TOWUNÖT 17:10 - PIPÏLIA

¹⁰ Mïchinokwa löwïr nko pïnwöy cho pkonöy, achama kemut monïng anka tïkwïl nyo le weri.

TOWUNÖT 17:10 Referans Kwoze

IGHISYEWUT 7:8

“Atolapay kutö Tororöt Apraam macheyu mutat atökïlïkwï macheyu muma.* Kiyï Apraam Isak akïmut asisto mut nko sömök. Kïyï Isak Yakopo, kïyï Yakopo kukötinecho chaya le taman nko odeny.

PILIPI 3:3

Ompöwölo acha cho kïtïng mutat nyo pö man, ompöwölo kïsoghecha Tororöt ompö kingörokutyeto Mïkulöwunyi akemitecha keturonchot ompö söpontönyo nyo mi Kristo* Yeso. Melö kimontonecha kegh por.

RUMI 3:30

Tororöt kï akonga akuyityini pipö Yaudi man ompö kighanatengwa akuyityï man pipö punton tïkwïl ompö kighanatencha.

YOSWÖ 5:2

Ompö atoni, kïlenchï ECHOTYON Yoswö, “Igha rotwöy cho pö senkwet aimut pipö Israel.”

TOWUNÖT 17:11

Omutekwa onte nyo mi parak, lïku nyoni machey nyo pö mumenyan nko akwa.

EPESO 2:11

Kyochikwa ato le tagh, pipö punton cho kïkurenok, “Sompen,” kïkurö kegh pipö Yaudi, “Sorngony” (poru ngalechoni tïkwïn cho kighchini chane porwöyikwa). Anane wölo kyalatekwa ato le tagh.

KALATIA 6:12

Pïchoni mököy kuporu kegh lö, kïchï karamach ompö ara por choni mököy kuchikyinokwa opete tum. Ighöy chane lenyoni ompö kïgh akonga kïpoto lö, tömökigheghchï chane ompö kimurtöwonto Kristo.

KINONO KIRURUT 30:6

Nya kïlïkwï mutatenkwa machey nyo poru wölo ochömtokwa nko monekwo ECHOTYON Tororötïngwo ataleta tagh osöpchenö.

KALATIA 3:28

Mökïminye nyu ngat sisïn kwenu chi pö Yaudi nko chi pö punton anta kwenu sekeyon nko nyo tyakate anta kwenu mïrön nko korka. Kalïkukwa löwïr kïgh akonga otini koghömekwa nko Kristo Yeso.

RUMI 3:28

Kakïsïwecha ye nyu lö kiyityini chi man ompöwölo mi Tororöt ompö ara kighanat kïpoto amelö ompöwölo karïp nyinte kirurut.

RUMI 3:25

Kiropï Tororöt nyinte atökïlïkwï meghenyi or nyo löstegho pich ngokï ompö kighanat nyo ghönöy Kristo. Kigh Tororöt kïyoni atökuporï lö pö man nyinte. Ompö mïkukönö osiswechanya pö tagh, Tororöt amökïyangnye kurwokï ngoki ptangengmöt.

RUMI 2:28

Ompöwölo molenchï kegh chi pö Yaudi nyo pö man chi nyo rumu pat ompö sany lö chi pö Yaudi, amölïkunye pat chi nyo le mïrön, chi pö Yaudi nyo pö man lö ompöwölo kikemut nyinte.

YOANA 7:22

Kiporwokwa Musa ngala mutat (kïrkegh kimelö Musa nyini kitor wölo poyikwa), omutekwa worö asispa Sapato.*

YEREMIA 4:4

Akwa pipö Yuda nko Yerusalem, otïlilö kegh ompö tawu ECHOTYON, achïrtena sïmnyon ompö mïkuliskökwo, tömanarekan ompö nörekyö nyo ngwan lakat, nyo nöghöy amemukönye chi kumis. Onörekan lenyoni akwompö ighisyewutkökwa cho ghach.”

YOSWÖ 5:4

Kïgh nyo kigh Yoswö kïmutisyö, kwompöwölo, kimeghö pich löwïr nko mïrön cho pö lïk ompö surkwen cho kipkana koro Misri.

KINONO KIRURUT 10:16

Kïlenyona, nya kïlïkwï mutatenkwa machey nyo poru wölo ochömtokwa ECHOTYON ompö mïkulöwekwa amalïkuna ngat pich cho ongeröch mötöwöy.

WUWÖT 12:48

Ato möngöy pïnotyonta nko akwa akïrip Pasaka nyo pö ECHOTYON, akany kemut nyinte nko werkachi löwïr, atökïrikwï nyinte akïrip. Lïku nyinte le nyo kakïyichï korononi. Möminye somchon nyo omöy omisyononi.

WUWÖT 4:25

Kïcheng Sipora sönkwöt nyo ngatip akïmut werïnyi, akïnyïra kelyo Musa onte akïlö, “Nyoman ichinyi pontenyan nyo mi kisön!”

TOWUNÖT 34:15

Kimukecha kechomnyenö nko akwa ato arïpakwa otöptöncha nyo mötïnye, kemutöy pich löwïr cho le mïrön ompö kwenunkwa.

TOWUNÖT 17:23

Kutuyö Apraam werïnyi Ismael nko monïng cho kikïyichï konyi cho kipö sekey nko monïng cho kyala ropïyenichi, kïmut chane lapay asis akonga kïrïp kegh nko kiyomisöto Tororöt.

TOWUNÖT 17:27

Kikïmut nyinte nko pich lapay cho kikïyichï konyi nko cho kile to cho kikyala ropïyen.

TOWUNÖT 21:4

kïkany otini kitïta Isak osis mut nko odeny, kïmut Apraam nyinte lenyini kimwa Tororöt.

TOWUNÖT 34:22

Wölo muköy pïchoni kïcham kïmang nko acha tökelïkuna pich akonga ato kïchamacha kemuta ompö kwenuncha monïng lapay cho le wor kïkarkegh nko chane.