TOWUNÖT 15:18 - PIPÏLIA

¹⁸ Kam ECHOTYON muma* nko Apram asisoni lö, “Otöninan moneku koronete kïmïkul, kïngata lalwa Misri ntökwit lalwanay wow kïkuro Yuparet.

TOWUNÖT 15:18 Referans Kwoze

TOWUNÖT 12:7

Kuchumchï ECHOTYON Apram akïlenchï, “Otöninan moneku koronete.” Atolapay kïtekyï Apram ECHOTYON ato kïpelo amöros.

TOWUNÖT 24:7

Kyomwanïn muma ECHOTYON, Tororöt nyo pö yïm, nyo kimïtwanïn ongetunö koto paponyu wölini kikïyichanïn, akïngalan nko ani akïmwa lö otöni piko yiyenyan koronete, yonu nyinte malaykayantenyi kuntöghoghunyi, atepchinönyi werïnyan korka ompö wöloni.

TOWUNÖT 13:15

Okoninyi nko moneku koronete kïlïkwï nyengu kokay.

ISAYA 27:12

Ghömïtöy ECHOTYON aisoni pikachi kwakonga akonga kïle chi nyo seröy pagh nko morïr, kïngetunö Yuparet ntökwit sörömu Misri.

NEEMIA 9:8

Ompöwölo kisïwenyi lö kighöninyi nyinte kyamanyi muma* nko nyinte lö, itöninenyi monechi koro pipö Kanan nko koro pipö Ititi nko Amori, koro pipö Peris nko Yepusi nko Kirkasyi. Kepuntenyi ye nyu kiwalwalatengu, ompöwölo ipoyenyi man.

KINONO KIRURUT 11:24

Lïku nyinkwa kore anka tïkwïl nyo otïkokwa kelyekwo. Kïngetunö koronay le surkwen ntökwitïta Lepanon akïngeta lalwa Yuparet ntökwit nanampa Kwen nyo mi okumpö ta.

KIYITUT 34:5

Atolapay kïwaghakegha Asmon kutang mpöghoghyo Misri akwit sörömunyi nanampa Kwen.

EPRANIA 13:20

Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.

YEREMIA 32:40

Oman muma* nko chane nyo pö kokay, alenchï mopïstonanye oghchï chane nyo karam kokay. Oghan chane tïkwïl kïkonyïtanïn tömakïpïstonanïn ngat.

2 OTÖPTINO OSIS 9:26

Kipayta Solomon pöytoghï löwïr kïngeta lalwa Yuparet ntökwit koro pipö Pilisti akïnam rotyo koro Misri.

KINONO KIRURUT 34:4

Atolapay kïlenchï ECHOTYON Musa, “Anyï koronanya kyoyomisyan Apraam nko Isak nko Yakopo lö otöninan monekwa. Kamïtunyi yete atesïwena, wölo melö ochömunyi wete wölini.”

WUWÖT 23:23

Ntöghoghwokwa malaykayantenyan ompö koro pipö Amori nko Ititi nko Peris nko Kanan nko Ipiti nko Yepusi, ayonan chane löwïr.

TOWUNÖT 26:4

Otösan piko yiyengu kïkarkegh nko kokelya yïm tönön chane koroswechete löwïr akeperuröy pipö punton tïkwïl ompö piko yiyengu,

1 PÖYTOGHÏ 4:21

Kipayta Solomon punton löwïr, kïngeta lalwa Yuparet ntökwit koro pipö Pilisti akïnam rotyo koro Misri. Kïkwagh surï puntonichoni löwïr akwipchï Solomon. Kigh chane lenyoni kokay otini kitökïsöpöy Solomon.

TUMWÖY 105:11

Kimwa lö, “Okonokwa koro Kanan kïlïkwï nyinkwa nyo omïlöy.”

YOSWÖ 15:4

atolapay kuwer ntökwit Asmon akïrip champilwa Misri, kïwö sörömunyi ntökwit nanampa Kwen, lïku nyoni sörömunkwa ompö ewu tagh.

KINONO KIRURUT 7:1

“Mïtokwa ECHOTYON Tororötïnkwa ntat koronini opetekwa ochengöy. Yonöy nyinte puntonichï chang. Choni kï: pipö Ititi nko Kirkasyi nko Amori nko Kanan nko Peris nko Ipiti nko Yepusi. Owesöch puntonichoni le mut nko odeny kïtïlakwa.

TOWUNÖT 50:24

Kïlenchï nyu Yosep werkökwa, “Karich ameghan, wölo tökïrutoghwokwa Tororöt akwighakwa angetena koronï ape koronay kiwolwolchï nyinte Apraam akuwolwolchï Isak nko Yakopo lö okonokwa nyo mötïny.”

TOWUNÖT 35:12

Okoninyi kor nyo kyoyomisyan Apraam nko Isak, töninan moneku tïkwïl cho tökïpïnï.”

TOWUNÖT 28:4

Nya kïkoninyi nko moneku perur nyo lata nyay kitö Apraam atemïlanyi koronete imitenyi iwestegho kïle ato ichinyi ton, koronini kitö Tororöt Apraam!”

WUWÖT 34:11

Irip kïgh nyo omwowunyi asete. Oyononan tawunkwa pipö Amori nko Kanan nko Ititi nko Peris nko Ipiti nko Yepusi.

WUWÖT 6:4

Kyaman muma* nko chane lö, otöninan koro Kanan, kor nyo kimöngöy chane le pïnot.

