15 Wölo itöponyi könyis cho chang airöpösenyi ompö kalya.
Iwetenyi nyïngwïny otini keyositunyi nyoman le pagh cho kimïchï kekas.
Otinö kachengan söpengu le ato kyachengan cho pö papotïneku kerorchinyi pïrïmpengu ompö kalya amösïwïyinye konyiku ghöyityö löwïr nyo opchinan Yerusalem nko pich cho möngöy ori.’ ” Kïlenyona kwipï pïchay lökoyechay kwïpchï pöytoghin.
Otini ketopönö nyi nyu, imeghenyi le werïnkwa Aron,
Wechinönyi kegh, we Daniel, ntökwitïta söröm. Itu ato irïwenyi, wölo itutunenyi, ainyorï ropöwontengu asispa söröm.”
Ompöwölo kikany kuwany Daudi kwigh machata Tororöt ompö pïntanyi, kïpas aketïp nko papotïnechi, akïnïn portanyi.
akïmïla nyïngwïtyanta nyïngwïny nyini kingwïna, kïmïla mïkulögh wölini mi Tororöt nyo kikonï.
Kïrapas nyu Ayupu, otini kikikïyosit nyoman.
Kirapas nyinte ato kikïyosit, kï monkoryon akïkonyïtote, kïcheng werïnyi Solomon ngacharu kïlïkwï pöytoghin.
Kikany nyu kuwonyö pïnoni kïmïkul, kïpusï pïnta anka nyo kimenkïtnye ECHOTYON akimenkïtnye kïgh nyo kighchï nyinte pipö Israel.
Kirur Yakopo chane kïlenchï, “Lekït arapasan aroranïn nko papotïnechan ompö köpönonay mito para Epron nyo le chi pö Ititi,
“Metönye Aron kor nyo kyoyomisön lö otönan pipö Israel, meghöy nyinte ompöwölo kyapenyakwa ngölyontenyan ompö pögho Meripa.
Kïrapas Isak akutuyö kegh nko kukötinechi ato kikikïyosit nyoman, kïtïp Esau nko Yakopo papongwa.
Kimwa lö, ‘Ochan Tororöt pö Apraam achan Tororöt pö Isak achan Tororöt pö Yakopo!’ Poru nyoni lö nyinte kï Tororöt pö cho sötote, melö nyo pö cho kimeghö.”
Ato sïch chi monïng 100 akïtöpö könyis cho chang, wölo kïrkegh köchang könyiswechi lö ne akwoto möngörökyïnye tïpö söponete cho karamach anta kïtïp nyinte ompö or nyo tenate, olentan ngwangwa monïng nyo kangarala kïtïl chichoni.
Iros chi nyo karam nko chi pö man, nyoru chi pö pöghisyö perur,
Kikïl Daudi werïnyi Solomon kïlïkwï pöytoghinto Israel otini kiyosit nyinte.
Ompöwölo kip nyinte werkachi ntökwit koro Kanan akïtïpchï nyinte köpöno Makpela nyo lekïto Mamre, nyo kyal Apraam nko para Epron nyo le chi pö Ititi, tökïlïkwï wölo kïtïpchini pich.
Kikïtïpchï atoni Apraam nko kokönyontenyi Sara, aketïpchï atoni Isak nko kökönyontenyi Repeka atïpchan atoni Lea.
Kïkany kuwonyö, kïtïpchï Apraam Sara korkenyi köpöno para Makpela kïparta wölnö le Mamre (nyoni kï Epron) nyo mi koro Kanan.
“Ochan rutoghin nyo owestegho kwenunkwa. Oltewante par kite ompö korenkwa otïpchan korkenyu.”
Wölo ato orïwön nko papotïnechan ipanïn oweghan Misri, aitïpchanïn wölo kikïtïpchï chane.” Kïlenchï Yosep, “Oghan lenyoni kemwaghanyi.”
Kïlenchï ECHOTYON Musa, “Karich wïyönyi rïwö nko kukötineku, otini melö temitenönyi, wöghökisyot pïchï akïsagh tororötine walaka cho mi koronini karich kïlït. Pïstonanïn chane akïpeny mumenyan nyo kyaman nko chane.
wetöy nyinte ngwen, wölo melö tökesïwïyi löpoyïn!
Ripöy pïchan lötunyi nyo kitiskayan kïrelit tökunan chi lö manan kipit nanam karwal.
