TOWUNÖT 13:13 - PIPÏLIA

¹³ Ki ghach pich cho kimi Sodoma, kighchï ECHOTYON ngokï cho ghach.

TOWUNÖT 13:13 Referans Kwoze

2 PETRO 2:10

ntökïmïr pich cho rïpöy pïrchintin pö por cho ghach cho le sïmnyon akï sas wowïn pö Tororöt. Pkatis konetichoni akunisonchot ametönicha konyït ighan cho ororöch cho mi parak, nyinö köteghöy lenyoni kumwa.

YUDA 1:7

Anan ya kanastina Sodoma nko Komora nko kanastin cho kilekïtinö, cho kipechï pikökwa kwigh tïkwïn cho lata choni kigh malayken, akïpechï kwigh cheporesnan nko takalnan. Kikirwokyï chane kïnyorï nyarïlpa ma nyo pö kokay, tökïlïkwï nyoni kinetut nyo pö pich lapay.

RUMI 1:27

Kegh mïrön tïkwïl lenyoni, ompöwölo nyinö kötöpetöy nko kor le nyaye pö su, nkanget kïpïrchï kïpa mïrön nko mïrön! Sörömunyi, ompö ptakalnanengwa nyoni, nyoru chane sito Tororöt.

YEREMIA 23:24

Ayo, ngo nyo muköy kïwïny kegh, amasïwan nyinte? Melö so kyoghömwan yïm nko ngwïny?

EPRANIA 4:13

Möminye kïgh nyonikïny nyo kikigh nyo mösïwïyinye Tororöt, rumu kïgh anka tïkwïl ompö tawunyi akï nyinte nyo kiyokyinecha ngaleko ighisyewutköcho löwïr.

MATAYO 9:13

Ape aneta kegh lö mwoghöy ne Kikirutchay lentöy, ‘Opïrchinan kisyonchin, amelö amörostin.’ Ompöwölo kimangwïnanye okur pich cho karamach kïpoto mwokïyis.”

TOWUNÖT 18:20

Kïlö ECHOTYON, “Ompöwölo kitasa kigheghchin nyo pö Sodoma nko Komora akïtösisyö ngokikwa tya,

YOANA 9:31

Kinkïtöcha lö möterchininye Tororöt mwokïyis, wölo terchini pich cho töni nyinte konyït akwigh machatenyi.

MATAYO 9:10

Akwotini kimi Yeso kö pö Matayo kwomisïyi, kïpka kwöghi surï walaka cho chang nko mwokïyiskö walaka akumpur nko nyinte kïmi nko kinetankachi.

ISAYA 1:9

Ntökimetuch ECHOTYON Kimuktoghin pikö walaka kïchïwïtyö, kitökikewur Yerusalem lökarpïs, le wölo kikida Sodoma nko Komora.

2 PÖYTOGHÏ 21:6

Kutötö werïnyi kepel kïlïkwï amöros. Kïpöghisyeghö ponintön akïmar pich cho ngoröy tïkwïn cho ighisyot akïngalan nko pich cho mi ngwen. Kigh ngokï cho ghach tya ompö tawu ECHOTYON akwigh nyinte kïnarek.

1 SAMWEL 15:18

Kiyoktinyi ECHOTYON akïlenchinyi, ‘Wïyö wanga mwokïyis chona le Amalek, poryeghenö aipar lömïs.’

TOWUNÖT 38:7

Wölo kigha otöp nyo kipö Er nyo kile poretya Yuda ompö wölo mi ECHOTYON, kïlenyona kïtïgh ECHOTYON nyinte.

TOWUNÖT 15:16

Mïlonchot moneku koronete ato itïta pïnwöy angwan, ompöwölo tomönye kwitïta ghöyityo pipö Amori.”

TOWUNÖT 10:9

Kingarak ECHOTYON nyinte kïlïkwï sökosin nyo awes, nka nyay mwoghöy pich lö, “Nya kwighinyi ECHOTYON lïkuna sökosin nyo awes le Nimrod!”

TOWUNÖT 6:11

Kïsïwa Tororöt ngwïny lö kiwïr akinyïghï pich cho le penyï kore kïmïkul.

YOANA 9:24

Kïkur chane chichoni kikarote panto odeny akïlenchï, “Mwaghe ngala man ompö tawu Tororöt. Kinkïtöcha lö mwokïyon chichoni.”

TOWUNÖT 39:9

Melö wow nyinte ompö köyete kïtïlanïn akïtomönye kïtaghenanïn kïgh nyonikïny kïpoto nyi, ompöwölo ichinyi korkenyi. Oghan nyu lö ne ghöyityö nko ngokï cho tïrusöch lechoni ompö wölo mi Tororöt?”

KIYITUT 32:23

Wölo ato maghakwanye lenyoni, kïkaghakwa ngokï ompö tawu ECHOTYON, onkïtï nyu lö, ngongtenekwa ngokikwo nyo motïny.

TOWUNÖT 19:13

ompöwölo karich kenyaracha wölete. Ompöwölo kiyetï tya kigheghchin nyo pö pïchï ompö wölo mi ECHOTYON. Köyonwecha ye nyinte kepkana kenyara Sodoma.”

1 SAMWEL 2:17

Kighechön ngoki werpö Eli ompö ECHOTYON, ompöwölo kisas chane amöros pö ECHOTYON.

YEREMIA 23:14

Wölo kasïwan werkoy pö Yerusalem kwighöy cho ghach tya. Kegh cheporsnan akïmïr putintön, rompöröy chelölos, tömökïmi chi nyo töghöy kwighöy ngokï. Ghach pïchoni löwïr ompö konyichan, karkegh nko pipö Sodoma nko Komora.