WUWÖT 3:8

Kïlenyona kangwïnan ngwïny atosörwan chane kïngetunö mori pipö Misri amïtan chane kïwuwö korononi kïpa kor nyo karam akï pöro. Kor nyo chang chö akï wow kumata, koro pipö Kanan nko Ititi nko Amori nko Peris nko Ipiti nko Yepusi.

1 OTÖPTINO OSIS 5:9

Kitïng chane kyak cho chang ompö koro Kiliad, kïlenyona kimang chane kore kutang okumpö kongasis ntökwit surkwen nyo kighïtö ntökwit lalwa Yuparet.

2 SAMWEL 23:5

“Soyönöy Tororöt konyan, ompöwölo kyam nyinte muma* nyo pö kokay nko ani, nyo kikïtat amöwöghökonye. Ighöy nyinte sörunötenyan nko machatenyan kïtasa.

TOWUNÖT 2:14

Kekurö lalweto sömök Tikris, kiyinta lalwanoni kutang okumpö kongasis nyo pö koro Asirya. Kekurö lalweto angwan Yuparet.

ISAYA 55:3

“Atera nyu pikachu, apkonchanïn. Apkana wölo omitan atonyorunö söpon! Ononan mumenyan nko akwa kokay, akonokwa chomnyogh nyo kyoyomisön Daudi.

2 SAMWEL 8:3

Kïrïnta tïkwïl Daudi Adadeser wero Reop, pöytoghinto Sopa, otini kirich kïnyorï paytagh kïngeta lalwa Yuparet.

IGHISYEWUT 7:5

Akimetönye Tororöt Apram kïmïl korononi, ompö nyo le kite. Wölo kiyomis lö, otöni astanka nyinte korononi kïlïkwï nyenyi nko monechi, kïrkegh kimötïngnye monïng.

NGONGUT 9:14

Kimwochï malaykayan nyo pö mut nko akonga nyo kitïng kontï lö, “Tyaka malaykenichona le angwan kikïrötyï lalwa Yuparet!”

WUWÖT 6:8

Omïtokwa kor nyo kyawalwalan lö otönan Apraam nko Isak nko Yakopo. Ochan ECHOTYON.’ ”

WUWÖT 13:11

“Otini kemïtekwa ECHOTYON ntat koro Kanan, lenyini kiwolwolwokwa nko papotïnekwa lö, okonokwa,

WUWÖT 32:13

Nana mötworiku ompö Apraam nko Isak nko Yakopo cho kiwolwolchinyi chane lö, ‘Otösan yiyenkwa kïchangit le kokelya yïm akï otönan koronini kïmïkul koyomiswokwa yiyenkwa akïmïlöy chane kokay.’ ”

KINONO KIRURUT 12:20

“Kïkany ato töswokwa ECHOTYON Tororötïnkwa kore kïyetï, kïrïp kegh nko wölo kiyomistokwa akwamakwa mïnyas nyo pö peny amukekwa ome le wölo komöktoy.

KINONO KIRURUT 19:8

“Töswokwa ECHOTYON Tororötïnkwa kor le atanye kimwochï papotïnekwa lö otöni chane, akïkonokwa koronini kïmïkul kiyomis nyinte,

2 OTÖPTINO OSIS 7:8

Kigh nyu Solomon Ichon pö Tunkun osis taman nko angwan nko pipö Israel löwïr, nyoryogh nyo wow nyoman, kïngeta Amat ntökwit lalwa Misri.

2 OTÖPTINO OSIS 8:7

Pich löwïr nyu cho kidong cho melö ki pö pipö Israel pipö Ititi nko Amori nko Peris nko Ipiti nko Yepusi.

ESRA 4:20

Kikïpayta pöytoghï walaka cho owesöch korononi mi lalwa Yuparet okumpö ta akikwöghchï surï.

WUWÖT 2:24

akunan mumenyi nyo kyam nko Apraam nko Isak nko Yakopo.

WUWÖT 34:24

Oyonan punton cho mi tawungu anateghan rotyotïnekwa. Möminye chi nyo chengöy korenkwa otini kapekwa tawu ECHOTYON Tororöt kïnyïl sömök ompö köny.

LAWIN 26:42

ananan nyu mumenyu nyo kyaman nko Yakopo nko Isak nko Apraam nko kore nyo kyoyomisyan chane.

LAWIN 26:45

Wölo ononan mumenyu nyo kyaman nko papotïnekwa cho kyamïtwan kïpkana koro Misri kïsïwïyi puntonï lö talïkwan Tororötïngwa, ompöwölo ochan ECHOTYON.”

YOSWÖ 13:3

kingata lalwa Syior okumpö kongasispa koro Misri nko okumpö löt ntökwit rotyo Ekron, tökuyitote lö koro Kanan. Mi pöytoghï cho le mut cho pö pipö Pilisti, cho pö kanasyanta Kasa nko Asdod nko Askelon nko Kat nko Ekron nko cho pö Apim,

1 PÖYTOGHÏ 5:1

Otini kilïm Iram pöytoghinto Tiro lö kiketö Solomon paytagh akeyila mwagh atökïmïl ngacharuto kwanta Daudi, kïyonta pikachi wölo mi Solomon, ompöwölo kitïng kongotnön Iram nko Daudi ato le tagh.

1 OTÖPTINO OSIS 16:16

Muma* nyo kyam nko Apraam nko ayomis nyo kitö Isak.

YEREMIA 32:22

airopchinyi chane koronï akwagh nyoman lenyini kiyomisyinyi papotïnekwa.