis ompö koro Misri, ki chi akonga Apraam, akicheng kor kïtïl nyenyi, anyï ye kïchicha chang lïku nyincha korö nyo motïny.

SAKARIA 8:8

atolapay aghamïtwan kïpka kanasyanta Yerusalem. Lïku nyu chane piköchan, alïkwan Tororötïngwa. Opöytenan chane ompö kighanat nko man.”